بالفيديو| طلاب "زويل": صدمنا من خبر وفاته.. "كان بيعاملنا زي ولاده"

رصدت كاميرا "الوطن"، استقبال طلاب مدينة زويل، لنبأ وفاة العالم المصري أحمد زويل، الذي وافته المنية مساء أمس، في الولايات المتحدة الأمريكية.
وقال أحد الطلاب: "أول ما سمعت الخبر مصدقتش حسبته إشاعة أول ما تم تأكيد الخبر كلنا اتصدمنا.. هو كان شخص متفائل، كان عنده الأمل في البلد، إن البلد هتقوم وهتقدر، وكان بيدينا طاقة، كان وطني جدًا بيحب بلده، دايمًا بيحن ليها، أنا فاكر موقف شخصي في أحد الاجتماعات، لما قولناله الطلبة عايزين يتبسطوا في الجامعة الجديدة، فقال لنا إحنا هنعمل لكم (سباه) وفندق، كان دايمًا دمه خفيف وبيحاول يعامل الطلبة زي ولاده".
فيما قالت طالبة أخرى: "الخبر أول ما سمعناه اتأثرنا واتخضينا، لكن الجامعة مكملة مافيش حاجة هتتأثر، دكتور زويل كان عنده هدف إحنا هنسعى إننا نوصله.. كان بيحب مصر جدًا، يمكن المشروع دا مستفادش منه، كان كل همه أن مصر تستفيد من المشروع دا".