وضع نشطاء مواقع التواصل الاجتماعي روشتة لمواجهة ازمة الانقطاع المتكرر للكهرباء هذا الصيف، ووجدوا ان حلها يتطلب تضافر جميع الجهود بدءا من المواطن البسيط مرورا بالمؤسسات وصولا الي الحكومة التي يجب ان تبحث عن مصادر جديدة .. فعبر موقعي "فيس بوك" و"تويتر" حاول النشطاء وضع مجموعة من الحلول التي وصفوها ب "العاجلة" لمواجهة الازمة فكتب وليد الجندي:"ترشيد المواطن في استهلاك الكهرباء. الحاجه اللي مش محتاجينها منشغلهاش والبيت اللي فيه تلات اربع تكييفات يشغل واحد كفايه والبيت اللي فيه سخان يشغله وقت اللزوم والمحلات ياريت بلاش المحل يكون كله إضاءة بره وجوه كأنه فرح ده بالنسبه للمحلات والبيوت العادية.اما الاماكن التانية مشاكلها اكتر" طارق عاطف::"عدم تشغيل الكهرباء التى لا حاجة لها وعدم الإسراف فى إستخدام الأجهزة الكهربائية..... ومراعاة عدم تشغيل المكفيات فترات طويلة....... والتوسع مستقبلا فى إستخدام الرياح والشمس لتوليد الطاقة الكهربائية" حسام علي:"تقنين وضع الممارسه وتنشيط حملات شرطة الكهرباء على السارقين لقد اصبحو بالملايين" سمية سمير:"ممكن نرشد الكهرباء لقطع النور ساعة كل يوم بس يكون وقت الصبح عشان اللي بيذاكر وعشان بالليل بيبقي صعب قطع النور والحر" محمود الجمال:" الحل ترشيد الاستهلاك ذي:عدم تشغيل جميع المكيفات والمراوح خاصة في المساجد لانها تستهلك كم رهيب من الكهرباء وكذلك في المنازل مش لازم البيت كله يكون مكيف.والاضاءة دي مناشدة لكل رب منزل لان فيه ناس الكهربا عندهم متشغلش لمبة" هشام نور:"ممكن كل أسرة تغلق المفاتيح الرئيسية لكهرباء الشقة في أوقات تراها الأسرة مناسبة لذلك مثل ساعة القيلولة أو الساعات الأولى من الصباح" احمد ابراهيم:"عدم الاسراف .. فى تشغيل السخان الكهرباء واجهزة التكييف.. غلق مصابيح الكهرباء وترشيد استهلاكها فى النهار" دفتر الحياة:"اول حل تطوير محطات الكهرباء على مستوى الجمهوريه وانشاء محطات جديده لدعم المحطات القديمه وارشاد المواطن" مصادر بديلة هذا فيما وجد البعض الاخر ان الحل الامثل لمشكلة الكهرباء المتكررة كل صيف هو البخض عن مصادر بديلة للطاقة الكهربائية وفي مقدمتها الطاقة الشمسية فقالت اسماء محمد:"الحل الأمثل استغلال الطاقة الشمسية الرهيبة الموجودة في مصر في توليد الكهرباء" محمد عمر:"انارة المصالح الحكومية و المساجد والكنائس والوزارات بنظام تشغيل الطاقه الشمسيه او الرياح فورا والغاء نظام الممارسة" احمد رشدي:"انارة جميع الشوارع اجباري بالطاقه الشمسية" اسلام الصفي:"الغاء تصنيع اللمبات العادية والاستعانة بالموفرة بدلا منها وتركيب عداد رئيسى لكل عمارة ومقارنة قراءته بمجموع العدادات الفرعية لمنع سرقة التيار" وعاب البعض الاخر علي الحملات التي تتعرض لها الحكومة والرئيس في ازمة انقطاع الكهرباء فقال علاء صادق:"البسطاء يؤهلون انفسهم بكفاءة لمواجهة انقطاع الكهرباء بلا شكوى.الاثرياء يصرخون وهم قادرون على شراء اجهزة توليد الكهرباء.انهم لا يحبون مصر" احمد جلال:"إذا كانت الداخلية نضيفة و القضاء نضيف و الكهربا كانت ميه ميه و اعلامنا كان هادف و نائبنا العام جايب حقنا و الشباب بتجوزو مرتاحة و معندهاش مشاكل..يبقى اكيد الثورة قامت عشان شعبنا كان بيسلي نفسه بيقضي وقت فراغه في ثورة" مصطفي الزيدي:" قال ايه بقى، الكهرباء بتقطع في مناطق اللي انتخبوا مرسي اما مناطق اللي انتخبوا شفيق مش بتقطع عندهم، انا سمعت تبريرات ياما بس كده كتير بصراحة"