أيمن بهجت قمر ل"منتقدي ليالي الحلمية": "أفكارى بتحرق دم الحاقدين"

قام الشاعر والسيناريست أيمن بهجت قمر، بوصف المنتقدين والمسيئين له بعد الإعلان عن كتابته جزءًا جديدًا من مسلسل "ليالى الحلمية"، بأنهم "فقاعات هوائية"، مطالبا إياهم بمعرفة حجم تأثيرهم على المشاهدين بكتاباتهم النقدية.
وقال أيمن بهجت قمر، فى تدوينة عبر حسابه الخاص بموقع التواصل الاجتماعى "فيس بوك": "الحمد لله مافيش أجمل من ولا أعدل من ربنا، وبيدى كل واحد على أد نيته وعمله وأخلاقه، واللى بيبص على حد وبيركز معاه بيفضل وراه وعشان كده مابيعرفش يسبقه فى أفكاره".
وأضاف: "ياريت اللى عمالين يسيئوا ليا من ساعة خبر الحلمية ومن قبلها الفيلم، يبصوا على تاريخهم ويشوفوا حجم تأثيرهم على الناس بكتاباتهم النقدية أو يقيسوا وزنهم وسعرهم.. مجرد فقاعات هوائية احترنا فى مصدرها، يا رب دايمًا كده يا رب تلهمنى بأفكار تحرق دم الحاقدين كده وتكشفهم وتكشف خفة أوزانهم.. اللهم رد كيدهم فى نحورهم.. وأخيرًا بقول للى قلوبهم حلوة صباحكوا فل.. واللى قلوبهم سودة.. ليلتكوا قذرة إن شاء الله".