بالفيديو.. عمرو اديب ل«السيسي» : «كل جثث غزة في رقبتك»

وجه الإعلامي عمرو أديب، مساء الأربعاء، رسالة إلى الرئيس المصري عبدالفتاح السيسي، بخصوص العدوان الإسرائيلي على غزة، قائلًا: «في ضميرك وفي رقبتك كل الجثث وكل الأرواح اللي في غزة النهارده، طول عمر غزة في رقبة مصر مهما حصل».
وأضاف «أديب»، في برنامجه «القاهرة اليوم»: «مسافة السكة بتاعت السيسي مش مقصورة على دول أه ودول لأ».
وأعتبر أن رد الفعل المصري ليس بالمستوى المطلوب لا على مستوى الرئاسة ولا الخارجية، مضيفًا: «ماتخافش من حاجة يا ريس».
وقال: «يجب أن يظهر دور مصر.. دول أهلنا وعائلتنا وقرايبنا وديانتنا وقضيتنا، ووالناس اللي بتموت في غزة مصريين مسلمين، وعايز أشوف رئيس الجمهورية يتحرك بشكل واضح، وعايز موقف قوي من مصر ضد النظام الإسرائيلي».
وأضاف: «عاوز أشوف مصر الجديدة اللي بيتعمل لها حساب.. والموضوع ده مش لازم يتسكت عليه، وملاحظ إنه فيه صهينة ودي مش مصر ولا دي أخلاقنا ولا ده ديننا ولا دي 25 يناير ولا 30 يونيو»، في إشارة لآراء البعض بعدم تعامل القاهرة مع الوضع الراهن في غزة.
وأختتم حديثه: «افتح المعابر يا ريس وروح ابعت عربيات إسعاف».