يجعل كلامى فانوس وسط الفرح قايد يجعل كلامى على السامعين بفوايد يجعل كلامى ولا ناقص ولا زايد احنا فى وقت البنا ماحناش فى وقت كلام يجعل كلامى حجارة ومونة وحدايد فين الكلام اللى زى الورد والحنة أرميه سلام وانقله مواويل تتغنى على شباب انقتل فى حب أوطاننا شال السلاح فى يمينه وقال يا بلدى ندرن عليا لاخليكى ولا الجنة وإن عشت يا مصر لامشيكى برجليا اهدى مراكب محبة للسواحلية واهدى البحاروه بحب عينيا بإيديا وأهدى الصعايدة بأنفاسى نسيم وسلام واخلى قلبى حديد واهدى الصنايعية شال السلاح فى يمينه وقال يا بلداه جاله الرصاص من شماله مال .. يا ولداه قام من وراه ألف من شال السلاح وفداه حل العدو عن بلادنا وأصبحت حرة آدى سبب ماالجدع بيقول يا بلداه عينى رأت فى نواحى دنشواى أفراح لما اللى دق المشانق فيها راح وانزاح وكل فردة حمام طارت بألف جناح حتى المشانق بقت يوم الجلاء مراجيح وسمعت صوت غنوة الفلاحة والفلاح يا حمام البر سقف طير وهفهف حوم ورفرف على كتف الحر وقف والقط الغله سلامات يسعد صباحك دى بلدنا خد براحك يا حمام افرد جناحك تسلم انشالله يا رفاقه الجو خالى وحمامنا فى العلالى ياما كان الدم غالى والطبيب الله ياما راح نسمع بشاير طلى يامه يام صابر ما بقاش ع الجسر غادر ماشى يتسلى ما بقاش ع التل غيرنا والحبايب بتناصرنا يا حمام انزل فى خيرنا والقط الغله حل العدو عن بلادنا سالمة يا سلامة وخلاص ماعدناش فى دارنا غرب ويتامى الخير حايبقى حدانا فى البلد ياما لما تزيد الغيطان ونقيم مصانعنا الخير يكفى الجميع ونعيش بكرامة فين الكلام اللى زى الفل والياسمين على حبايب نعسنا وباتوا سهرانين