باسم مرسي يوضح ملابسات الأزمة الأخيرة

حرص باسم مرسي مهاجم الفريق الأول لكرة القدم بنادي الزمالك علي توضيح أزمته الأخيرة والمشادة التي جمعته بجماهير من النادي الأهلي في تونس خلال الساعات الأخيرة.وقال اللاعب عبر حسابه الخاص علي موقع 'انستجرام' توضيحاً للأزمة 'كل واحد طالع عمال يحلل ويقول كلام علي مزاجه انا من اول ملعبت لنادي الزمالك وانا بتشتم بوالدي وولدتي وبيتقال عليا كل حاجه ممكن تتقال تنك مغرور ده عايشها علي الناس بيزعق ويتنرفز علي اللاعيبه بيشتم زمايله في الفريق عايز كل كورة تتباصي ليه عايز هو بس الي يجيب الجون ده بيروح للحلاق اكتر ما بيدخل الحمام كل حاجه بعملها شغلا الناس اجيب جون ده بقي تنك ومغرور مجبش جون ده مستواه بقي وحش و مبقاش زي الاول اطول شعري مش عاجب اقصره مش عاجب كل يوم اتصور مع الناس ومش عاجب يوم ماكون تعبان من التمرين ومش قادر اتصور عشان بيبقي ورايا التزامات تانيه ابقي تنك ومغرور ده انا بقيت اخاف اقول لحد سلام عليكم ليقولك باسم اتجنن ماشي يقول للناس سلام عليكم عارف اني مش هعرف ارضي كل الناس عشان لو رضيت كل الناس هبقي منافق'.وأضاف 'كل ده ولا اثر ولا هيأثر فيا عشان انا عارف طريقي كويس وعمري معملت ولا هعمل مشكلة بسبب التفاهات دي وعارف ان دي ضريبة ان بلعب تحت اسم كيان وجمهور كبير هو نادي الزمالك اللي عشانو بجد ممكن اعمل اي حاجه انما لما توصل ان النادي الي بلعب وبموت نفسي عشانه يتهان واسمعها بوداني اكتر من مره ومرودش واجيب حقه من الي غلط فيه ابقي مش راجل اللي عايز يغلط فيا براحته مش هرود عليه بس نادي الزمالك خط احمر ولما بنقول'.واختتم مهاجم القلعة البيضاء تصريحاته قائلاً 'ربك وطنك ثم الزمالك دي مش كلمه ولا شعار بنقولو وخلاص ده شعور حسينو و مصدقينو بجد.. نادي الزمالك'احنا درعك وسلاحك داخل وخارج الملعب ''.