مهاجم الزمالك يوضح أسباب إشتباكه مع جماهير الأهلي في تونس

كشف باسم مرسى، مهاجم الزمالك ، عن أسباب أزمته مع جماهير الأهلى فى تونس ، والتى حدثت عقب وصول بعثة الزمالك إلى تونس لمواجهة الصفاقسى فى الجولة الخامسة لبطولة الكونفيدرالية الأفريقية.
وكان باسم مرسي قد إشتبك مع عدد من جماهير الأهلي في مطار تونس عقب وصول بعثة الفريق الأول لكرة القدم بالنادي الأبيض أمس استعدادا لمواجهة الصفاقسي التونسي ، قبل أن يتدخل أحمد مرتضي رئيس البعثة وينهي الأزمة.
وكتب "مرسي" رسالة عبر صفحته "علي موقع "إنستجرام" يوضح التفاصيل الخاصة بتلك الأزمة ، وجاء نص الرسالة علي النحو التالي:
"توضيح لمشكلة إمبارح، إلى كل واحد طالع عمال يحلل ويقول كلام على مزاجه، أنا من أول ملعبت لنادى الزمالك وأنا بتشتم بوالدى وولدتى وبيتقال عليا كل حاجه ممكن تتقال، تنك مغرور ده عايشها على الناس بيزعق ويتنرفز على اللاعيبه، بيشتم زمايله فى الفريق عايز كل كورة تتباصى ليه عايز هو بس الى يجيب الجون، ده بيروح للحلاق أكتر ما بيدخل الحمام، كل حاجه بعملها شغلا الناس، أجيب جون ده بقى تنك ومغرور مجبش جون ده مستواه بقى وحش ومبقاش زى الأول، أطول شعرى مش عاجب اقصره مش عاجب، كل يوم اتصور مع الناس ومش عاجب يوم ماكون تعبان من التمرين ومش قادر اتصور عشان بيبقى ورايا التزامات تانيه أبقى تنك ومغرور، ده أنا بقيت أخاف اقول لحد سلام عليكم ليقولك باسم اتجنن ماشى يقول للناس سلام عليكم، عارف إنى مش هعرف أرضى كل الناس عشان لو رضيت كل الناس هبقى منافق، كل ده ولا أثر ولا هيأثر فيا عشان أنا عارف طريقى كويس وعمرى معملت ولا هعمل مشكلة بسبب التفاهات دى وعارف إن دى ضريبة أنى بلعب تحت اسم كيان وجمهور كبير هو نادى الزمالك اللى عشانو بجد ممكن اعمل أى حاجه، إنما لما توصل إن النادى إلى بلعب وبموت نفسى عشانه يتهان واسمعها بودانى أكتر من مره ومرودش وأجيب حقه من الى غلط فيه أبقى مش راجل، اللى عايز يغلط فيا براحته مش هرود عليه، بس نادى الزمالك خط أحمر، ولما بنقول ربك وطنك ثم الزمالك دى مش كلمه ولا شعار بنقولو وخلاص، ده شعور حسينو ومصدقينو بجد نادى الزمالك (إحنا درعك وسلاحك داخل وخارج الملعب) عاش الزمالك عاش حبه فى قلبي".