بالحب جانا الأنبياء من ربنا رب السماء كل البشر ع الأرض دى إخوة وعند الله سواء
واللى خلقنا كلنا واحد أحد من طين وماء لو بس نعرف دا يا ناس مش راح يكون فى الكون شقاء ولا يوم حانعتب ع الزمان ولا نشتكى من أى داء الحب لو كان ينتشر بين الجميع حايكون دواء ولافيش مجاعات راح تكون والكل يشبع بالغذاء ولا دمعة تنزل م العيون على خد أطفال أبرياء وحاينتهى الظلم الأليم والعدل حايسود والصفاء وما بين بقى كل الشعوب راح ينتهى كل العداء وحايرضى عنا ربنا ونعيش جميعا فى رخاء واحنا بقى ع الأرض دى نضمن لأنفسنا البقاء ونقول يا ناس من قلبنا بالحب جانا الأنبياء أحمد جعفر الخطاطبة - السادات - منوفية