أيمن بهجت قمر لمنتقدي "ليالي الحلمية 6": اللي بيسيئوا ليا مجرد فقاعات هوائية

قام الشاعر والسيناريست أيمن بهجت قمر، بوصف المنتقدين والمسيئين له بعد الإعلان عن كتابته جزءًا جديدًا من مسلسل "ليالي الحلمية"، بأنهم "فقاعات هوائية"، مطالبا إياهم بمعرفة حجم تأثيرهم على المشاهدين بكتاباتهم النقدية.
وكتب أيمن بهجت قمر، في تدوينة عبر حسابه الخاص بموقع التواصل الاجتماعي "فيس بوك": "الحمد لله مافيش أجمل من ولا أعدل من ربنا، وبيدي كل واحد على أد نيته وعمله وأخلاقه، واللي بيبص على حد وبيركز معاه بيفضل وراه وعشان كده مابيعرفش يسبقه في أفكاره".
وأضاف: "ياريت اللى عمالين يسيئوا ليا من ساعة خبر الحلمية ومن قبلها الفيلم، يبصوا على تاريخهم ويشوفوا حجم تأثيرهم على الناس بكتاباتهم النقدية أو يقيسوا وزنهم وسعرهم.. مجرد فقاعات هوائية احترنا في مصدرها، يا رب دايمًا كده يا رب تلهمني بأفكار تحرق دم الحاقدين كده وتكشفهم وتكشف خفة أوزانهم.. اللهم رد كيدهم في نحورهم.. وأخيرًا بقول للي قلوبهم حلوة صباحكوا فل.. واللي قلوبهم سودة.. ليلتكوا قذرة إن شاء الله".