والدة الشهيد ضياء فتوح: «السيسي بيحسسنا دايما بقيمة تضحيات أولادنا»

هنأت نجاة سيد جبر، والدة الشهيد النقيب ضياء فتوح، أفراد الشرطة المصرية بمناسبة عيد الشرطة، "كل سنة وأنتم طيبين، وكل سنة وأنتم بديل لابني، وبيكم مصر محفوظة".
وأوضحت: "النهاردة عيد الشرطة وعيدي وعيد ابني، والجميل إن الناس كلها فاكرة أسر الشهداء، والأجمل إن الرئيس عبد الفتاح السيسي خلى للعيد رونق تاني باهتمامه بأسر الشهداء، وبشكر الرئيس عبد الفتاح السيسي اللي بيحسسنا دايما بقيمة بتضحيات أولادنا".
وقالت والدة الشهيد إن ابنها وزوجها كانا يخدمان في الشرطة المصرية، في الأوقات الصعبة التي مرت على مصر في الفترات الماضية، وكان ابنها ضابط مفرقعات، مضيفة: "شوفت في ضياء ابني حاجات كتير حلوة، ابني كان بيمسك القنبلة في إيده وكان عارف إنه ممكن ينفجر في أي وقت، كان بيروح شغله وهو راضي، حياة ابني كلها كانت شغل، وقدم روحه وقضى واجبه، ابني كان شجاع وبطل، مكانشي ليه حياة شخصية زي باقي الشباب".
وأضافت والدة الشهيد: "ضياء ضحى بحياته وهو بيفكك قنبلة، وبعد استشهاده عرفت قيمة شغله، وأد إيه كان ابني بيعمل حاجة جميلة، وعرفت إن ابني مضاعش"، لافتة: "ابني كان بيتمنى يستشهد، وكان يقين عند كل ظابط، ويوم حادثة استشهاده، وهو بيفكك القنبلة قالهم هستشهد النهاردة، وتوضأ، وتشاهد على روحه".
ولفتت والدة الشهيد إلى أن "كل شهيد بيستشهد بيتكرر وجع شهادة ابني في قلبي، وكأن ابني لسه بيستشهد".
وأشارت والدة الشهيد إلى أن تكريم الرئيس عبد الفتاح السيسي لأهالي وأسر الشهداء جمع أهالي الشهداء: "جمعنا كلنا مع بعض، وخلانا عرفنا بعض، وكل دمعة نزلت من عينه على ولادنا حسستنا بإن التضحية ماراحتش هباءا، وكل ضحكة منه هي بسمة أمل لمصر".