حبيبي وحببتي

حبيبى
حسسنى بحبك
اسمحلى آخد من وقتك دقيقة.. تقرا فيها رسالتى ليك..
حبيبى.. مستنية أشوف غيرتك عليّ.. وما تخافش.. مش هقولك إنك عامل فيها سى السيد..
أنا مستنية أحس باهتمامك بيّا.. أحس إنك ما صدقت ولقيتنى.. تخاف عليّا زى أختك.. وتحبنى زى مامتك..
مستنية أحب راجل ييجى يقولى: «هقابل باباكى إمتى؟» مش واحد «نايتى» يقول لى: أنا حاكى لأصحابى عليكِ.
عايزاك أخويا.. وبابايا اللى يوم ما أهرب من الدنيا كلها أروح له هو.. مش عايزة أحس بخوف منك، خوفى حيتحول لاحترام طول ما انت بتحترمنى وبتحافظ عليّا.. عايزاك راجل بيلبس لبس رجالة، مش هيشدنى خالص بنطلونك الضيق والبادى القصير.. مش عايزاك تقول لى يا بيبى، متهيألى «حبيبتى» أفضل.
اوعى فى يوم من الأيام تحاول تغيظنى ببنت تانية، عشان أنا واثقة من حبك.. عصبيتك فى عينى هتبقى أحلى حنية.. إوعدنى زى ما أنت عايز، بس اوعى ما توفيش بوعودك..
شكلك مش حيفرق معايا.. على قد ما شخصيتك هتعلقنى بيك.. عايزاك تبقى قريب من ربنا عشان أضمن إنك هتراعيه فيّا..
بحب دمك الخفيف، عشان مش بحب الجد على طول.. ويا سلام لو رخمت عليا.
اهتم بتفاصيل حياتى على قد ما تقدر.. اسمعنى حتى لو كلامى تافه.. فاجئنى حتى لو بحاجة بسيطة.
حسسنى بحبك ليا بطريقة مختلفة.. مش عايزة أسمع كلمة بحبك بس.. قول لى وحشتينى لما أكون فعلا وحشاك..
خلينى أفضل طول عمرى أدعى ربنا إنه جمعنى بيك.. •
سلمى أحمد مصطفى
حبيبتى
أنشودة عذاب
حبيبتى تركتينى وذهبتى مع الأيام
اليوم افصح عن ما فى نفسى من آلام
أنشد أنشودة الأوهام
أعزف مقطوعة على أوتار قلب ممزق من الأشجان
فراقك اليوم دهر الموت عنى جانبا من الأحزان
تمنيت أن أراكِ اليوم .. فوجدتك طيف عابر بين سطور الكلام
اليوم أناديكى
حبيبتى
من الماضى أقولها فاليوم أصبح لغيرى نصيب من أنقى إنسان
ستظلين بعقلى ذكرى من سيمفونية الزمان
اليوم أنسج نسيج الموت بدونك
استعد حتى أسقط فى بحر النسيان
فاليوم بداية آخر الأحزان
توقفت عن الكلام عندما سمعت نفسى تبكى
قالت لى:
الآن عرفت معنى فراق الأحباب
الآن عرفت معنى كيف نعيش بدون انجذاب
أنت الآن ممزق إربًا إربًا بأسباب
أتعلم أنى أشفقت عليك من الفراق
فإنى ذاهبة وتاركة ورائى ألف باب وباب
قلب مات من الانتحاب
فليكن رب السماء فى عونك يا أنشودة العذاب. •
لؤى خليل