باسم مرسي يخرج عن شعوره :مش هسمح لحد يشتم الزمالك

علق باسم مرسي مهاجم نادي الزمالك على المشادة التي وقعت بينه وبين اربعة مشجعين من النادي الأهلي فور وصول البعثة إلى تونس امس الخميس استعدادا لمواجهة الصفاقسى التونسى يوم الأحد المقبل في اياب الجولة الخامسة من دوري المجموعات ببطولة الكونفدرالية.
وكتب اللاعب عبر حسابه على "انستجرام" " توضيح لمشكلة امبارح اللي كل واحد طالع عمال يحلل ويقول كلام على مزاجه، أنا من أول ما لعبت في نادي الزمالك وأنا بتشتم بوالدي ووالدتي وبيتقال عليا كل حاجة ممكن تتقال تنك مغرور ده عايشها على الناس بيزعق وبيتنرفز على اللاعيبة بيشتم زمايله في الفريق عايز كل كورة تتباصى ليه عايز هو بس اللي يجيب جول ده بيروح للحلاق أكتر مابيدخل الحمام كل حاجة بعملها شاغلة الناس أجيب جول ده بقى تنك ومغرور مجبش جول ده مستواه بقى وحش ومبقاش زي الأول أطول شعري مش عاجب أقصره مش عاجب كل يوم اتصور مع الناس ومش عاجب ويوم ماكون تعبان من التمرين ومش قادر اتصور علشان بيبقى ورايا التزامات تانية ابقى تنك ومغرور ده أنا بقيت أخاف أقول لحد سلام عليكم ليقولك باسم اتجنن ماشي يقول للناس سلام عليكم".
وأضاف نجم الزمالك " عارف إني مش هعرف أرضي كل الناس علشان لو رضيت كل الناس هبقى منافق كل ده ولا أثر ولا هيأثر فيا علشان أنا عارف طريقي كويس وعمري ماعملت ولا هعمل مشكلة بسبب التفاهات دي، وعارف إن ضريبة إني بلعب تحت اسم كيان وجمهور كبير هو نادي الزمالك اللي علشانه بجد ممكن أعمل أي حاجة".
وأختتم "إنما توصل إن النادي اللي بلعب وبموت نفسي علشاه يتهان واسمعها بوداني أكتر من مرة ومردش وأجيب حقه من اللي غلط فيه ابقى مش راجل اللي عايز يغلط فيها براحته مش هرد عليه بس نادي الزمالك خط أحمر ولما بنقول ربك وطنك ثم الزمالك دي مش كلمة ولا شعار بنقولوا وخلاص ده شعوره حسينه ومصدقينه بجد".