فى حب أمى

.... يا أول كلمة انطقها ...بألف الحرف أبدأها باسم الله ...وحنية ف حرف الميم وحرف اليا...وأغنية ...لهدية ربنا لية ..وأول ضى لعنية ... وشمس نهار فى اشراقها...ونجمة ليل لعشاقها....وكتابى ومدرستى اللى بعشقها ... ف قصة حب االهية ...بحبل السرة مربوط وأبدية ..... وانا من بدء تكوينى ...تضمينى تدادينى ... توصينى على دينى ..... وتدعيلى وتحمينى ... أكون عطشان بتروينى .... أكون بردان تدفينى ....أكون فرحان تهنينى ..... أكون زعلان تواسينى ....تعود لى ضحكة منسية ....ياأمى ياجنة الدنيا ....... يا صاينة العهد ياغالية ,,,,,ياساعة حب مظبوطة .... لو حتى جزء م الثانية ...... يامادة ايدك الحانية .....لو أندهلك ...حنان قلبك .... يلبى قبل مندهلك ..... أنا معكى ومشتاقلك .... ومين بعدك ومين قبلك .... ياأمى واغلى ما أملك
فى حب أمى
ياوردة زاينة بستانا ......مع القرأن مع السنة ......أطعنا الله وأحسنا
رضاكى يقوى ايمانا......وحبك هو ادمنا......وغضبك ويل يحطمنا
ف قربك قلبنا اتهنى ......فى بعدك ضعنا واتهانا
دا قدمك تحتها الجنة ...... وتقسى الناس وتتجنى ......وقلبك عمرة مايقسى
ياست الكل مين ينسى ........يا بيتنا وأصل عنونا
فى حضن جفونك الدافية .......ينام قلبى نوم عميق
يابلسم دعوتك شافية ....أمان برك كنوز وافية .....حنان قلبك بحور صافية
لغات الدنيا غير كافية ......عشان توفيك عظيم حقك ....ومن حقك حياتنا كلهاحقك
ربيع الدنيا يوم عيدك ....... يغنى كل طير لحنك
دا نغم الحب فى فى فرحك ...... ولحن الحزن فى جرحك
وانا فرحك وأنا رحك ......وأنا غايتى رضا قلبك ..... ومحتجلك أنا معاكى ومشتتافلك
ومن بعدك ومن قبلك ....ياأمى وأغلى ماأملك