(ارجوكم ارحمونا من الشائعات اولتراس اهلاوى يدفن شهدائها و يتقبل فيهم العزاء و غير موجودين و ليس لهما اى صلة بما يحدث الان امام وزارة الدخلية ......ارجوكم كفاية اشاعات .... حقنا احنا هنعرف ناخده ) هذا ما كتبته صفحة أولتراس الأهلي الرسمية علي الفيس بوك وأكد عدد من مؤسسي الجروب أمس في البرامج الفضائية أن الموجودين أمام وزارة الداخلية ليسوا أعضاء في الأولتراس وأنهم ليسوا ممثلين أو موجودين بشكل رسمي في محاولات اقتحام الوزارة ) لذلك حاولنا الاجابة علي سؤال واحد اذا كان الموجودين أمام وزراة الداخلية ليسوا من الأولتراس فمن هم اذا ؟؟ حيث قال لنا محمد حسن طالب في كلية التجارة جامعة القاهرة أنا شاب مصري ولست عضو في الأولتراس ولكني مشجع من مشجعي نادي الزمالك وأنا موجود هنا عشان حق الناس اللي ماتت وميفرقش معايا الناس في التلفزيون بيقولوا علينا ايه لأن طول عمرهم بيقولوا علينا بلطجية . وأضاف عمر سعيد طالب في الجامعة الألمانية أنه أحد أعضاء الألولتراس ولكنهم غير ممثلين بشكل رسمي فلم تأتي لنا دعوة من الكابو لنزول الميدان وقال ( أنا مليش دعوة الكابو بتوع الأولتراس يطلعوا في التلفزيون يقولوا اللي موجودين قدام الداخلية مش مننا ...أنا نازل هنا عشان صاحبي مات في بورسعيد وصاحبي كريم خزام وهو طالب في كلية ادارة الأعمال بالجامعة الألمانية أعرفه منذ سنة من خلال لقائتنا في المباريات وأول مرة أعرف امبارح أنه مسيحي لما مات محدش فيهم هينفعني ...أنا صاحبي مات ولازم أجيب حقه ) ## وقال عبدالرحمن محمد طالب في الصف اثلاني الاعدادي أنه من مشجعي النادي الأاهلي ولكنه ليس عضو في الأأولتراس وقال أنا هنا عشان الناس اللي ماتت وأمي قالتلي روح هات حق أخواتك اللي ماتوا وشجعتني واحنا هنا عشان ننتقم من الظباط اللي سابوا اخواتنا يموتوا قدام عينهم في بورسعيد و رفضوا القيام بدورهم و ليس لنا علاقة بالعساكر الغلابة لأنهم ميعرفوش حاجة وأوضح محمدعلي الطالب في كلية الهندسة بجامعة القاهرة أن نسبة الأولتراس الموجودين أمام وزارة الداخلية كبيرة لأن اللي ماتوا دول اخواتنا وأصحابنا واحنا عايزين حقهم مش أكتر وأكد أن الجروب غير ممثل بشكل رسمي وأن ظهور أي كابو في التلفزيون وقوله بأن اللي موجودين أمام الوزارة ليسوا أولتراس حقيقة لأن احنا مش نازلين بشكل رسمي ووجودنا في الميدان غير منظم زي وجود شباب الاخوان بالرغم من عدم التواجد الرسمي للجماعة وأكد أنه مع محاولات اقتحام وزارة الداخلية وحرقها لأنها أكبر رمز للفساد في مصر بالاضافة الي ماسبيرو لأنهم من أوصلونا الي هذه الحالة ويموت 70 واحد في نص ساعة والحكومة بتتفرج وأضاف أنه عندما قامت الثورة الفرنسية قاموا باحراق سجن الباستيل وهو كان رمز للفساد واحنا غلطنا من الأول أننا تركناالميدان
