جددي جمالك بعد الصيام × عشر خطوات !

بعد الصيام وبسبب العادات الخاطئة لبعض البنات .. البشرة تكون جافة والوجه شاحبا .. والشعر يفقد كثيرا من لمعانه واحيانا يتساقط ، تامر دهب خبير التجميل سيساعدك علي اخفاء كل العيوب الظاهرة علي وجهك في 10 خطوات .
رموش أطول
كل ما بنكبر رموشنا بتكون أكثر رقة وأقل كثافة مع التقدم في العمر وتقدري تتغلبي علي الموضوع ده وتظهري عيناك بشكل أكثر اتساعا باستخدام ماسكارا مكثفة ومطولة وياريت تضعيها فقط علي الرموش العلوية لأن فيه بنات كتير لما بتضع الماسكارا من الأسفل بتلطخ منها شوية وتظهر عينيها وكأن تحتها هالات .
رسمة حواجبك
للأسف فيه بنات كتير مش بتهتم بحواجبها وبتهملها جدا رغم أن المنطقة دي في وشها مهمة جدا , والحواجب غير المرتبة بتخلي البنت تظهر أكبر من سنها وبتخلي الوش شكله تعبان وياريت كمان البنات ماتجريش ورا موضة الحواجب الرفيعة لأنها بتدي إيحاء غير لطيف للبنت اللي عملاها كده ولازم رسمة الحواجب نفسها تكون مناسبة لرسمة عينيكي وتقسيمة وجهك سواء كان مثلثا أو بيضاويا أو مربعا .
كريم الأساس
من المفضل ان يكون كريم اساس غير محتوي علي أي لمعة علي الاطلاق أو يكون ملونا علي روز أو برتقالي لأنه هيبينك كبيرة عن سنك الحقيقية واعرفي ان الهدف من وضع كريم الأساس هو الحصول علي بشرة صافية بصورة طبيعية , وانصحك أن تختاري كريم الأساس اللي يضيء بشرتك .
أظافرك مهمة جدا
بنات كتير مش بتهتم بالعناية بأظافرها وبيكون شكلها ملون ومصفر شوية وتخيلي ايديك بالشكل ده حتي لو كانت سنك صغيرة هيكون شكلها وحش جدا , بلاش تطولي أظافرك بشكل مبالغ فيه , لأن الأظافر القصيرة السليمة أفضل بكثير من الأظافر الطويلة المشققة وعشان تعتني بأظافرك افركيها كل يوم بقطعة قطن من عصير الليمون عشان الليمون هيخلصك من البقع اللي علي اظافرك .
تنظيف البشرة وتقشيرها
من المهم جدا استخدام الأسكرب المقشر للبشرة كل اسبوع لأن البشرة مع التقدم في العمر تبدأ في فقد بريقها ولمعانها , وكمان تقشير الوجه بانتظام مفيد جدا لأنه يساعد علي التخلص من الخلايا الميتة ويزيد من نشاط الدورة الدموية ويجب ترطيب البشرة جيدا بعد تقشيرها وتنظيفها .
البلاشر الوردي
البلاشر دايما بيضفي لمسة من النضارة والشباب علي الوجه ولذلك يعتبر من أبرز الحلفاء التجميليين الذي ننصحك بعدم الاستغناء عنه ابدا , اختاريه بلون يتناسب مع لون بشرتك ليعزز اشراقتك في أي وقت من أوقات النهار .
غيري تسريحة شعرك
ان تغيير تسريحة شعرك خطوة مهمة جدا ويمكنك قص القصة كنوع من التغيير أو أن تفرقي شعرك من الجانب لمنح شكل مختلف لوجهك وحافظي علي طول شعرك في المنطقة بين الذقن والكتفين لأنها المنطقة المثالية التي يبدو فيها الشعر كثيفا وصحيا .
الكونسيلر مهم جدا
أنت بحاجة إلي نوعين مختلفين من الكونسيلر لوجهك .. كونسيلر غير لامع لاخفاء الشوائب وكونسيلر يعكس الضوء لمنطقة تحت العينين , لا تحاولي علي الاطلاق وضع كونسيلر غير لامع تحت ظلال العيون , لأنه قد يبرز الخطوط الرقيقة ويجعلها تبدو بشكل أسوأ .