رانيا يوسف : زمان كنت أقضى رمضان فى الجامع

تتألق الفنانة رانيا يوسف هذا العام بعملين استاطعت ان تتقدم بهما فى سباق المارثون الرمضانى وهما "نيران صديقة " و" موجه حارة" , ولكن رنيا اردات ان تتحدث ألينا عن ذكرياتها مع الشهر الفضيل وتترك للجمهور الحكم على أعمالها.
وعن ذكرياتها مع شهر رمضان الفضيل تقول رانيا يوسف : اول ما بسمع كلمة رمضان اتذكر انى لما كنت صغيرة عندى 8 سنوات كنت بقضى الثلاثين يوم فى الجامع انا واصحابى نحفظ القران ونأخذ الدروس الدينية قبل وبعد الفطار واستمرت هكذا حتى اصبح عمرى 12 عام لما والدى رأى انى كبرت ولا يصح انى اقضى كل هذا الوقت فى الجامع ومن ذكرياتى فى رمضان ايضا إن انا واصحابى كنا بنلف على البيوت عشان نلم فلوس الزينة وفانوس رمضان و ننظف امام الجامع وللاسف وحشنى هذا الجو جدا خصوصا انى افتقدته كليا لما كبرت ودخلت عالم الفن لانى من 10 سنوات من ايام مسلسل "عائلة الحج متولى" وانا بقضى رمضان فى البلاتوهات وبصراحة انا بحب الشغل جدا فى اى ظروف خصوصا لانى مش من الناس اللى بتقعد تفطر وجسمها يثقل لكن انا باكل حاجة خفيفة واشتغل عادى , اما على المستوى العائلى فهذا ثالث رمضان من 12 سنة اقضيه بعيدا عن ابو البنات المنتج محمد مختار بعد ان حصل اخيرا الانفصال بيننا والاكيد ان رمضان هذا العام سيكون مختلف تماما لان انا كنت متعودة ان الثلاثين يوم فى رمضان عندى عزومات فى البيت ومعظمها طبعا عزومات فنية فمن الفنانين اللى كانوا عندنا بشكل مستمر عزت ابو عوف ومها ابو عوف وعمرو عرفة ولقاء سويدان ودنيا سمير غانم وفاروق الفيشاوى ومصطفى شعبان لكن هذا العام رمضان هيكون عائلى بشكل كبير فاكيد هقضيه مع امى ابى واخى وابنتى نانسى وياسمين .