رئيس الوزراء يصدر 9 قرارات جديدة (تفاصيل)    أسعار الخضروات في سوق العبور للجملة اليوم الخميس 29 مايو    تراجع أسعار الذهب في بداية تعاملات الخميس 29 مايو    «وزير الاتصالات»: الكلفة التقديرية للعام الأول ل«الرواد الرقميون» 3 مليارات جنيه    تباين مؤشرات البورصة في بداية تعاملات الخميس    آخر موعد لحجز وحدات سكن لكل المصريين 7 لمتوسطى الدخل    أولمرت: ما يحدث بغزة جريمة ولم نعد قادرين على الدفاع عن إسرائيل    صدمات لا تتوقف| إيقاف قيد جديد للزمالك    صباح يوم النصر.. صفقات الأهلي تظهر في التتش تمهيدا لكأس العالم    أرقام جلوس الثانوية العامة متوفرة الآن في المدارس وماراثون الامتحانات ينطلق    طقس الخميس ربيعي مائل للحرارة نهارا ومعتدل ليلا    وزير العمل: صرف 980 ألف جنية تعويضات لضحايا حادث المنوفية    رئيس بعثة الحج الرسمية: وصول آخر حجاج القرعة إلى المدينة المنورة    ثقافة أسيوط تقدم "التكية" ضمن عروض الموسم المسرحي    فيلم تامر حسني الجديد اسمه «ريستارت» ومتوفر في دور العرض    محمد سامي: «لو بتأثر بالنقد السلبي كنت بطلت من زمان»    كل ما تريد معرفته عن سنن الأضحية وحكم حلق الشعر والأظافر للمُضحي    وزير الصحة يعلن اعتماد قرار تاريخي لدعم أصحاب الأمراض النادرة    وفاة شخصين في اقتحام مستودع للأمم المتحدة بقطاع غزة    سعر الريال القطرى اليوم الخميس 29-5-2025 فى البنوك الرئيسية    بلاغ ضد عضو مجلس نقابة الأطباء بتهمة "إثارة الفزع" والنيابة تُخلي سبيله.. القصة كاملة    تفاقم المجاعة في غزة بسبب إغلاق المعابر ومنع المساعدات    صحة غزة: 37 شهيدا فى غارات إسرائيلية على قطاع غزة منذ فجر اليوم    كسوة الكعبة المشرفة.. خيوط من ذهب تُنسَج في قلب مكة المكرمة    أول تعليق من البيت الأبيض على حكم إلغاء رسوم ترامب الجمركية    استشهاد 23 مواطنا وإصابة آخرين فى مجزرة جديدة بمخيم البريج ومدينة خان يونس    إخلاء مركز السكر لنقل خدمات التأمين الصحي في دمياط    مصرع شاب فى مشاجرة بالبلينا جنوب سوهاج    مؤتمر صحفي للسياحة والآثار اليوم للإعلان عن تفاصيل معرض "كنوز الفراعنة" في إيطاليا    لمعلمي الأزهر، دليلك للوصول إلى لجان امتحانات الثانوية الأزهرية باستخدام ال "QR"    بناء على توجيهات الرئيس السيسي| مدبولي يكشف عن تعديلات قانون الإيجار القديم    المولدات تنقذ مرضى مستشفى قويسنا بعد انقطاع التيار الكهربائي عن المدينة    وفاة شخصين في اقتحام مستودع للأمم المتحدة بقطاع غزة    زلزال بقوة 5.2 درجة يضرب إيران    إيلون ماسك يغادر إدارة ترامب    بعد توجيه شيخ الأزهر.. صرف إعانة إضافية بجانب منحة عيد الأضحى اليوم    للعام الرابع على التوالي.. «مستقبل وطن» المنيا يكرم أوائل الطلبة بديرمواس| صور    أمانات حزب الجبهة الخدمية تعقد اجتماعا لمناقشة خطط عملها ضمن استراتيجية 2030    مقتل سيدة على يد زوجها بالشرقية بعد طعنها ب 21 طعنة    النائب العام يستقبل عددًا من رؤساء الاستئناف للنيابات المتخصصة والنيابات    موعد أذان الفجر اليوم الخميس ثاني أيام ذي الحجة 1446 هجريًا    الإفراج عن "الطنطاوي": ضغوط خارجية أم صفقة داخلية؟ ولماذا يستمر التنكيل بالإسلاميين؟    بعد فقدان اللقب.. ماذا قدم بيراميدز في الدوري المصري 2024-2025؟    «احنا رقم واحد».. تعليق مثير من بيراميدز    الشركة المنتجة لفيلم "أحمد وأحمد" تصدم الجمهور السعودي    نشرة التوك شو| ظهور متحور جديد لكورونا.. وتطبيع محتمل مع إسرائيل قد ينطلق من دمشق وبيروت    5 أيام متتالية.. موعد اجازة عيد الأضحى 2025 في مصر للموظفين والبنوك والمدارس    3 فترات.. فيفا يعلن إيقاف قيد الزمالك مجددا    ماريسكا: عانينا أمام بيتيس بسبب احتفالنا المبالغ فيه أمام نوتينجهام    موعد أذان فجر الخميس 2 من ذي الحجة 2025.. وأفضل أعمال العشر الأوائل    النحاس: أتمنى الاستمرار مع الأهلي بأي دور.. وطلبت من وسام إعادة نسخته الأوروبية    المحكمة الرياضية الدولية توضح ليلا كورة الموقف الحالي لشكوى بيراميدز بشأن القمة    وزير السياحة: السوق الصربى يمثل أحد الأسواق الواعدة للمقصد السياحى المصري    الركوع برمزٍ ديني: ماذا تعني الركبة التي تركع بها؟    «زي النهارده».. وفاة الأديب والسيناريست أسامة أنور عكاشة 28 مايو 2010    حكم الجمع بين نية صيام العشر الأوائل من ذي الحجة وقضاء رمضان    بداية حدوث الجلطات.. عميد معهد القلب السابق يحذر الحجاج من تناول هذه المشروبات    ألم حاد ونخز في الأعصاب.. أعراض ومضاعفات «الديسك» مرض الملكة رانيا    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نص رسالة أحمد ماهر من السجن: نعم للسيسي رئيسا.. خلينا نشوف الفاشية العسكرية بعد ما جربنا غباء الإخوان ونبني على نضيف
نشر في الوادي يوم 28 - 01 - 2014

ماهر: ياريت الناس اللي اتعذبوا في المخابرات الحربية بعد موقعة الجمل يفتكروا صوت السيسي وهو بيهددهم
الناشط المحبوس: السيسي رجل المرحلة والناس شافت غباء الإخوان وكذبهم خليهم يجربوا حكم العسكر والفلول
الرسالة: بعد سنين هانبني على نضيف.. والسيسي خد ملفات أمن الدولة وكمل شغلهم وتنصت على المكالمات
قال الناشط أحمد ماهر مؤسس حركة 6 أبريل ومنسقها السابق، المحبوس حاليا، في رسالة من محبسه أنه يؤيد انتخاب السيسي لرئاسة الجمهورية، قائلا:«خلينا نشوف حكم العسكر والفلول والحرب الأهلية والانهيار الاقتصادي والفاشية العسكرية بعد ما جربنا غباء الإخوان ومرسي منهم لله».
وتابع ماهر:«خلينا نشوف انحيازات عبد الناصر السيسي 2014، اللي اتدرب في أمريكا» وأضاف:«خلوهم يشوفوا بعنيهم السيسي هيعمل إيه في العمال والقطاع العام ومكتسبات عبد الناصر»، متوقعا أن يستمر «الانهيار الاقتصادي والحرب الأهلية» وأن تشهد مصر موجات قمع «غير مسبوقة تحت حكم الدولة الشاكمة الحاكمة».
وطالب ماهر من الذين اعتقلوا في أيام الثورة بإعلان ما حدث لهم «وهما متكلبشين إيد ورجل وبيتعذبوا وصوت السيسي بيهددهم ويتهمهم بالعمالة قبل ما يغير موقفه لما الملايين نزلت بعد موقعة الجمل».
وإلى نص الرسالة
أحمد ماهر يكتب من السجن : نعم للسيسي رئيساً للجمهورية
أه والله .. زي ما بقولك كده .. نعم للسيسي رئيساً للجمهورية .
أنا الموقع أدناه واللي إسمي أحمد ماهر , واللي بيقولوا عليا كل الإتهامات والأساطير اللي تم إختراعها أو لسه هيخترعوها بقول و أنا في كامل قواي العقلية نعم للسيسي رئيساً للجمهورية ، ومش نعم واحدة بس .. نعمين كمان .
وليه لأ !!! هنلف وندور على بعض ؟!!! هو فعلاً رجل المرحلة . ولكن أسبابي مختلفه عن كل اللي بيشجعوا السيسي وبيدفعوه للترشح , سواء فلول أو كنبة أو أحزاب , ونخبة فاشلة عمرها ما هتعمل حاجة وعمرها ما هتقبل غير الفتات من العسكر والفلول وعمرها ماهتقدر تنافس حد ، خلي الناس تشوف بعنيها وتجرب بنفسها .. خلينا نخلص .
الناس جربت الإخوان وشافت الغباء والعناد والكذب , خليهم يجربوا حكم العسكر هو و الفلول للسلطة .
مع إن أساسا حكم العسكر لم بنتهي يوماً واحداً منذ 26 يوليو 1952 ، حتى بعد التغيرات اللي حصلت بعد هزيمة 67 اللي حصلت بسبب إستبداد العسكر و إلتفاتهم للملذات الشخصية والنزوات ، وبعدها بدأ يبقى العسكر أقل ظهورا و أقل فجاحة في الإنحراف والبحث عن الملذات , و رغم عهد السادات اللي خلع البدلة العسكرية ولبس البدلة الملكي أو المدني , ولكن برضه فضلوا مسيطرين على كل شئ من خلف الستار .
و كذلك في عهد مبارك ,, رجال الأعمال و العصابة ماسكين البلد , لكن ليهم حدود محدش يقدر منهم يقرب جنب إمبراطورية العسكر و مزارعهم و مصانعهم و قصورهم و أراضيهم .
حتى في عهد مرسي "منه لله" محدش قدر يقرب من إمبراطورية العسكر و مصالحهم الخاصة وصفقاتهم السرية , وتحكمهم في الحنفيات الرئيسية .
ف ليه يستمروا في الحكم من خلف الستار ؟!!! خليها فاشية عسكرية صريحة .. مش الناس عايزة كده ؟؟!!! خلااااص .. خليهم يجربوا الفاشية العسكرية الصريحة , و العقلية العسكرية في الحكم .. إلبس علشان نازلين .
خلينا نشوف حلول العسكر للمشاكل الإقتصادية و الإجتماعية , مع إننا شوفنا الطريقة خلال ال 60 سنة اللي فاتوا , بس خلي الناس تشوف تاني .
خلي الكتاب و الصحفيين يشوفوا حرية الصحافة وحرية التعبير في عهد "السيسي" , و خلي كل صحفي منافق يحس بالجريمة اللي عملها ، و كل كاتب بيطبل دلوقتي للسيسي يعرف حدوده في فترة حكم السيسي ، أيوه بقى خلونا نرجع لأيام "ممتاز القط" و طشة الملوخية بتاعة زمان .
مش الأحزاب الليبرالية و اليسارية والقومية عايزين "السيسي" علشان ينقط عليهم شوية منح ومناصب ؟!! خليهم يأخدوا الصابونة و يشوفوا الفلول اللي هيطلعوا لهم لسانهم , أصل العسكر ملهومش غير الفلول .. والفلول ملهومش غير العسكر , وجت النخبة الحزينة تفرح مالاقيتلهاش مطرح .
ومش الأحزاب الناصريين عايزين "السيسي" يكرر تجربة "عبد الناصر" تاني ويشكمنا , ويرجع عهد الدولة الشاكمة اللي محدش فيها يعرف يفتح بوقه ؟!!! خليهم يشوفوا "السيسي" وإنحيازاته بنفسهم ، "السيسي" اللي إتدرب في أمريكا ومرتبه من أمريكا .. وميقدرش يعمل حاجة بدون التنسيق مع أمريكا و إذن من إسرائيل .
خلوهم يشوفوا بعنيهم السيسي هيعمل إيه في العمال والقطاع العام ومكتسبات عبد الناصر .
خلي اللي كانوا حقوقيين يشوفوا حال حقوق الإنسان هيبقى عامل إزاي وقتها ، وخلي الناس تشوف تعامل الشرطة إزاي وقتها .
و بالمرة أفكركم بشوية حاجات ..
فاكرين يوم موقعة الجمل ؟؟!! يوم إعتقال عدة مجموعات في نفس وقت الهجوم على التحرير ، المجموعة اللي كانت بتزور البرادعي .. والمجموعة اللي كانت في المركز المصري ومركز هشام مبارك للقانون . أكيد بعض الناس دول بيحاولوا ينسى أو يتناسى خصوصا إن منهم من يحاول إيجاد مكان بالقرب من السلطة .
لكن اللي منسيش , ممكن يكلمنا عن اللي حصل معاهم إيه في مبنى المخابرات الحربية وهم متغميين ومتكلبشين إيد ورجل ؟!! فاكرين الضرب والتعذيب ؟؟!!! فاكرين صوت السيسي وتهديداته ؟!!! يا عملا يا خونة يابتوع كنتاكي والإينجليش لانجويش ؟؟!! فاكرين تغير موقف "السيسي" أثناء التحقيقات معاكم جوه لما عرف إن ملايين نزلت التحرير بعد موقعة الجمل ؟؟!!
"السيسي" مدير المخابرات الحربية وقت مبارك و وقت طنطاوي , اللي أخد ملفات أمن الدولة وكمل شغلهم , و التنصت على التليفونات وقت الثورة وبعدها .
فاكرين ؟؟!!! طب حد يقدر يفكر الناس باللي حصل جوه عند السيسي ؟؟!!
طيب بلاش دي ... أسلوب المخابرات الحربية في إنتزاع الإعترافات ، المخابرات الحربية اللي كان ماسكها السيسي ، فاكرين 9 مارس 2011 و 8 ابريل 2011 وغيرها وغيرها من الحوادث اللي حصل فيها تعذيب وتحقيقات غير قانونية وإرهاب للنشطاء ؟؟!!
فسسسس .. كله بينسى ؟!!!! .. لأ مش كله الحمد لله .
عموما خلونا نخلص , و زي ماشوفنا بعنينا مساوئ و كوارث حكم الإخوان , خلينا نشوف حكم العسكر الصريح بدل المستتر ، خلي الثورة تقوم على نضافة بعد حكم العسكر .
خلونا نشوف بجد القمع والقتل والإعتقالات وشغل صلاح نصر بتاع زمان, خلونا نشوف عهد ناصري جديد ولكن بدون عدالة إجتماعية وبدون زعل إسرائيل, عبد الناصر السيسي 2014 اللي إتدرب في أمريكا و ميقدرش يزعل إسرائيل و بينسق معاهم قبل أي خطوه في سيناء .
والجواب باين من عنوانة .
و خير عموماً .. كده نخلص المعارك بدري بدري .. وبعد سنين نبني على نضيف , عرفنا الفاشية الدينية , و لازم الناس تشوف بعنيها الفاشية العسكرية و الفشل والإستبداد اللي هيوصل لإحتراب أهلي و إنهيار إقتصادي .
وبناء عليه :
أقر أنا الموقع أدناه وأنا في كامل قواي العقلية تأييدي لترشيح "السيسي" لرئاسة الجمهورية .
خلينا نلبس , نجرب , ونشتغل على نضيف بعد كده .
أحمد ماهر
ليمان طرة


انقر هنا لقراءة الخبر من مصدره.