كل رمضان وانت طيب والسنة الجاية أشوفك خدت «ستة» من حقو قك وانتهى جُبنك وخوفك
وانتهى حكم الطوارئ وألقى نقطك فوق حروفك والقى دستورك جديد بعد ترقيع البعيد يبقى لك فى الجلسة كرسى بعد ما طول وقوفك كل «أبريل» وانت طيب بس أبريل مش كفاية دا أنت مطلوب كل لحظة يبقى لك وقفة وحكاية الفساد عايز مقاومة يعنى احنا فى البداية
طول ما إيدك ماسكة إيدى حاسة بالنبض فى وريدى راح نخلى مصر جنة لو صمدنا للنهاية كل أبريل وانت طيب بس إوعى تنسى مارس إوعى تنسى انك انت النهارده صبحت فارس كل لحظة تشيل سلاحك عند تزوير المجالس
ترفعه وتعمل مظاهرة لأجل ما تكون مصر حرة واللى يلعب جنب صوتك طيح فى وشه بالمكانس كل أكتوبر وانت طيب كل لحظة وكل يوم يبقى لينا وقفة ترفع عن كواهلنا الهموم نمنا ياما وضاع شبابنا لما ضاع العمر نوم والفساد ورّق وفرّع حتى بذر القرع زرّع
نمنا ياما والنهارده بالشباب لازم نقوم سيد أحمد الهمشرى [email protected]