هتافات الثوار تشعل الميدان وتزلزل عرش العسكر

اكتب على حيط الزنزانه حكم العسكر عار وخيانة



استعاد ميدان التحرير بريقه الثوري، على الرغم من خلافات صغيرة اشتعلت هنا وهناك، لكنها لم تدم طويلا، فى حين طغت الروح الثورية مجددا على الهتافات التى تردد صداها فى الميدان، على خلفية الحضور اللافت لشباب الثورة والقوي السياسية التى فجرت ثورة 25 يناير، وعلى رأسها "6 أبريل – الحركة والمنظمة"، حركة "كفاية"، حركة "الاشتراكيين الثوريين"، شباب "الإخوان المسلمين"، وشباب السلفيين و"سلفيو كوستا" وغيرهم من من رفقاء السلاح فى الميدان.
وقد ارتجت سماء التحرير بهتافات عديدة، كشفت بقوة أن الثورة لم تمت بعد كما أراد لها أعداؤها وعلى رأسهم "المجلس العسكري" والكيان الصهيو – أميريكي" وتحالف دول الخليج.
وفيما يلي نصوص هتافات الميدان كما رددها شباب الثورة:
اكتب على حيط الزنزانه حكم العسكر عار وخيانة

اكتب على ضهر العربيه مجلس عسكر م الحرامية
اكتب على ايدك على وشك حكم مشير كداب بيغشك
اكتب ع البدله الظباطى ظباط جبنا وغاويه تطاطى
اكتب على باب الجنرال يومك قرب وهاتتشال
قول لروينى وقول لبدين الثوار جايين جايين دم
اخواتهم مش ناسيين تارهم دين وليوم الدين
افرح قوى يا مشير العار بكره تموت بإيدين ثوار
يا تسعتاشر فاسد خاين كدبك بقى شيئ واضح باين
احنا نعيش احرار بالثوره وانت تموت مذلول متداين
اوعى تفكر يوم يا عنان يمسك جيشنا خسيس وجبان كل المجلس ده هايتحاكم والجيش يفضل بالشجعان
مجلس عايز يولع فيه عمر بلدنا ما تعمر بيه

مجلس طالع نازل يكدب سايب مصر بتضرب تقلب
مجلس عاش يحمى المخلوع والشعب الغلبان مخدوع عايز واحد بس يقولى ايه اتغير فى الموضوع
مجلس هو بدين وشاهين والباقى بيقرا الجرانين واحد ضرب وسحل ف شارع والتانى يخرف قوانين
اقتل واسجن واضرب نار ما انت صحيح مجلس غدار بس اتأكد وانت بتضرب ان الدور داير دوار
خلي الشعب يعيش فى اهات مجلس عاشق للإحباط واصرف عائد للظباط علشان تضمن كله سكات
مهما هاتعمل بالجبروت انسي ان انا راح اعيش ف سكوت انا حرمت اعيش مكبوت انا حرمت اعيش مكبوت
لف الحبل وشد كمان اخنق واظلم زي زمان مجلس عار خاين وجبان..................