باسم مرسي يرد على منتقديه عبر انستجرام

قام باسم مرسي مهاجم نادي الزمالك بنشر رسالة موجهة إلي منتقديه عبر حسابه علي موقع إنستجرام.
و رد باسم علي الإنتقادات التي وجهت إليه بعد شجاره مع أربعة من مشجعي النادى الأهلي في مطار قرطاج بتونس، أثناء وصول بعثة الزمالك من أجل لقاء نادي الصفاقسي ضمن منافسات بطولة الكونفيدرالية الأفريقية.
و بحسب رواية مهيب عبد الهادى مدير البرامج الرياضية في قناة الحياة، و المرافق لبعثة الزمالك في تونس، تدخلت قوات الامن التونسية لفض الشجار بين باسم و الأربع مشجعين، و كاد الموضوع أن يتطور لولا تدخل أحمد مرتضي منصور رئيس البعثة لإنهاء الأزمة سريعًا.
و قال باسم في رسالته:
" توضيح لمشكلة امبارح الي كل واحد طالع عمال يحلل ويقول كلام علي مزاجه انا من اول ملعبت لنادي الزمالك وانا بتشتم بوالدي وولدتي وبيتقال عليا كل حاجه ممكن تتقال تنك مغرور ده عايشها علي الناس بيزعق ويتنرفز علي اللاعيبه بيشتم زمايله في الفريق عايز كل كورة تتباصي ليه عايز هو بس الي يجيب الجون ده بيروح للحلاق اكتر ما بيدخل الحمام كل حاجه بعملها شغلا الناس اجيب جون ده بقي تنك ومغرور مجبش جون ده مستواه بقي وحش و مبقاش زي الاول اطول شعري مش عاجب اقصره مش عاجب كل يوم اتصور مع الناس ومش عاجب يوم ماكون تعبان من التمرين ومش قادر اتصور عشان بيبقي ورايا التزامات تانيه ابقي تنك ومغرور ده انا بقيت اخاف اقول لحد سلام عليكم ليقولك باسم اتجنن ماشي يقول للناس سلام عليكم عارف اني مش هعرف ارضي كل الناس عشان لو رضيت كل الناس هبقي منافق كل ده ولا اثر ولا هيأثر فيا عشان انا عارف طريقي كويس وعمري معملت ولا هعمل مشكلة بسبب التفاهات دي وعارف ان دي ضريبة ان بلعب تحت اسم كيان وجمهور كبير هو نادي الزمالك اللي عشانو بجد ممكن اعمل اي حاجه انما لما توصل ان النادي الي بلعب وبموت نفسي عشانه يتهان واسمعها بوداني اكتر من مره ومرودش واجيب حقه من الي غلط فيه ابقي مش راجل اللي عايز يغلط فيا براحته مش هرود عليه بس نادي الزمالك خط احمر ولما بنقول ربك وطنك ثم الزمالك دي مش كلمه ولا شعار بنقولو وخلاص ده شعور حسينو و مصدقينو بجد
نادي الزمالك(احنا درعك وسلاحك داخل وخارج الملعب )
عاش الزمالك عاش حبه في قلبي"
basem1
و كان حازم أمام قائد الزمالك السابق و مقدم البرامج بقناة الحياة قد وجه إنتقادات لباسم مرسى بسبب المشاجرة مع المشجعين، و طالبه بالتركيز و الحرص علي صورته كلاعب بنادى الزمالك، كما طالبه بالتركيز و العودة إلي مستواه السابق و البعد عن الإنفعال في الملعب و الغرور.