موعد إطلاق جامعة القاهرة الأهلية: التسجيل الإلكتروني لبيانات الطلاب تمهيدًا لإبداء الرغبات    وفقا للقانون.. تعرف على حالات تتسبب فى وقف ترقيات الموظفين    بدائل الثانوية العامة محاصرة بالشكاوى.. أزمات مدارس «ستيم» تثير مخاوف العباقرة    أسعار العملات اليوم السبت 16-8-2025.. الدولار ب48.28 جنيه للشراء    أسعار الدواجن اليوم السبت 16 أغسطس 2025.. بكام النهاردة؟    90 دقيقة متوسط تأخيرات «بنها وبورسعيد».. السبت 16 أغسطس 2025    العالم هذا الصباح.. الأجواء الإيجابية تسيطر على لقاء الرئيسين ترامب وبوتين.. لافروف: واشنطن قد ترفع بعض العقوبات المفروضة على موسكو.. وبوتين بعد انتهاء القمة التاريخية مع ترامب: المحادثات بناءة وإيجابية    اتصال هاتفي بين وزير الخارجية والممثلة العليا للشئون الخارجية والسياسة الأمنية للاتحاد الأوروبي    18 قتيلا و24 مصابا في حادث سقوط حافلة وسط العاصمة الجزائرية.. صور    مساعد الرئيس الروسي: لم يتم بحث عقد اجتماع ثلاثي بين بوتين وترامب وزيلينسكي    إعلام فلسطيني: جيش الاحتلال يوسع نطاق العمليات العسكرية شمالي قطاع غزة    ارتفاع حصيلة ضحايا الفيضانات في شمال غرب باكستان إلى 220 شخصا    جدول مباريات اليوم.. الزمالك ضد المقاولون.. ظهور مرموش.. ومواجهة برشلونة    لماذا بكى محمد صلاح بعد مباراة ليفربول وبورنموث؟ (فيديو)    اليويفا يتضامن مع أطفال غزة| «تويتة صلاح».. صاروخ في صدر العدوان الصهيوني    «أدوله حقه الماتش اللي فات شيلتوه الليلة».. رضا عبدالعال يوجه رسالة ل جماهير الأهلي بشأن نجم الفريق    الطقس اليوم.. انكسار الموجة شديدة الحرارة على أغلب الأنحاء والعظمى بالقاهرة 36    استخراج سائق وتباع احتجزا داخل سيارة نقل انقلبت أسفل كوبرى أكتوبر.. صور    ننشر أسماء ال10 حالات المصابين بالتسمم في جنوب المنيا    مصرع وإصابة 15 شخصًا في حادث تصادم ميكروباص بسيارة نقل بالوادي الجديد    وفاة والدة الفنان صبحى خليل وتشييع جثمانها بعد صلاة الظهر بالغربية    تفاصيل إخلاء سبيل عبد الرحمن خالد في واقعة فيديو المتحف المصري الكبير    هاني شنودة الأبرز.. تكريم 12 مُبدع بافتتاح مهرجان القلعة للموسيقى    وزارة الأوقاف تحدد 15 نقطة لاستغلال وقت الفراغ والإجازة الصيفية.. اعرفها    مدير الرعاية الصحية بالأقصر يقود جولة على 5 مستشفيات لمتابعة خدمات المواطنين    اليوم.. سيولة مرورية بمحاور وميادين القاهرة والجيزة    موعد إجازة المولد النبوي الشريف لعام 2025 في مصر    إخلاء سبيل صاحب فيديو المتحف المصري الكبير    السيسي يوافق على ربط موازنة الهيئة الوطنية للإعلام لعام 2025-2026    أول تعليق من مدرب فاركو بعد الخسارة أمام الأهلي    عيار 21 الآن بالمصنعية.. سعر الذهب اليوم في مصر السبت 16-8-2025 بعد الهبوط الكبير    عمر طاهر عن الأديب الراحل صنع الله إبراهيم: لقاءاتي معه كانت دروسا خصوصية    حلا شيحة تفاجئ جمهورها ب إطلالة محتشمة في أحدث ظهور.. ماذا قالت؟    حظك اليوم وتوقعات الأبراج    بعد حريق محطة سلوا، عودة الكهرباء إلى أكثر من نصف مساكن إدفو في أسوان (صور)    هل كتبت انتخابات الشيوخ نهاية الأحزاب ذات المرجعية الدينية؟ صبرة القاسمي يجيب    الصحة تخصص خطا ساخنا لمعرفة أماكن توفير تطعيم السعار    ترامب يغادر ألاسكا بعد قمته مع بوتين    بوتين يدعو كييف والقادة الأوروبيين إلى عدم عرقلة "التقدم الناشئ"    حيل ذكية لتخفيف الغثيان في الشهور الأولى من الحمل    محمد معيط يشارك في عزاء وزير التموين الأسبق علي المصيلحي    بالأسماء.. تفاصيل إصابة 10 أشخاص من أسرة واحدة باشتباه تسمم جنوب المنيا    مصرع طفل غرقا في حمام سباحة ببني سويف    محاكمة 53 متهمًا في قضية "خلية القطامية".. السبت    عبيدة تطرح فيديو كليب أحدث أغانيها «ضحكتك بالدنيا»    قرار عاجل من النيابة بشأن صاحب فيديو المتحف المصري الكبير    مفاجآت في قائمة الزمالك لمواجهة المقاولون العرب    بقيادة صلاح.. ليفربول يفوز بصعوبة على بورنموث برباعية في افتتاح البريميرليج    السيطرة على حريق بمحطة كهرباء الحصايا بأسوان    «مرسال» يعلن إطلاق مبادرة الإستثمار الزراعي في كينيا    ب«الجبنة القريش والبطاطس».. طريقة تحضير مخبوزات شهية وصحية (خطوة بخطوة)    ماذا قال ريبيرو بعد فوز الأهلي على فاركو برباعية ؟    تنسيق المرحلة الثالثة 2025 علمي علوم ورياضة.. كليات ومعاهد متاحة والحد الأدنى 2024    «لو بتكح كتير».. تحذير قد يكشف إصابتك بمرض رئوي خطير    وزير الأوقاف يختتم زيارته لشمال سيناء بتكريم 23 شابا وفتاة من حفظة القرآن الكريم بقرية 6 أكتوبر بمركز رمانه (صور)    وزير الأوقاف السابق: إذا سقطت مصر وقع الاستقرار.. وعلينا الدفاع عنها بأرواحنا (فيديو)    خطيب المسجد الحرام: الحر من آيات الله والاعتراض عليه اعتراض على قضاء الله وقدره    حكم من مات في يوم الجمعة أو ليلتها.. هل يعد من علامات حسن الخاتمة؟ الإفتاء تجيب    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مجدى الجلاد يكتب: قبل ما نبدأ الحصة.. تعالى نلعب «البسة»
المخلوع والمفزوع.. فانتازيا افتراضية
نشر في الوطن يوم 11 - 03 - 2013

تطاير الغضب من عينى «مرسى» حين أشاح «مبارك» بوجهه ورفض الحديث معه قبل أن يفك «الحبل» ويفتح التليفزيون.. صرخ «مرسى» بعنف: اسمع.. أنا ممكن أشردك وأبهدلك.. لازم تسمع الكلام..!
انطلقت ضحكة مجلجلة من فم «مبارك».. ونظر إليه ساخراً: تشرد مين وتبهدل مين؟! اتكلم على قدك.. أولاً مفيش بهدلة أكتر من كده.. ثانياً لما تقدر على الناس اللى مبهدلينك تعالى وبهدلنى.. ده انته يا راجل ماطلّعتش قرار واحد واتنفذ، كفاية مسخرة بورسعيد ومدن القناة، قلت «طوارئ»، قالوا «طوارئ عند...»، قلت حظر تجول، قالوا «ساعة الحظر ما تتعوضش».. فاكر يا مرسى لما المتظاهرين راحولك الاتحادية..؟!..
.. قبل أن يكمل، قاطعه «مرسى» بغضب: اسكت.!
.. لم يأبه «مبارك» وواصل كلامه ساخراً: ياراجل فيه ريس يهرب من الباب الخلفى، ده أنا يومها اتكسفتلك سلف.. جاى دلوقتى تعمل عليّا جامد..؟!
نظر «مرسى» إلى السقف، وتنهد بحزن، وكادت دمعة ساخنة تفر من عينه، ثم نظر إلى مبارك وهو يستجمع هدوءه وتماسكه: اسمع يا مبارك...
نهره «مبارك» وكاد يقطع الحبل من فرط غضبه: بتقول إيه؟! بتقول «مبارك».. مبارك حاف كده.. إنت نسيت ولاّ إيه يا «مرسى»..؟!
.. رد «مرسى» صارخاً: نسيت إيه.. عايزنى أقولهالك «مبارك بالبسطرمة» ولا «مبارك بالمايونيز»؟!
مبارك: أنا الريس مبارك.. فاهم.. ولاّ خايف يقولوا عليكم فلول.. ما انتم فلول مالكى وشافعى وحنبلى، فاكر قبل الثورة بشهرين كنت بتقول إيه؟! كنت بتقول على زكريا عزمى وأحمد عز وسامح فهمى رموز وطنية محترمة، ولاّ لما الولاد قرروا يعملوا مظاهرات فى 25 يناير، مش الإخوان قالوا مالناش دعوة، ده حتى البلتاجى يا راجل مارضيش يوقع على بيان 24 يناير، كنتم مرعوبين.. الله يسامحهم بقى الثوار عملوها وخلعونى ولعبتم عليهم لحد ماركبتم البلد.. بس خلى بالك، مصر مش سهلة، وآديك شايف اللى بيحصل لك، ولسه، ده انته وجماعتك هتشوفوا أيام أسود من قرن الخروب..!
«يعنى فرحان وشمتان..؟!».. قالها «مرسى» متحسراً.. فرد عليه «مبارك»: طبعاً يا راجل.. ده أنا بتحزم وأرقص كل ما باشوف «الخوازيق» اللى بتلبسوها على الهوا.. بالمناسبة، ابعد عن الإعلام علشان معركتك معاه خاسرة..!
قال مرسى: طيب أنا جاى لك علشان الموضوع ده..!
رد مبارك ساخراً مرة أخرى: علشان الإعلام؟!.. طيب ما عندك صفوت الشريف، عدّى عليه، واسأله، ولاّ أقول لك اتصل بمدير قناة «مصر 25» أو رئيس تحرير جريدة «الحرية والعدالة»..!
مرسى: انته هتهزر.. المسألة أكبر من الإعلام.. ثم إن الإخوان مالهمش فى الإعلام..!
قاطعه مبارك بنفس السخرية: .. مالهمش فى أى حاجة.. آسف.. لأ.. لهم فى الزيت والسكر بس..!
مرسى: ممكن نتكلم بجد شوية.. أنا جاى عايز أعرف منك شوية حاجات.. أهمها: إزاى قدرت تحكم البلد دى 30 سنة.. إزاى كنت بتخدر الشعب، و«تمرهم» المعارضة، وتوزن الأمور مع الجيش، وتتقى شر الأمريكان، وتواجه «نهم وطمع» حماس، ومؤامرات إسرائيل، وأطماع إيران.. و.. و.. و.. و..!
ضحك مبارك وقال: آه.. يعنى جاى تلموذ.. عايز تتعلم.. فعلاً.. العلم نورن.. أُمّال يا راجل إيه حكاية «ناسا»، والفضاء، والمريخ.. ده أنا حسيت وانت بتتكلم عن فتوحاتك فى «ناسا» إن الأمريكان جابوك رئيس لمصر
علشان تنقذ برنامج الفضاء بتاعهم!
مرسى وقد بدا أن صبره نفد: ما كفاية تريقة يا عم.. هو يعنى عيب إنى أستفيد من خبرتك.. م الآخر هتتكلم ولاّ أتوكل على الله، وأرجع أشوف حالى؟!
مبارك: طيب.. أنا ممكن أديك كورس مكثف.. بس بشروط..
مرسى: قول يا سيدى..
قالها مرسى.. ثم همس فى سره: لو كان لك عند...
قاطعه مبارك: بتقول إيه فى سرك.. أنا عارفكم كويس.. تتمسكنوا لحد ما تتمكنوا.. بس أنا غير الجماعة بتوع الثورة اللى ضحكتم عليهم.. أنا لحمى مر.. أنا نابى أزرق..
مرسى: ماشى يا عم «عبده موته».. يا مخربش.. قول شروطك..!
مبارك: أولاً.. تفك الحبل.
مرسى وهو يسرع بفك الحبل: إيه تانى يا وَحش؟
مبارك: تفتح التليفزيون.. نتسلى شوية.. وكمان كلامنا يبقى على موسيقى تصويرية حلوة.. يا سلام لما تاخد الدرس كده على هتافات المتظاهرين.. «يسقط يسقط حكم المرشد».. «يا مرسى يا مرسى هتحصّل مبارك على كرسى».. تصدق يا أبو الأمراس.. الشعارات دى بتطربنى أكثر من أم كلثوم.. والله
يا شيخ ومالك عليّا حلفان أنا ساعات باطير وكأنى فى السما، وحواليّا عصافير بتزقزق وبلابل ولا بلابل أسمهان.. يا راجل ده إنت معجزة بكل المقاييس.. عملتها إزاى فى 6 شهور.. عمرى ما شفت ريس، ولا حتى الريس حنتيرة، اتعمل فيه ده كله فى 6 شهور.. يا راجل ده إحنا علشان نعبر قناة السويس قعدنا 6 سنين، وقبل ما الشعب يطلع من هدومه، استحملنى 30 سنة.. ده إنت خلصت الليلة كلها فى كام أسبوع.. عموماً أى خدمة.. إنت محتاج كورس من ليفل زيرو.. يعنى من ألف باء حكم.. ممكن تعتبر نفسك فى «كى جى وان».. يلا يا حبيبى افتح التليفزيون وتعالى علشان نبدأ.. بس..!
مرسى متململاً: بس إيه تانى..؟!
مبارك ببرود شديد: ولا حاجة.. أنا زهقان من القعدة لوحدى بقالى شهور.. وسوزى لما بتيجى تزورنى بتلعب معايا «البسة».. عارف «البسة».. افتح التليفزيون وتعالى نلعب «البسة»، قبل ما نبدأ الحصة.. بالمناسبة.. معاك حاجة حلوة ناكلها..؟!
نواصل الأسبوع المقبل
الحلقة الأولى
مجدى الجلاد يكتب فانتازيا افتراضية: المخلوع والمفزوع.. لقاء القمة فى جناح مستشفى «المعادى» بين مرسى ومبارك


انقر هنا لقراءة الخبر من مصدره.