والدة خالد سعيد: ربنا مع دومة ومصطفى "على كل ظالم ومفتري".. والثورة مستمرة حتى لو عددنا قليل

أعلنت السيدة ليلى مرزوق، والدة الشهيد خالد سعيد، تضامنها مع النشطاء السياسيين أحمد دومة ومحمد مصطفى، وقالت: "ربنا معاك ياحسن مصطفى وأنت كمان يا أحمد دومة ومع كل المعتقلين.. وربنا على كل ظالم ومفترى.. أنا بدعي لكم فى كل صلاة.. حسبى الله ونعمه الوكيل".
كما تساءلت والدة الشهيد، عبر حسابها الخاص على "تويتر"، "مش عارفة الثورة راحت فين؟ فين الناس اللى نزلوا أول الثورة ووعدوا أنهم هيرجعوا حق الشهداء.. وعدوا أن مش هيكون فى ظلم تانى؟". وأضافت "مش بقول كده علشان تيأسوا.. أنا عاوزة أفكر الناس اللي شاركت في الثورة من أولها بإن الثورة مستمرة.. بيهم أو من غيرهم.. حتى لو كان عددنا قليل".