وجهة نظر

عبد اللطيف المناوي: ربما لم تعرف امة ما عرفت مصر من شدة وسنوات عجاف دولة ذاقت مرارة هزيمة في حرب لم تخضها ، ويأس على يأس من تحطيم ذراع جوية قبل أن ترتفع في الهواء ، وجندي رأى زميله عبر الصور المذاعة مأسورا تائها في صحراء أنكرتة بعد أن كان سيدها ، ومجتمع كاد أن يصدق أن جيشه لا يستطيع ، وان عدوه جبار لا يقهر ، مدن كبيرة دمرت وهجر ساكنوها ، ومصانع في أبو زعبل وغيرها سقطت أسقفها فوق رؤوس عمالها ، ومدارس دفنت أطفالها أحياء تحت القصف ,مصر سنوات من اليأس والإحباط والهزيمة والانكسار وكل مفردات الوجع قبل المعجزة ....
فاصل
عبد اللطيف المناوي : السيدات والسادة أهلا بكم من جديد كما ذكرنا في المقدمة نحن في هذه الحلقة نحاول معا أن نقف عند الدروس والعبر وان نفتش سويا عن جندي المجهول آن له أن يستيقظ داخل كل منا انه روح أكتوبر واسمحوا لي أن أظل داخل هذا المكان المهيب بانوراما أكتوبر والذي أقامته قواتنا المسلحة تخليدا ومحاكاة لحرب الشرف وأرحب برجلين من أبطال تلك الحرب هما بالطبع خبيران عسكريان ولكن تظل اكبر صفة هي صفة البطل اللواء محمود خلف واللواء عادل شاهين أهلا بكما واسمح لي أبدا مع اللوا خلف وأسالك إحنا الحرب والنصر بيبدا من لحظة صعوبة لحظة ضيق لحظة مرارة مرينا بيها حرب 67 نكسة 67 كيف تتذكر أنت هذه الأيام أين كنت كيف استقبلتها ؟
لواء دكتور/ محمود خلف – خبير عسكري واستراتيجي: زي ما حضرتك تفضلت بنقطة الدروس والعبر فهنركز كلامنا في خلال الدروس والعبر أيا كانت الدروس بقى سلبية أو ايجابية لان دا المهم اللي إحنا عايزين نستخلصه فلما نتحدث عن 67 وأنا خريح 64 احد الأخطاء اللي كانت موجودة ، أنا أتخرجت الى وحدات الصاعقة ثم إلى اليمن فكان اليمن في الوقت دا في الفترة دي فيها حوالي 60 ألف مقاتل مصري وكانوا وقت الحرب موجودين هناك ودا أول درس مصر كانت تتصرف في هذا الوقت كدولة عظمى باعتبار إن إحنا في هذا التوقيت كنا بالفعل نملك أقوى جيش في الشرق الأوسط وأقوى من إسرائيل بدون كلام وبدون جدال..
الدرس الأول إن لماذا تدخل الحرب وكيف تدخل الحرب وكيف يتم دفع قوات دولة للدخول في حرب دون مبرر ودون تخطيط ودي كانت اول غلطة اللي تم عليها تداعيات لما أقولها بقى على نفسي إحنا لما جينا من اليمن ويادوبك بنتجمع مصر لحد يوم 15 مايو 67 عايشه طبيعي جدا في الفن وفي الفرفشة وكان نجم مصر عالي في المنطقة ككل ومكانش فيه أي مشكلة موجودة قواتنا المسلحة في اليمن الجيش القوات المسلحة المصرية في حالة التدريب والأحوال عادية لحد يوم 15 مايو الصبح 67 تم إعلان فجأة إعلان حالة الطوارئ في الجمهورية العربية المتحدة واستدعاء الاحتياطيات نخلي بالنا دا غير جائز يعني بهذه السرعة ودفعه إلى سيناء إحنا أتحركنا إلى سينا لا نعلم لماذا وحتى إلى أين كان فيه أخطاء كتيرة مش هنتعرض لها أنا هتكلم من المنظور بتاعي لان اياميها أنا كنت ملازم أول في وحدات الصاعقة ظابط استطلاع ومخابرات وحدة خاصة فالأول رحنا الإسماعيلية أتحركنا من الإسماعيلية طلعنا في أواخر مايو على العريش الشيخ زويد نلاقي العربيات واللواري جايبة الاحتياطي لابس جلاليب يعني
عبد اللطيف المناوي: غير مؤهل وغير مستعد ؟
لواء دكتور/ محمود خلف: بالجلاليب ومن البيوت وكانت الناس تم استدعائها كانت تتصور القضية مسالة تدريب معتاد بيحصل لاستدعاء للاحتياط بأعداد ضخمة جدا بتصل طبعا دا كلام غير معقول على الإطلاق إحنا كوحدة خاصة قعدنا ننتقل في سينا وناخد الإشارات لا روحوا المكان دا لما دخلنا غزة في المجموعة الخفيفة لقطاع غزة ومنها مرة تانية إلى إن إحنا لقينا نفسنا في منطقة " ميخل" على الطريق الأوسط اللي هو يروح من السويس لطابا عشان الناس تتذكرها وتواجدنا هناك إذ فجأة وصلنا إلى منطقة طابا المنطقة الجبلية المطلة على ايلات ولقينا فجأة كده يوم 5 يونيو وإحنا لحد اللحظة دي
عبد اللطيف المناوي: وانتو مش عارفين ؟
لواء دكتور/ محمود خلف: لا هو بالتحديد عشان نكون أكثر دقة وبالتحديد كان فيه خطة عاجلة وكان فيه ضغوط سياسي وقع فيه المرحوم الرئيس جمال عبد الناصر في لعبة سياسية ما بين الروس والأمريكان بكلمة ضبط النفس ودي اخطر حاجة اتقالت لان عجلة الحرب إذا دارت تدور فلما أتقال كلمة ضبط النفس وأبناء جيلي لما يسمعوا كلمة ضبط النفس أصابتنا إحنا القوات المسلحة بإحساس غامر بالفرحة وإحنا انتصرنا من دون ما نعمل أي حاجة وقالوا إن كل المشاكل الموجودة هتحل طبعا دا كان نوع من الخداع السياسي للرئيس عبد الناصر انسحب على حالتنا حتى المفككة لنكون مفككين اكتر قعدنا لخمسة يونيو الصبح وماحناش عارفين المسالة هتكون إيه خللي بالك النقطة دي مهمة لان إحنا كنا ع الحدود المصرية الإسرائيلية يعني 370 كيلو شرق القناة واقفين ع الحدود ابتداء من جنوب العريشبيرلحفن قدامها وكونتيلا لحد طابا وقدامنا ايلات وشايفين اليهود قدامنا يعني في وضع قوي على جبال عالية فوق للي راحوا المنطقة دي شايفين منطقة يعني بنبص لهم على إنهم مسالة ممكن تخلص ، خمسة يونيو الصبح شايفين الطيارات
عبد اللطيف المناوي: بتتحرك ؟
لواء دكتور/ محمود خلف: أه Low flying أو طيارات واطية داخلة حتى ما تضربناش
عبد اللطيف المناوي: ما كنتوش انتو الهدف الرئيسي ؟
لواء دكتور/ محمود خلف: لا لا لا ..كنا ع الحد الأمامي ماكنوش قلقانين هما عارفين هيعملوا إيه وبدأت عملية ضرب المطارات الاتصال بينا وبين القيادة كان مش موجود خالص معرفش حاجة ماتعرفش إحنا فين ولا نعرف قيادتنا فين الى ان حدث ما حدث اليوم التاني اليوم التالت قالو لنا حرس الحدود اللي كانوا موجودين في طابا قالو لنا دا في توجيهات من المشير عامر بأن القوات المسلحة ترجع غرب القناة خلال يوم !! طب إذا كانت القوات المسلحة قعدنا 18 يوم بالتحديد نروح نرجع أزاي !! دي اكبر خطأ رحنا متداخلين فبقت طرق سينا متداخلة ناس بجلاليب على ناس يعني
عبد اللطيف المناوي: حالة فوضى.
لواء دكتور/ محمود خلف: حالة من الفوضى دي كانت أنا كنت بشوف الطيران الإسرائيلي مع الأسف كان فيه نوع من الطيارات اسمها Votor Nالطيارة دي طيارة مروحية زي جمهورية عندنا دي لتدريب طلبة في الكليات الجوية الطيارات دي كانت بتضربنا يعني طيارات هذا النوع هي طيارة عادية
عبد اللطيف المناوي: طيارة تدريب ؟
لواء دكتور/ محمود خلف: بتيجي تضربنا مفيش فرصة أحسن من كده لما وصلنا لغرب القناة ابتدينا لما تتداخل الوحدات ودي اخطر حاجة تعرض لها الجيش علشان تفصل بقى الوحدات خاصة إن معظمهم جايين النسبة ألاكبرأكتر من تلتين القوات المسلحة من الاحتياط مش عارفين أصلا هما بيتوهوا عن وحدتهم فبقت المسالة صعبة جدا فرجعنا القناة وبعديها مفيش نهاية يوم عن اليوم الأول والتاني كان العلم الإسرائيلي مرفوع على طول قناة السويس
عبد اللطيف المناوي: طب هاسمع من اللوا ءعادل اليوم دا تحديدا وهل بتعتقد إن إحنا جيشنا في 67 حارب دخل حرب ؟
اللواء/عادل شاهين – خبير عسكري و استراتيجي: بسم الله الرحمن الرحيم اود ان اعبر في بداية اللقاء عن الشعور بالسعادة والبهجة في هذه الذكرى العظيمة في حياة مصر في العصر الحديث وهي ذكرى تحقيق نصر اكتوبر العظيم .. فيما يتعلق بملابسات حرب 67 الجيش المصري بدء ذي بدء الجيش المصري لم يحارب في 67 الجيش المصري كان عائدا للتو من اليمن كما ذكر اخي الفاضل بعد فترة كان مُشتت في اليمن يحقق أهدافا سياسية زعامية اكتر منها أهدافا ويحقق أهدافا استراتيجية لخدمة الفترة الزمنية التي كنا نعيشها في هذا الزمن عاد الجيش المصري ولم يمض وقت قليل إلا واتخذت قرارات بحشده في سينا وفي اعتقادي أن هذه القرارات لم تكن مبنية إلا على تقدير سياسي لموقف كلنا نعلمه في هذه الفترة وهو تخفيف الحشود الإسرائيلية على الجبهة السورية وخلافه فأجمالا لم يحارب الجيش إنما هي كانت مظاهرة عسكرية في اعتقادي ، نفس الجنود ونفس الضباط ونفس القادة ، قادة القوات المسلحة وجنود القوات المسلحة العائدين من اليمن والذين ادخلوا ما يسمى بحرب 67 هم نفسهم الذين خططوا ونفذوا هذه الملحمة الوطنية الكبرى في حب مصر
عبد اللطيف المناوي: سنة 67 حضرتك كنت فين
اللواء/ عادل شاهين: أنا خريج يوليو 60 كنت في القوات المسلحة حتى بداية 64 ثم انتقلت إلى المخابرات العامة على وجه التحديد 13/10/64 عاصرت هذه الفترة وإرهاصات حرب 67 وكان التقييم العام وقتها - وأنا أستطيع أن أفضي أليك بهذا - أن التقييم العام أن مصر ليست مستعدة للدخول في حرب إلا أن مصر بجيشها وقيادتها السياسية دائما وأبدا في حالة استنفار حتى لو تعثرت في منتهى السرعة يتم إعادة لم الشمل وتوظيف كل القوى والطاقات واستنفار الهمم لاسترجاع ما فقد
وهذا ما تحقق
عبد اللطيف المناوي: طيب هنا خليني اللوا خلف اسأل أيضا 73 ليس أبن 6 أكتوبر فقط ولكنه ابن الايام السابقة الشهور السابقة برضه أنت عشت هذه المرحلة في داخل القوات المسلحة عانيت مع كل الضباط من حالات نفسية فيها انزعاج شديد لحالة الهزيمة والرغبة في الانتصار ولكن إذا طلبت منك أن تصف لي هذه المرحلة الآن كيف كانت كيف مررتم بها شكل الاستعداد ليها كان أزاي ؟
لواء دكتور/ محمود خلف: هو لما استكمل من خلال الرؤية الشخصية يمكن تكون ابسط
عبد اللطيف المناوي: أكيد بالظبط هو دا اللي بيحصل ؟
لواء دكتور/ محمود خلف: إحنا أتحركنا من معسكر الجلاء اللي في إسماعيلية من وحدة الصاعقة اللي كنا فيها 550 رجعنا حاجة وتلاتين كان المنظر سيئ بين نلم العساكر من الشوارع في الإسماعيلية لان بدأت القوات الإسرائيلية موجودين تشوفهم بعينيك بالتحديد في منطقة نمرة 6 تشوف قاعدين مرصوصين واللي بيستحمى في المية يعني إحنا قاعدين بقى الناحية التانية ومتصورين ماحناش فيه سلاح في أيدينا غير البنادق اللي إحنا راجعين بيها ومشكلين مجموعات من الطريق والله يرحمه أتذكر الفريق مرتجي كان قائد القوات البرية وكان قائد الجبهة كان بيمر في الشوارع بنلم الناس كما لو كانت المسائل إحنا حاسين مصر ضاعت يعني الصدمة أنا واحد من الناس خليني أقولك إذا كنت عمال ارجع الشريط في خمس أيام حاطط أيدي في وسطي وواقف على جبل اللي عليه اللوكاندة باتفرج ع اليهود وبننزل بالليل بنعمل دوريات ألاقي في خمس أيام 370 كيلو وألاقي الأعلام الإسرائيلية مرفرفة بطول الضفة الشرقية يانهار اسود إذا كنا إحنا كنا في الوضع القوي
عبد اللطيف المناوي: وعلى راس الجبل؟
لواء دكتور/ محمود خلف: وكنا على راس الجبل 370 كيلو اللي هو عرض سينا المنتصف الله هو ايه اللي حصل أنا أول سؤال قعدنا إحنا نسال نفسينا إيه اللي حصل واللي حصل دا حصل ليه و أزاي ..و أزاي اليهود دول قدروا يوصلوا لحد دي طب وبعدين ايه هيحصل بعد كده دا إحنا مجموعات المدفعية وكان فيه إرباك ومعظم الأسلحة مدمرة ومتروكة في سينا وبقينا مبعثرين من اول بور سعيد شمالا لحد السويس والطيران الإسرائيلي رايح جاي علينا من فوق ولا نعلم إطلاقا يعني حالة الصدمة عملت نوع من الشلل وإيه اللي هيحصل بعد كده هنا دي المرحلة اللي هي بنت السؤال الأول خلينا نقول كل حاجة بأحداثها بأيام وكان الرئيس جمال عبد الناصر دا بعد عملية التنحي وبدأ يقعد ودي نقطة مهمة درس مهم طلب عدد من الظباط من كل القيادات وخصوصا الظباط الصغيرين اللي كانوا في سينا وعمل لقاء بالتحديد في احد المعسكرات في الماظة اللي هي سينما دلوقت عند الكوبري العلوي كل ما باعدي ع المكان دا بافتكره .. عمل لقاء كنا حوالي 200 واحد وقعد يتكلم اول حاجة مهمة جدا يمكن ما بتتذكرش كتير اعترفنا بالخطأ الأول علشان تمشي السكة الصح لازم فيه سؤال في أتعلمنا بعد كده في دراسات عليا برة أتعلمنا الأول لما تبقى فيه مصيبة وفيه خسارة حتى ع المستوى تسأل نفسك سؤال لماذا أنت في هذا الوضع الأول في هذا الوضع السيئ لو فهمت أسباب وجودك ع الوضع السيئ ودي نقطة بقى بنقولها للناس كلها حتى التلميذ اللي يسقط أو ما يجيبش تقدير في الجامعة يسأل نفسه السؤال دا ليه مهمة جدا ولو جاوب صح وشخص صح لماذا هو في الوضع السيئ يبقى حط رجله ع الخطوة الأولى ..الرئيس جمال عبد الناصر وأنا ملازم أول وهو قاعد قال هناك أخطاء ارتكبت سياسية وأنا اعلم بالنص كده وأنا اعلم أن قواتنا المسلحة لم تتاح لها فرصة ما شفناش يهود وما حاربناش حد لم تتاح لها الفرصة ولكن إن شاء الله وفي شهداء أبطال دافعوا عن حبات الرمال في سيناء اللي هي منطقة أبو عجيلة الناس اللي اتهرست في حد السكين في الأول ولكن سوف يتاح الاختبار العملي للقوات المسلحة وان ما اخذ بالقوة لا يسترد إلا بالقوة
عبد اللطيف المناوي: ودي كانت المرة الأولى اللي بيطرح فيها هذا ؟
لواء دكتور/ محمود خلف: دا بقى مهم لان أتحط توجيه استراتيجي وهدف استراتيجي وأول واحد اعترف الرئيس جمال عبد الناصر اعترف بتفاصيل كتير إيه الأخطاء اللي ارتكبت وقالنا بلغوا زمايلكم إن الاختبار قادم وإن إحنا لازم هنرجع الأرض دي تعتبر مهمة استراتيجية رجعنا بقى نسينا المناحة قاعدين نبكي بقى ماحناش عارفين ابتدينا بقى ودا المهم اللي إحنا بعض الأعمال اللي هي بنقول عليها بعد كده روح أكتوبر اللي بتتقال في الأغاني وولادنا وبناتنا مش واخدين بالهم روح أكتوبر ابتدينا نسال بقى السؤال الأول لماذا إحنا في الوضع السيئ من أول القيادة السياسية ثم القيادة العسكرية على المستوى الاستراتيجي ومستوى القيادات اللي كانت موجودة واللي مسئول في السياسة إلى أخره كل المستويات لحد الجندي ابتدينا نطلع الأخطاء سلسلة الأخطاء اللي إحنا ابتدينا نشتغل فيها وفي نفس الوقت عيننا على العدو الإسرائيلي فين نقط ضعفه وفين نقط قوته وليه كسب مش كلام بقى شوف هاقول لحضرتك وشغل ليل نهار نجاوب على الأسئلة ونتدرب وخلي بالك التدريب اللي هي حرب الاستنزاف دي كانت مرحلة قاسية جدا جدا جدا يعني انا قلتها مرة قلت كنت أنا عامل زي التلميذ اللي هو قعد يمتحن وبيذاكر في نفس الوقت وينضرب ويذاكر لازم ينجح
عبد اللطيف المناوي: بتعتبر حرب الاستنزاف مرحلة التدريب على المعركةالحقيقية ؟
لواء دكتور/ محمود خلف: طبعا ليه بقى ..هاقول لحضرتك على حاجة إحنا لما يمكن حرب اليمن ما إحنا كنا متفوقين عسكريا إنما ان الطيارة تضرب عليك وتشوف الطيارة بتضرب عليك والدبابة بتضرب عليك ولا تفقد أعصابك دي مسالة لازم تعيشها
عبد اللطيف المناوي: وتستمر في العمل وتستمر في ..؟
لواء دكتور/ محمود خلف: لازم تعيشها لان الحرب مثلا ايه مش مجرد مباراة لا مفيش هزار والغلطة لها تمن ف أزاي فيه ناس طبعا مع وجود التفجير وتلاقي الغارة تلقى بعد الغارة تيجي تصحي اللي كانوا معاك في ما تلاقيش ولا واحد تلاقي راس واحد رجل واحد ما تلاقيش حد تلاقي نفسك بطولك وتكمل فكنا نتدرب وأنا فاكر في شمال الإسماعيلية البحيرة اللي كانت موجودة في المنزلة كانوا بيدخلوهم ع القناة قاعدين في المية طول الليل ونصبح الشمس تطلع علينا الافرولات مقطعة والإمكانيات محدودة إنما بدأت القيادة السياسية تعلن نفسها ثم القيادة العسكرية اللي هي عملية بقى ايه كان فيه حاجة اسمها الصمود لان احنا كنا خايفين يعدوا ويخشوا مصر فكان فيه مرحلة الصمود مرحلة الصمود دي وندرس أول حاجة مهمة جدا وأول درس المهم التاني بعد ما حددنا المهمة ان هي دي اللي في أيدينا يعني عايز اقول ان القوات المسلحة في 67 التي هزمت هما نفس الناس اللي دخلوا حرب 73 بالمعدات اللي كانت في أيدينا محدودة ودا الدرس اللي أنا عايزه ..دا اللي أنا عايزه النهاردة ما نقولش إحنا عايزين وعايزين يبقى لازم أول حاجة بقى كان المشكلة تحل مشكلتك مطلوب الابتكار زي المشاكل النهاردة زي ما قعدت في أكتوبر تبتكر اللي في أيدك هو دا اللي في أيدك
عبد اللطيف المناوي: ودا اللي هاقف معاك عليه ولكن بعد ما اسمع اللو عادل هنا فترة مابين 67 إلى 70 حرب الاستنزاف اللي اعتبرها اللوا خلف انها حرب او تدريب بالفعل على الحرب الحقيقية كيف كنتم انتم ترصدون مصر في هذه المرحلة كيف كنتم ترصدون حالة التطور الحاصلة ما هو الدور اللي كنتوا بتقوموا بيه في هذه المرحلة ؟
اللواء/ عادل شاهين: اود أن أوضح ان هذه الفترة عقب احداث 67 الى بداية المعارك الفعلية التي بدأت ظهيرة اليوم السادس من أكتوبر هذه الفترة إجمالا هي الفترة التي تم فيها إعداد وتهيئة الدولة للحرب بمنظوماتها قواتها المسلحة المخابرات العامة جميع قوى الدولة المؤثرة لإمكان نجاح مصر عندما تبدأ معركة قادمة مع إسرائيل هذه الفترة نستطيع أن نحدد أنها بدأت ايجابية حتى في عهد الرئيس الراحل جمال عبد الناصر كما ذكر صديقي وزميلي بدأت برفع الروح المعنوية بلم الشمل بالتدريب الجاد بغرس يقين عند الجندي والضابط المصري انه بات عليه ان يثأر لكرامة مصر والعرب إجمالا ومن هنا هذه الفترة كنا نقيمها في المخابرات العامة أنها فترة من اخطر الفترات التي تعيشها مصر أشير إلى أن هذه الفترة كان هناك هجمة شرسة بكل الأبعاد من جهاز المخابرات الإسرائيلي الموساد ومن أجهزة المخابرات الأخرى المتعاونة معه وهي على الأخص الأجهزة الغربية بهدف الحصول على اكبر قدر من المعلومات التي تحدد يقينيا ان مصر بسبيلها للاستعداد لاتخاذ قرار بالحرب مع إسرائيل لتحرير سيناء المحتلة هذه المهمة الوطنية الكبرى كانت تحت مظلتها تعمل المخابرات العامة المصرية طبقا لتوجيهات رئيس الدولة في هذه الفترة وقد نجحت وأقول نجحت المخابرات العامة بتحقيق جزء كبير ونجاح إلى حد ما كبير لا يقل عن 80% من حجم المعلومات الاستراتيجية المؤثرة التي يمكن فيما لو أن المخابرات لم تقم بدورها كان يمكن وصولها إلى العدو الإسرائيلي وتكون نتائجها في منتهى السلبية والخطورة على الأداء العسكري المصري المنتظر المخابرات العامة اضطلعت بمهمة في غاية الأهمية في هذه الفترة وهي استطراد لما قبل نحن كنا في المخابرات العامة حتى من بدء تكوين الجهاز في 55 نقاوم إسرائيل وحققنا نجاح كبير جدا في قضايا عديدة الكل يعلمها وكنا نصد هجمات شرسة ازدادت شراسة اعتبارا من انتهاء أحداث 67 لان العدو الإسرائيلي يعلم جيدا حقيقة ما هو الجندي المصري وما هي القيادة السياسية لمصر وضباط مصر وانهم لن يساكنوا أو يهادنوا العدو الإسرائيلي سيقومون في يوم ما للثأر واسترداد الأرض المغتصبة ومن ثم كان يركز بقوة لاختراق الجبهة الداخلية ولاختراق كل ما يمكن اختراقه في مصر للحصول على المعلومات التي تمكنه من إجهاض أي عمل عسكري تقوم به مصر ويحضرني في هذا المقام أن جهاز المخابرات العامة المصري حقق نجاحا كبيرا في الحصول على معلومات حقيقية من مسرح العمليات المنتظر صدرت وسلمت للقوات المسلحة في حينه وكان لها اثر كبير في نجاح العملية تم تصوير الجبهة بالكامل من أمام قناة السويس إلى بور سعيد تصوير كامل لتفاصيل المواقع العسكرية
عبد اللطيف المناوي: وينبغي هنا أن نذكر وإحنا بنتكلم على اكتر من 35 عام كانت القدرات التكنولوجية كانت الإمكانيات مختلفة وكان الاعتماد على المصدر البشري وتقنيات أولية ؟
اللواء/ عادل شاهين: اللواء محمود خلف نحن المصريون نتميز بأن ما هو في يدنا ونملك السيطرة عليه نستطيع ان نوظفه توظيفا جيدا
عبد اللطيف المناوي: وهنا خليني اخد النقطة دي وارجع للوا خلف في هذا الموضوع تحديدا اللي أنت بدأته الدروس المستفادة بالتعامل بالإمكانيات المتاحة وإحنا إمكانياتنا في مرحلة لم تكن الإمكانيات غير طبيعية بل كان وفقا للمتاح والتاريخ النهاردة كاتب دا كانت هناك مضايقات سوفيتية في تلك المرحلة لتسليم السلاح كان هناك تضييق دولي عالمي نتيجة الموقف المصري ونتيجة الموقف الأمريكي من مصر في تلك المرحلة كيف أمكن للقوات المسلحة المصرية للشعب المصري أن يتعامل بالمتاح ليحقق تلك المعجزة من خلال تجربتك أنت الشخصية أيضا
لواء دكتور/ محمود خلف: العملية مبسطة لان طبعا حتى لا ينتقل زي ما بيحصل دلوقت الصراع المحدود بين دولتين يتحول إلى صراع إقليمي وصراع عالمي يبقى أصحاب زي الوضع الحالي أصحاب المنطقة مفيش في أيديهم حاجة يعملوها كان بينزلق في هذا الاتجاه انه حتى في حالة الاسترخاء العسكري في الشرق الأوسط الإسرائيليين قالوا احنا كده كويسين موشي ديان قالك حدود إسرائيل الآمنة اللي هي شرق قناة الضفة الشرقية دي حدود إسرائيل وأنا هاقعد استرخي دا كان كده لحد لما المصريين ييجوا يخبطوا ع الباب يطلبوا السلام ومش كده وبس وان مصر اصبحت جثة هامدة كجزء من الجثة الأكبر مع الأسف العرب يعني محدش بقى شاغل باله فدي حالة من الإحباط الشديد نعلم جيدا إن الروس حتى السلاح ليس السلاح على مستوى إسرائيل وفي نفس الوقت السلاح اللي موجود معانا محدود وبنصلحه فأصبح لينا يبقى بالفكر ألابتكاري وهنا من أعظم الدروس الكتيرة هنقول بعض منها لان أنا رحت في دورات دراسية في الولايات المتحدة الأمريكية وفي انجلترا وفي الناتو يعني الدبابة اللي بيسموها A1-M1 رقم واحد دي لما صممت الحرب أول حاجة هاديك مثل عدد الدبابات في حاجة اسمها نسق الدبابات الإسرائيلية دي أول ما تحس إن حاجة هتحصل بيحرك الدبابات من الخلف تحتل مرابض في خط بارليف دبابة ماذا سوف تفعل في هذه الدبابة فأصبح فيه مشكلة إن إحنا مانخليش الدبابات د ي في المراحل الحرجة الاولى تصل الى الشاطئ القريب قدامها لأنها لو وصلت
عبد اللطيف المناوي: دي مدرعة ظ
لواء دكتور/ محمود خلف: مدرعة تخش في الخرسانة يطلع منها الرشاش بيشتغل بالكهربا دا مطر من الذخيرة نص بوصة فظيع جدا وبعيار رئيسي وبزوايا زجزاج ما تعرفش حتى تيجي على موجتها وكانوا مستريحين لهذا النظام الموضوع دا مع الخرسانة إحنا شفنا بعينينا بقى خط سكة حديد كان لنا خط سكة حديد كان يطلع من القاهرة يروح لحد قطاع غزة دا فكوه وخدوا الفلنكات قدام عنينا وتتحط فوق بعضيها لحد ما بقى قدامنا جبل بارتفاع 8 ادوار او عمارة بارتفاع 8 ادوار لان القيادة العامة إحنا واقفين فوق وهما واقفين تحت يعني عايز تعدي وفيه حائط كبير فابتدينا نعمل يعني دشم عالية علشان حتى على الأقل حتى نبقى على الأقل على المستوى اللي إحنا فيه ابتدينا ننسى مشكلة الدبابات ابتدينا نفكر في فكرة قالك الله طب ليه كل الكتب العسكرية تقول ان الدبابة لا يقتلها إلا دبابة أو مدفع مضاد للدبابات جيد طاقم جيد إنما الدبابة دبابة دا العقائد العسكرية استقرت إليه حوار دار بين جيش القائد 17 الأمريكي في ألمانيا بعد كده فرحنا ابتدينا ندرب العساكر أو الجنود كيف الجندي دا يتحول إلى مقاتل للدبابة فابتدينا نجرب بقى حاجات كتير ايه نقط الضعف اللي في الدبابة ..الدبابة قوية بالمواجهة الدبابة قوية لما تقرب عليك دبابة وتضرب نار تتخض منها أزاي الأول تتدرب ما تتخضش منها تترمي والدبابة تعدي في النص أزاي لما تعدي تفكر تضرب من الخلف طب هيضربها من الخلف بايه ابتدينا نفكر والمهندسين المصريين في قنبلة لاصقة دا بعد كده كنا بناسر الدبابة اللي من تحتيها يطلع يفتح البرج لو البرج مفتوح لو شفنا دبابة بعد كده
عبد اللطيف المناوي: برجها مفتوح اللي هو البرج الأعلى دا .
لواء دكتور/ محمود خلف: نأسرها في اقل من 30 ثانية بقت صيدة شوف بقى الدبابة اللي بتضرب واحد هينط ينط ينط ينط من ضهرها بقنبلة يدوية بالمنظر دا يعمل قنبلة ويعمل للطقم بأيده كده بيطلع الطقم بعد كده في حوار كنا فيه مناورة للجيش ال17 في ألمانيا الغربية سنة 82 جربوا دبابة جديدة لان هما الأمريكان قالوا ان المصريين خرجوا الدبابة من المعرض كابتكار أنا بس باقول درس فانا فاكر وكان معايا بالمصادفة زميلي وصديقي العزيز ودفعتي الأستاذ احمد أنيس رئيس اتحاد الإذاعة كان واقف معايا في القوات المسلحة واقفين نشاهد هذه التجربة وقاللي كنا عقداء قاللي انتو خرجتوا الدبابة وغيرتوا مفاهيم الحرب خرجتوا الدبابة من المعركة الدبابة دي إحنا بنعملها تاني علشان نرجع الدبابة فإحنا قلنا له طيب لسه تجربة اللي هي منتجة دلوقت ما انت احتاجت لينا برضه علشان تطورها..
من ضمن الأفكار الابتكارية ساعة الهجوم ويوم الهجوم الساعة نفسيها الساعة دي كنا بنعمل دراسات إحنا ماكناش عارفين ليه كل حروب الدنيا بتقوم الصبح ليه الساعة أتنين
عبد اللطيف المناوي : و دا اللي ح نقف علية اختيار التوقيت وخطة الخداع للوصول الى يوم 6 أكتوبر الساعة أتنين وهذا ما سوف نتحدث فيه بعد هذا الفاصل القصير
فاصل
عبد اللطيف المناوي : السيدات والسادة أهلا بكم من جديد حديثنا هو روح اكتوبر وماذا تعني روح أكتوبر ووصلنا الى يوم 6 اكتوبر ولكن قبل ذلك اللوا عادل عايز اعرف برضه ملامح عن خطط الخداع التي تم استخدامها في تلك المرحلة للوصول إلى سرية بداية الحرب والمفاجأة اللي هو كان احد العناصر المهمة الحقيقة في المعركة
اللواء/ عادل شاهين: واقع الأمر خطة الخداع الاستراتيجي هذه الخطة بدأت مبكرة وتطورت بهدوء شديد على نحو غير محسوس
عبد اللطيف المناوي : يعني خليني افهم هناك في البداية خطة موضوعة لها ملامحها لها مراحلها ويهتم تنفيذها ؟
اللواء/ عادل شاهين: جزء من هذه الخطة القوات المسلحة قيادة القوات المسلحة كانت تنفذ هذا الجزء الخاص بها اعتقد أني أستطيع أن أوجز في الحتة دي وأقول إن على سبيل المثال جميع الظباط كانوا بينزلوا أجازاتهم في مواعيدها جميع الظباط اللي كانوا يرغبوا في أداء العمرة أو الحج كانوا بينزلوا طوال فترة إعداد الدولة للحرب كل هذه الأمور كان من شانها أن هي تعطي نوع من التطمين للجانب الإسرائيلي بان المفهوم السائد عندهم ان مصر وجيش مصر جثة هامدة ولن يجرؤ انه يتخذ قرار بالاستعداد أو للحرب ..برضه احد عناصر خطة الدفاع الإسرائيلي كانت تنفذها رياسة الدولة من خلال اتصالاتها ومن خلال لقاءاتها السياسية كان ينفذها الدبلوماسيون من خلال المحافل الدولية ومن خلال العلاقات الدبلوماسية كانت المخابرات العامة في هذه الفترة تنفذ الجزء الخاص بها في خطة الخداع الاستراتيجي من خلال عديد من الادوات السرية والمهنية والتقنية على سبيل المثال نعلم جيدا في العمل المخابراتي أو التجسسي يوجد ما يسمى بالعملاء المزدوجين هؤلاء العملاء المزدوجين كانوا يزودوا بمعلومات زائفة وأود أن أشير إلى أن المعلومات الزائفة إجمالا إذا استطعنا أن نحدد جملة تعطي معلومة زائفة تبدأ بجزء حقيقي ثم تتوسطها جزء يعطي نوع من الشك ثم تنتقل في الجزء التالت إلى تشتيت الفكر فينتهي من يستقبل هذه المعلومة إلى انه يستقبلها ويحللها فلا ينتهي إلى قرار يقيني بصدق ما ذكر
عبد اللطيف المناوي: هل ممكن حضرتك تديني نماذج لما تم عمله في تلك المرحلة ؟
اللواء/ عادل شاهين: زي ما قلت لحضرتك بنعطي معلومات مزيفة معلومات تشكك من شانها يعني بنسعى مثلا لان إحنا نجيب سلاح من جهة معينة في الغرب دا يعطي نوع من التشتيت له ودا جزء غير حقيقي ثم في نفس الوقت ننفذ تطوير معين في الأسلحة الموجودة لدينا إذن كنا نشغل فكر وطاقة المخابرات الإسرائيلية في توجهات أخرى غير ما نركز فيه
عبد اللطيف المناوي : يعني خلينا نقول ان هناك كانت معركة أخرى موازية لمرحلة الاستعداد للحرب معركة موازية بين الجهازين .
اللواء/ عادل شاهين: سيدي لابد أن نعلم جيدا أن القوات المسلحة لأي دولة وجه الوجه الآخر مخابرات هذه الدولة جهاز مخابرتها المعني بالحصول على المعلومات
عبد اللطيف المناوي : حجم التعاون إيه الي كنتوا بتجدوه من المواطنين المصريين البسطاء العاديين عندما يطلب منهم الدخول في مثل هذه المسألة حتى لو كانت فيه مغامرة بحياتهم ؟
اللواء/ عادل شاهين: رائع.. حضرتك سألتني سؤال رائع في هذه الفترة بالذات فترة إعداد الدولة لحرب والاستعداد للحرب كان هناك تعاون كامل من المصريين واستطيع ان انا أؤكد أن الكثير من المصريين سواء كانوا طلبة او غيرهم او إلى أخره كانوا يبادروا بالاتصال بجهاز المخابرات العامة المصرية ويضعوا أمامه المحاولات التي كانت تجريها المخابرات الإسرائيلية للاتصال بهم وتجنيدهم وهنا كان يشكل مجموعات لاستقبال هؤلاء الناس وهؤلاء المصريين وإعادة تصديرهم مرة أخرى للعدو الإسرائيلي بسيطرة كاملة حتى نستطيع من خلالهم دس معلومات من شأنها تشتيت من يستقبل المعلومة ومن يفكر فيها ومن يحللها فلا يستطيع ان يجد وأقول في هذا أن نسبة كبيرة جدا من المعلومات المزيفة بنى عليها القيادة الإسرائيلية سواء كانت سياسية او عسكرية بنت عليها تقييمها للأحداث ومن ثم كانوا لا يتصورون أن تجرؤ القيادة السياسية في مصر أو تجرؤ قيادة القوات المسلحة أن تقدم على اتخاذ هذا القرار الحقيقة تعتبر خطة الخداع الاستراتيجي بكل مستوياتها وأقول واحدد بكل مستوياتها كانت أعظم خطط الخداع الاستراتيجي في العصر الحديث وتدرس ويستشهد بها وأنزلت مفاجأة قاسمة لما كان يروج في هذه الفترة أن جيش الدفاع الإسرائيلي ذو ذراع طويلة ولا يمكن هزيمته
عبد اللطيف المناوي : كانت مفاجأة بالفعل السيد اللواء محمود خلف وهنا برجع للنقطة التي توقفت عندها وهي فكرة انتوا كنتوا بتعملوا دراسات بتعملوا اختبارات مختلفة عشان اختيار التوقيت ممكن تشرح لي اكتر تسهب لي اكترايه اللي حصل؟
لواء دكتور/ محمود خلف: الدوافع إيه سواء الخداع لتحقيق المفاجأة الدوافع لما نيجي نعمل مقارنة أي عملية عسكرية بين طرفين لازم بنعمل حاجة اسمها مقارنة القوات دا عنده إيه ودا عنده إيه ومقارنة القدرات النيرانية واللي عنده القوات الجوية ودا عنده قوات بحريةبتقيس كل حاجه أما هيحصل الصدام وبعدين الأوضاع الابتدائية لقوات الطرفين الأوضاع لإسرائيل مريحة جدا للغاية لأنه منتشر وقعد 6 سنين بيجهز في ملاجئ تحت الأرض وخرسانية وعامل خطة انتشار وخطوط تعطيلية أربع خطوط بعمق سينا ونظم دفاع جوي ومطارات قريبة يعني أمامك مسرح عمليات الناس ما تتصورش إن المسالة عبور خط بارليف
عبد اللطيف المناوي: رسخ نفسه تماما فيها؟
لواء دكتور/ محمود خلف: لا هو برضه فيه مرحلة هتتعاصر في اللي بعديها واللي بعديها إلى مالا نهاية وبعدين إحنا متكدسين لاكثر من تلات تربع مليون فرد في قناة السويس على مسافة قريبة جدا أجهزتنا اللاسلكية بتاعتنا كلها مكشوفة المعدات الكباري بتاعتك الكوبري الواحد أتنين وخمسين عربية عربيات ضخمة جدا الكوبري الواحد يستخبوا أزاي ويتحركوا أزاي موضوعات كتيرة جدا وبعدين ترتيب الأسلحة وأي خطأ هيحصل
عبد اللطيف المناوي : هيكشف كل حاجة ؟
لواء دكتور/ محمود خلف: هيهدم الدنيا فأصبح هنا علينا نحل كل المشاكل كل مشكلة نجرب وكنا بنعمل في منطقة الخطاطبة في غرب القاهرة نقعد نتحرك حركة كتيرة جدا بحيث ان إسرائيل يفضلوا يدوروا بنعمل إيه ونوريهم برامج للتدريب خداعية ونوريهم يعني إيه الخداع الاستراتيجي دا علشان الناس تفهمه ببساطة بقى فيه استراتيجي وفيه تكتيكي الخداع الاستراتيجي باقنع حضرتك إن أنا مفلس ولازم اربط مع ولادي يبانوا شحاتين لان أنا هبينك إن أنا مفلس تكشف لي ولادي بيصرفو يبقى فيه حاجة مش مظبوطة هتعمل focus عليا أنا مفلس ع المستوى الاستراتيجي ولادي كمان من غير ما يعرفوا أنا باقرص عليهم بطريقة معينة حتى يظهروا مقطعين وشحاتين أنت حضرتك طرف هتبقى مبسوط أما أقولك فلان دا تقولي ما تفكرش فيه واقع الحال انا لامفلس ولا ولادي شحاتين دا كانوا بيتظبطوا وكانوا بيظبطوا نفسيهم فأنت لما بتاخد لان النقطة المهمة جدا ان هو بيشوف شايف الكباري وشايف القوات وشايفنا وشايف التدريب وأمريكا مدياهم القمر الصناعي اسمه KH 11 بالتحديد ..Key O يعني مفتاح السماء موجود وفيه محطة استقبال متصورين ومرصودين ومسموعين كيف تبتكر الاتصالات كيف تعمل اتصالات خداعية حاجات كتير تقدر تعملها وتقنعه فعلا اللي أنت بتعمله دا راجل بتهوش والشبكات تتنقل عنده المصريين لان هما كانوا مصورين بعد كده في لجنة 43 معلومة دقيقة جدا واسم المقدم اللي حاكموه اسمه المقدم " بندمان "رئيس فرع المصري اللي بيشوف 43 معلومة ..معلومة واحدة تكفي لو اتقرت صح لما جينا قلنا التوقيت ليه التوقيت الساعة أتنين ..؟ اصل يوم السبت يوم "كيبور" فمن يوم الجمعة بالليل ليوم السبت بالليل فيه تعطيل للحياة في إسرائيل لأسباب دينية
عبد اللطيف المناوي : احتفالات دينية خاصة بيهم ؟
لواء دكتور/ محمود خلف: احتفالات دينية ..طيب ..الحروب بتقوم الصبح دا أول ضوء عشان تعرف تاخد أول ضوء فكان عندنا مشكلة إن الساعة أتنين اتنقت على اعتبارات كتير لو بدينا أول النهار ابتدينا نحسب تبدا تركب الكباري وتنجح هيبقى لسه ضوء بقية اليوم هيسمح للقوات الاسرائيلية الجوية إنها تطلع طلعاتها الاستراتيجية تطلع تدمر لي الكباري فانا عايز لما انصب الكباري الكوبري بياخد 3 ل4 ساعات كنا ابقى دخلت في الليل للنقطة رقم واحد فالليل نقدر نعدي المعدات التقيلة لأن عبور الدباباتعملية مش سهلة وسهل اصطيادها الحاجة التانية ان لما نبص للشرق والغرب الساعة أتنين بتبقى انحرفت زاوية الشمس ناحية الغرب في اتجاه الغروب فالساعة أتنين بيبقى شعاع الشمس أفقي بس قرص الشمس موجود في الغرب يواجه الطيران الإسرائيلي القادم من الشرق وجميع أجهزة الرؤية والمدفعية أول ما هتبدا تصوير ماكنش الكترونيك في السيستم الحالي فضوء الشمس هيعمي الطيار وهما طلعوا قالوا "ذئب في قرص الشمس " يعني الطيار بيطير وقرص الشمس في وشه اللي هي الضربة الاولانية ما يشوفش ولا المعدات البصرية ودا برضه خدناه من معركة اسمها "الكروسيدر" اتعملت في الحرب العالمية التانية من ضمن الأفكار لاستخدام الشمس فدي فكر ابتكاري
عبد اللطيف المناوي : أه يعني الطلعة لما طلعت كانت الشمس بتكون في الخلف؟
لواء دكتور/ محمود خلف: في ضهر الطيار بتاعنا كمقاتل أو عناصر مدفعية أي واحد فينا يعني لما يبقى الكشاف في ضهره هيشوف أحسن إنما الكشاف في وشه مش هيشوف فانا الشمس كشاف بالنسبة لي فبالنسبة لي وأنا باشتغل حتى أجهزة الرؤية بتاعتي وأجهزة التصوير بتاعتي وخصوصا لازم بيبقى عندي وضوح في الرؤية دقيقة لان الدبابة بتظهر على البيروسكوب اوالتليسكوب بتظهر سنتي أو اقل وبتطلع وبتنزل فلما تبقى الشمس عليها تخليني أقوم جاي جايبها مظبوطة لو العكس استحالة محال يعني عكس الشمس في وشي الدبابة نفسها مش حتبان
عبد اللطيف المناوي : والتعبير بتاع " ذئب في قرص الشمس دا كان تعبير بتاعهم على الطيران المصري؟
لواء دكتور/ محمود خلف: دا هما اللي قالوه على الطيران المصري وعلينا كلنا ذئب في قرص الشمس ما هو قرص الشمس فيه ذئاب بتطلع منه مش قادر يعمل الساعة أتنين لحد طبعا آخر ضوء نزل بالليل ابتدينا بقى إيه عبور بقى المعدات التقيلة وعناصر الدفاع الجوي الخفيفة وعناصر المهندسين الفكرة التانية اللي كنا خايفين منها الفكر ألابتكاري كلنا نعلم والجميع يعلم أن إسرائيل متفوقة في الحرب الالكترونية وان الولايات المتحدة أعطتها إمكانيات هائلة في الحرب الالكترونية علشان الفكر ألابتكاري أنا عايزه دلوقت ماقولش أنا عايز ماقولناش ساعتها عايزين معدات حرب الكترونية تكشف ما فيه حاجة اسمها ايه ال Electronic measure وبعدين Electronic measure وبعدين Counte Electronic measure ماعنديش بقى لا Counterولا غيره قعدنا المهندسين المصريين يفكروا في الCounter بأبسط المسائل عشان نشوش لان الكوبري معدني أما بيركب في المية حتى الرادار بالليل رادار الطيارة يجيب رسمة الكوبري يضرب على 35 كيلو يجيب الكوبري معنى ان كوبري ينضرب دي مصيبة بالنسبة لنا لان فيه جدول زمني للعبور فعلشان كده اتعملت افكار اتعملت حاجات معدنية زي عشش الصفيح و بأفكار هندسية مهندسين مصريين فكروا ودرسوا الشعاع اللي طالع و أزاي الشعاع يرد أزاي أزيف له الشعاع باجي جنب الكوبري واعمل شوية حاجات صفيح فتاخد منه لما ترجع له الزاوية ترجعها له منحرفة فكنت تشوف المنظر الصواريخ تنزل جنب الكوبري مفيش صاروخ نزل ع الكوبري دا الابتكار ما هو دا لو هافتح الباب بس الابتكار دا جه منين وازاي ..؟ ماهو دا الشعب المصري الخلاق في تفكيره جه منين فيه حاجات شروط اساسية علشان ناخد الوقت ونقول للناس دلوقت اول حاجة عشان نبتكر كلنا انه يبقى فيه وضوح رؤية للهدف المطلوب زي ما اتقال لنا سينا دي لازم ترجع هدف زي ما تقول لواحد بقولك ايه خلص الموضوع دا بس اديتني وضوح رؤية فتدي للفكر الخلاق ..الفكر الخلاق من القوات المسلحة اللي أنا باحكيهولك دا طبعا مش القيادة العامة اللي فكرت فيه ..القيادة العامة مافكرتش القيادة العامة اديتك المشكلة وتطرح
عبد اللطيف المناوي : والمصريين هما اللي قاموا وفكروا وحلوا؟
لواء دكتور/ محمود خلف: كان بيطلع من العسكري أفكار بس الهدف الكبير موجود معاه اصل مهم جدا ان القوات المسلحة والشعب متحدد له الهدف اذا اشتغلنا من غير هدف هنبتكر على ايه وبعدين مانتاش عارف الصعوبات بتخبي عليا الصعوبات لا ما بتنخبيش لا تستخبى عليك صعوبة ولا تجاملني تقولي الهدف والمشكلة ليه بقى الكلام دا..؟ لو احنا هنشتغل بالفكر الروتيني التقليدي زي ما كنت باتشاور مع حضرتك من شوية المشكلة والحل زي قضيب السكة الحديد هافضل ماتشي جنب المشكلة لو فضلت جنب المشكلة زي مصر دلوقت لو الحكومة بتاعتنا مشيت جنب المشكلة المشكلة بتزيد هو هيحاول يقلل من حجم المشكلة يعني دوره مش الهجوم على المشكلة لانه ماشي بالروتين انه يخفف من حجم المشكلة الفكر الابتكاري بيقول ايه لازم نسبق المشكلة ازاي نسبق المشكلة دا ابتكار ..
عبد اللطيف المناوي : وهرجع تاني اقف عند الفكرالابتكاري وقدرة المصريين على التجاوز هنقف على دا لكن فيه نقطة مهمة جدا ينبغي ان احنا نضعها سينا كانت محتلة والمصريين في سينا كانوا تحت الاحتلال الإسرائيلي سؤالي المهم المصريين اللي كانوا في سينا في الوقت دا علاقتنا كانت بيهم أزاي قد إيه كانوا مفيدين لينا قد ايه كان لهم دور في التحضير والاستعداد للحرب ؟
اللواء/ عادل شاهين: أود أن اطمئن الجميع أن الشعب المصري بكل نسيجه وفئاته على إقليم جمهورية مصر العربية كاملا شعب وطني شعب يحب بلده يضحي من اجلها اذا ما القيت الضوء على سكان سينا من بدو سينا هؤلاء كانوا على مسرح العمليات المنتظر
عبد اللطيف المناوي : بالظبط.
اللواء/ عادل شاهين: كانوا على مرأى ومسمع من الإسرائيليين وجيش الدفاع الإسرائيلي وبالقوات الإسرائيلية وفي نفس الوقت على مرأى ومسمع من قدرات المخابرات العامة المصرية والحربية إحقاقا للحق كانت هناك وسائل اتصال سرية بأدوات مختلفة للتواصل مع هذا الجزء من نسيج الشعب المصري اذكر تدليلا على وطنيتهم ان المحتل الاسرائيلي وهو يسعى للحصول على معلومات تؤكد على وجه يقين ان مصر تستعد كان من جانب آخر يسعى لخلخلة وإفساد وتدمير العلاقة العضوية لسكان سينا من البدو مع بقية الشعب المصري ..سعت القيادات الإسرائيلية إلى التواصل مع قادة القبائل في سينا وهم منتشرون في كل مكان بالتهديد والترغيب حتى أنهم كانوا يرقمون الجمال ووسائل الانتقال بأرقام حتى يشعرون أن هناك سيطرة كاملة عليهم في كل شيء كما ذكرت لحضرتك من خلال التواصل للمخابرات المصرية مع سكان سينا من الشعب المصري تم رصد أن هناك مؤتمر يحضرون له في موقع ما في سينا سيجمع رؤساء القبائل للاعتراف وللمناداة بان سينا جزء يجب ان ينفصل عن مصر وليس له علاقة بمصر لينفصل ويستقر
عبد اللطيف المناوي : دا كان سنة كام يافندم ؟
اللواء/ عادل شاهين: قبل الحرب حوالي سنة 72 في أول 72 ..هذا كان تمهيد ومحاولة من إسرائيل لإفساد تعاونهم مع الشعب المصري ولإفساد الروح الوطنية تمهيدا وكانوا لا يخطر على بالهم ان مصر هتسترد سينا هم يهيئون المجتمع السيناوي
عبد اللطيف المناوي : انه قدركم أنكم مع دولة إسرائيل؟
اللواء/ عادل شاهين: بالظبط كده جمع الناس في مكان ما وجاءت قيادة اسرائيلية كبيرة جدا وكان ينتظر حضور موشي ديان لهذا الاجتماع وبدأ الجميع يتحدث من قبائل سينا على امكانيات سينا وقدراتها وممكن سينا تبقى حاجة عظيمة جدا الى ان جاءت القيادة المنوط بها ان تحضر وتبدأ الاجتماع الرسمي واحضرت وسائل الاعلام العالمية والى اخره للاعلان عن هذا النبأ الذي من وجهة نظر اسرائيل يعدطعنة خنجرية في القيادة السياسية المصرية بأن هذا الجزء من الشعب المصري يريد أن ينفصل عنكم ووقف الخطباء الى ان صعد إلى المكان احد رؤساء القبائل وكان هو اكثرهم ويدعى اسمه الشيخ سالم الهرش وقدم للحديث بأن سينا جزء مهم جدا في خريطة مصر وان سينا جزء من الامن القومي المصري وان شعب سينا جزء من الشعب المصري ولا يريد ان ينفصل ولا يريد ان يستقل إنماهو خاضع رغم وجود الاحتلال لقيادته السياسية في القاهرة هذا تدليل على ان العنصر المصري اينما كان واينما وقع عليه من الظلم والغدر وتحديد قدراته وانه يبقى تحت فترة زمنية الا انه في داخله يتمتع بوطنية كافية لانه يحقق نجاح اذا اراد المصري ان يحقق نجاح فانه يحققه هذا إجمالا عن الشعب المصري
عبد اللطيف المناوي: هل يمكن القول بان التعاون المصرين من اهل سينا تعاون المصريين اللي ساكنين في سيناء كانوا احد العناصر المهمة في نجاح القوات المسلحة المصرية في حسم الحرب؟
اللواء/ عادل شاهين: بلا جدال كما ذكرت حضرتك كان هناك تواصل من اجهزة المخابرات المصرية سواء المخابرات العامة او المخابرات الحربية وهي الأجهزة المعنية بهذه الفترة الزمنية والمعنية بالحصول على المعلومات اللي تؤثر على العمل العسكري القادم كان هناك تواصل كامل معاهم كانوا مثال للوطنية وسيظلون وارجو ان تضع الدولة في حساباتها ان ترد الجميل لهؤلاء و أن تمكنهم من ان يقيموا حياة متطورة في سينا ويعمروا هذه الارض
عبد اللطيف المناوي: ودا بالفعل احد المطالب المهمة واحد الاهداف المهمة الاستراتيجية لصفات المرحلة ..هنا خليني ارجع للواء محمود خلف الحروب لحظة الحرب لحظة القتال تظهر اصدق ما في داخل نفسية الانسان المعدن الحقيقي للرجال تجد فيهم الشجعان جدا المضحي وبتجد فيهم العنصر الاخر الشكل الاخر لحظة حرب اكتوبر برضه من خلال التجربة الشخصية كيف تذكر انت تلك الايام حرب اكتوبر ماذا اظهرت من المصريين من المقاتلين من الجنود على الجبهة ؟
لواء دكتور/ محمود خلف: خلينا نقول قبل ايام من الحرب شكلنا العام اولا احنا كنا بنشتغل بجد واجتهاد زي ما انا قلت كان عندنا حالة في قلوبنا الحزن يعني بالرغم احنا بنقول وبنستعد كنا بنشوف العدو كنا بنشوف موشى ديان وكانوا بيركبوا ميكروفونات يشتمونا عشان تبقى عارف ويعملوا حفلات قدامنا وكان فيه بعد وقف اطلاق النار كان فيها مصلحة لينا للحركة ان الحركة بدات تتحرك ابتدت تتحط وابتدت العجلة تدور فكان السؤال امتى ييجي اليوم يعني امتى ييجي اليوم ماحناش عارفين اول 72 بقينا في سبتمبر في اكتوبر خلص 72 ماحناش عارفين المناورات لا تنقطع ست سنوات من ساعة ماجينا من طابا ما بتنقطعش بالاف موضوع بالليل وموضوع علشان نشوف الكوبري وموضوع عشان نشوف العبور بالافراد ومش عارف ايه وضرب المدفعية حاجات كتيرة كتيرة كتيرة ابتدينا نشتغل بس ابتدينا ايه المنظر صعب يعني مش قادر اقولك المنظر دا صعب جدا جدا جدا ان ترى يعني انا دايما اقول كان لون السماء دايما اسود مش ازرق وخط بارليف دا لونه رمادي اسود والعلم الاسرائيلي كئيب المنظر صعب جدا انك تعيشه لحد اللحظات اما ابتدينا كان عندنا احساس ان فيه حاجة قادمة فيه شيئ هيحصل الى ان فيه يوم السبت ولحد ما كنا بنشتغل قبلها ب 15 يوم من اواخر شهر 9 وبعدين كان المشروع هيخلص يوم 4 اكتوبر يوم خميس وبدات فعلا وانتهى المشروع اخدنا الاوضاع ما احنا موجودين حاجة اسمها مناطق تمركز
عبد اللطيف المناوي: المشروع دا اللي هو مشروع تدريب؟
لواء دكتور/ محمود خلف: تطلع بقى ..لا..تاخد الاوضاع الهجومية احنا عملنا الموضوع دا ييجي 10 مرات هما زهقوا مننا وبقوا يشوفوا الموضوع دا
عبد اللطيف المناوي: زي كل مرة ظ
لواء دكتور/ محمود خلف: زي كل مرة ..وبعدين اتفتحت الاجهزة بحيث الخداع التكتيكي يظهر ان احنا بنجمع الناس , قطورات السكة الحديد من يوم الخميس بالليل كانت بتتحرك الخط الحربي ييجوا من القنطرة وهما شايفين القطر متعبي عساكر رايح نازل على مصر يفوتوا قطر وفيه قطر تاني يوصل بالليل يعطلوه تنزل العساكر ترجع تاني بس كان فيه انطباع خلاص المشروع خلص يوم الخميس والجمعة القيادة تفضل يعني زي العادي مفيش حاجة غير عادية حصلت لان مثلا المشروع خلص الجيش هينزل اجازات الدفعة اجازات بتبقى نسبة معينة بتنزل اللي هما المتزوجين والي عندهم عيال يعني شوية حاجات كده العادي وطالع في الاجهزة عادي الاجازات فاستريحوا اكتر اقنعناهم نحن مفلسين تماما نازل اجازات والسادات دا الله يرحمه بيقول أي كلام العملاء أي كان رصدوا الكركبة كنا نتعمد في منطقة التل الكبير تلاقي فيها زحمة يشوفوا العساكر نازلة اجازة وبعدين نسبة تانية طب الدفعة اللي بعديها تنزل الحد يقعدوا تلت تيام ويرجعوا يعني وخففوا بس الناس ايه في مكانها لحد يوم السبت الصبح لحد التوقيت دا لا يدعي احد بأي حال من الاحوال لحد يوم السبت الصبح يعلم احد في حاجة اسمها يوم " ي " وساعة "C " دايما الخطط لما بتتعمل علشان ينحط كل واحد دوره بيتقال يوم العمليات دايما يوم "ي" وساعة العمل"C" وبعدين تركيبهم يوم "ي" يطلع ايه السبت الصبح على الساعة 9 الصبح الله يرحمه المشير أحمد إسماعيل وصلقيادة الجيش وقال اليوم "ي" النهاردة 6 اكتوبر يبقى ناقص ساعة" س " الساعة اتنين بلغها قادة الجيوش , قادة الجيوش بداوا عن طريق القيادة مستويات القيادة احنا عرفنا مع مجموعة الصاعقة الموجودة شمال الاسماعيلية عرفنا يمكن حوالي ساعة ونص يعني اتناشر ونص جالنا التوقيت وبعدين المطلوب مننا اللي احنا دربنا عليه هيتنفذ الخرايط بتقول كده
عبد اللطيف المناوي: الساعة دي كنتوا عاملين ازاي؟
لواء دكتور/ محمود خلف: الساعة ونص دي كويس انك سالتني السؤال دا اعيشه لان هي لحظة ايه فيها فرحة وفيها خوف وفيها الواحد عامل زي ايه لان كنا عندنا معاناة وبعدين بيوتنا وشعبنا واحنا بنعتبر مسئولين عن الكارثة اللي حصلت الفرحة والخوف زي اللي مذاكر وخايف يسقط في الامتحان لان المرة دي لو فشلت الحرب لو فشلنا المرة دي مفيش مصر بكل تاكيد مفيش مصر كان زماننا لحد اللحظة دي والعياذ بالله يعني بكل تاكيد مفيش مصر فالخوف امتحان لا يحتمل الا تجيب فيه امتياز ما ينفعش فيه جيد جدا وما ينفعش جيد يبقى بالتالي موضوع انك تسقط بالتالي لا.. ما ينفعش غير الامتياز لأن كنا في حالة معاناة من اللي كانوا بيشتمونا ويجيبوا ميكرفونات وقاعدين للاستهزاء بينا طوال الست سنوات وقاعدين بيسخروا فيعني زي ما نقول عايزين بقى التار وعايزين ارضنا وعايزين كمان قدام شعبنا نبين لشعبنا واهالينا لما ننزل ان ابناء مصر حققوا الامانة وحققوا المهمة الخوف بقى اما بنقرب بتبقى لحظة المقاتل ما هو شعور المقاتل..؟ شعور المقاتل في لحظة لو سالتني عن اسمي اثناء العمليات مين اسم ابويا ولا مين اسرتي اجد صعوبة اقولك عنوان البيت صعوبة شديدة يعني لو قعدنا خمس دقايق عشر دقايق تحاول تفتكر بتلاقي نفسك شخص تاني لا تفتكر اسرة ولا تفتكر أي حاجة انت في دماغك مصر اصغر عسكري لاكبر واحد مصر في دماغه ايا كان دوره مصر كلها في دماغه لو قلت له فيه مين ما يعرفش يرد لو جبت واحد وتساله سؤال شخصي كده ما يعرفش يرد دماغه خلاص اتبرمجت على مسالة الموت والحياة
عبد اللطيف المناوي: ودعتوا بعض قبل ماتبدأوالعملية ؟
لواء دكتور/ محمود خلف: اقولك على حاجة لا والله خليني اقولك بصراحة مسالة الموت والحياة ماكناش بنفكر فيها لان اتطعمنا في فترة الاستنزاف ناس كانت بتموت اللي بيموت ليه ماتعرفش وانت ماعملتش حاجة احسن منه هي ظروف كتير انا كانت ماسورة الدبابة تيجي تضرب وانت ماشي ماسورة دبابة اثناء عملية الثغرة بدءا بالدبابة نزل وضرب الطلقة هو معرفش ينشن عليها لو ضربنا بالرشاش الكهربائي كان جابنا ميت حتة ..اهه !! ناس تعيش ناس تموت واحنا في رمضان فمسالة الحياة والموت مسالة مش بنفكر فيها حقيقي يعني مش باقولها لك كده شجاعة لا مفيش حد يقدر انه يقول على نفسه انه كان شجاع أو انه كان جبان دي مسالة مش في التفكير كله مشغول أن تنجز ما انت مكلف بيه بدقة شديدة فدي بتخلي حالة الاستنفار وحالة التركيز ما تخليكش قادر تفكر غير اللي انت فيه والناس اللي مسئولين عنهم وبدا توقيت اللي هو خط عبور القناة بالقوات الجوية ثم القصف بالمدفعية كان فيه زلزال بيتم في الأرض اول ما بنقول للناس احنا بنقول بالراحة للناس بيحصل كده كلمة الله اكبر في اللحظة دي يعني لحظة العسكري اقوله نزلنا تحت ماحنا عارفين هنعمل ايه اول حصة طيران هنعدي الناس وهي بتحط اللنش علشان ننزل المية الله اكبر دي يمكن صدى الصوت كان في ودني من اول بورسعيد لحد السويس ماحدش لا قالنا نقول ولا احنا قلنا لهم لدرجة ان كان حتى ترتيب في العبور يعني من ضمن الحاجات على الجندي المصري فيه ترتيب لحاجة اسمها نسق يعني المجموعة الاولانية بتعدي وطبعا لان عرض القناة القوات كتيرة ففي مرحلة مهمة هتطلع وبعدين بعديها هينزل الفاصل اللي حصل لما اتقال للناس حتى الانساق الخلفية
عبد اللطيف المناوي: عايزين؟
لواء دكتور/ محمود خلف: مش عايزين نزلوا فعلا يعني كان منظر خلاص يعني فيه مرحلة متقدرش تفرملها هو كله نازل بس هيعدي الناحية التانية هيعدي كل واحد هيبقى عارف مهمته بيعمل ايه ودي نقطة مهمة عايزة دلوقت في الفكر مفيش واحد كده ماشي تايه لا هو عارف مش هتكلفه مش هنقول لحد أي حاجة وبعدين القائد من بيبقى عندنا الفكر الابتكاري من كتر ما اتدربنا عليه بقى عندنا التفكير ساعة انت بتحط خطة عالعدو بطريقة معينة اما بتيجي تنفذ ليس بالضرورة ان عقل الجندي او عقل الموقع الاسرائيلي اللي قدام مني هيفكر بالطريقة اللي انا حطيت عليها وانا ضامن مش ضامن انا بابقى حاطط خطة مبدئية بس قدرة التفكير بقى لو هو هاجم عليا بخطة تانية انا عندي من المرونة اتدربت على المرونة هاهاجمك وعارف رد فعلك تعملي رد فعل مفاجئ مع المجموعة توائمنا في رد فعل في نفس التوقيت
عبد اللطيف المناوي: ودا تم التدريب عليه مرات ومرات ومرات ؟
لواء دكتور/ محمود خلف: وبعدين إحنا أصحاب قضية والعسكري الاسرائيلي مش صاحب قضية احنا اصحاب قضية
عبد اللطيف المناوي: ودا عنصر مهم جدا.
لواء دكتور/ محمود خلف: ودا كان مهم جدا بس اهم حاجة بقى ان القوات المسلحة سواء اللي كانت في الهجوم من تلت تربع الى مليون كل واحد مهما كبر او صغر شانه يعلم جيدا دوره بالظبط لحد الجندي بتاع التعيين اللي هيجيب مية لحد الجندي اللي حتى حيخبز رغيف العيش
عبد اللطيف المناوي: هرجع لدا مرة تانية اللواء عادل ايه رد الفعل اللي كان عندكوا في اللحظات الاولى رد الفعل الاسرائيلي كيف تعامل مع الموقف ايه هو اللي رصدتوه في خلال اليوم الواحد ؟
اللواء/ عادل شاهين: حضرتك تعلم جيدا ان المخابرات العامة على وجه التحديد دائما وهي بصدد مواكبة عمل تاريخي استراتيجي تقوم بالدراسة المسبقة دراسة دقيقة من كل الجوانب وتضع في حساباتها اسوأ الاحتمالات حتى تكون جاهزة لاتخاذ القرار المناسب في الوقت المناسب كان هناك تفاؤل كببير جدا ولكن لم يكن تفاؤل عشوائي او ضربة حظ انما كان تفاؤل مبني على تخطيط سليم ومبني على عمل جاد سبقه منذ سنوات واشير في هذه الجزئية الى ان تعلم حضرتك وكلنا نتذكر بعض من عاصر هذه الفترة ان الرئيس الراحل انور السادات اطلق حديثه في احد خطبه السياسية احد خطاباته السياسية ان عام الحسم عام 1971 تناولته اجهزة الاعلام العالمية والمحلية على انه للاستهلاك المحلي لانه كان قد كثر الهمز واللمز داخل مصر وفي العالم العربي عن تراخي مصر او قدرة مصر وعدم قدرتها هذا الموقف كنا سعداء ان هما قيموه كده انه للاستهلاك المحلي ولكنه في واقع الامر كان قرارا استقبل بانه على الجميع ان يستعد ويستنفر كافة قدراته لتوظيفها لانجاز النجاح في الحرب القادمة
عبد اللطيف المناوي: يوم 6 اكتوبر رد الفعل الاسرائيلي وفقا لما تم رصده وقتها ؟
اللواء/ عادل شاهين: كان يرصد في يوم 6 اكتوبر وقبله ساعة بساعة من خلال الادوات السرية للمخابرات العامة المصرية داخل اسرائيل وداخل الدول الغربية التي كانت تؤيد وتناصر اسرائيل زائد رصد لردود الفعل عند كافة اجهزة المخابرات المعنية بهذا الحدث كانت كلها بدءا من ايام حرب الاستنزاف كانت ردود فعل رهيبة داخل اسرائيل اتهامات بالتقصير للقيادات العسكرية والسياسية اتهامات بان اسرائيل لن تتمكن من الحفاظ على سينا وكانوا يعالجوا هذه المواقف بشكل تطميني ويطمئنوا قادتهم السياسيين بأن مصر جثة هامدة ولن تستطيع...
عبد اللطيف المناوي: طيب هنا اللواء خلف هنا البعض بيحلو له في الواقع ان يتعامل مع حرب اكتوبر باعتبارها بالتشكيك في النصر هل لك ان تقوللي ايه هو مفهوم النصر ما هو النصر وكيف يمكن ان نطبقه على حرب اكتوبر ؟
لواء دكتور/ محمود خلف: كويس قوي النقطة دي الدنيا تايهة فيها شوية والنهاردة لسه بيقولوا الثغرة ..ماتيجي نتكلم على حرب اكتوبر الكلام الي انا قلته والي انا وصفته لاي مواطن عايز يعرف أي حرب في الدنيا نتيجة الحرب بعيدا عن ارقام الدبابات التي تم تدميرها والطائرات التي تم اسقاطها والصواريخ التي تم اطلاقها والى اخره يسال سؤال ويقارن بين حاجتين اتنين الموقف السياسي قبل الحرب ويقارنه بالموقف السياسي بعد الحرب لما تقولي بقى بعيدا بقى عن ايه الحرب لما تقولي ما هو الموقف السياسي لمصر قبل السادس من اكتوبر العلم الاسرائيلي مرفوع على شبه جزيرة سيناء 61 الف كيلو متر مربع 6.1 % من مساحة مصر دي النقطة رقم واحد موجود زي ما هو موجود في الجولان يعني هو موجود في الجولان من ساعتها نمرة واحد..نمرة اتنين احنا لا في حالة سلام ولا في حالة حرب مصر ميزانيتها في هذا التوقيت زي ماقالوا الرئيس السادات الله يرحمه وزي ما نر يوم 6 اكتوبر كان الخزانة المصرية فيها 35 الف دولار مصر كانت في نظر لا يوجد أي ثقة في مصر في عيون لا العالم العربي ولا العالم كله مفيش أي ثقة في مصر لما مصر قعدنا نقول طيب حالة سلام طب نحل سلام ودي نقطة مهمة جدا نحل سلام وراح حافظ اسماعيل الله يرحمه اللي هو مستشار الامن القومي وراح لكيسنجر قال له سلام مين اللي بتدور عليه انتوا مهزومين اتقالت له كده انتوا مهزومين ..انتوا ناس مهزومين مالكوش انكوا تطلبوا حتى يمكن قبلها بسنة لما الرئيس السادات حرك بس شوية وافتح قناة السويس ونخلي فيها عملية عبور عايزين دخل عايزين فلوس الاسرائيليين ضربوا بالمدفعية في القنال وقالوا لا القنال ما يتفتحش الا باذن مننا ..اما كان بيتقال يكفي موشي ديان بيقول جثة هامدة كل الكلام دا اللي كان بيتقال وبعدين مش انا الي بقوله بقى دا موجود في الكتب لان احنا ناس مش يتقرا والكتب الاسرائيلية وتحديدا في الكتب الاسرائيلية فيه محللين عسكريين اسرائيليين تكلموا الحقيقة ولجنة " اجرانات" قالت
عبد اللطيف المناوي: لجنة اجراءات هي التي كانت مكلفة بالتحقيق مع القادة العسكريين بعد الحرب ؟
لواء دكتور/ محمود خلف: اسم قاضي القضاة الاسرائيلي.. فعمل تحقيق لماذا هي الهزيمة ونقارن بعد 6 اكتوبر ما فيه حاجات كتير مفيش سلام مفيش حرب مفيش مصر مالهاش أي قيمةلا في المنتديات المحلية ولا الإقليمية ولا الدولية خلينا بالبلدي مفيش سعر حتى في نظر الأشقاء العرب ، لما تقول لي 6 أكتوبر ، يوم 6 أكتوبرموشي ديان كان بيبكي ودا حقيقة كان بيبكي وجولدا مائير منعته من انه يطلع في الاعلام قال خراب الهيكل الثاني يعني هيكل سليمان وداود اتهد في التاريخ مرتين ودا التالت اما جولدا مائير قالت انقذوا اسرائيل حالة الكآبة اللي كانت في الجيش الاسرائيلي وبعدين الكلام دا انكتب واتنشر والاهرام نشرته عشان تبقى عارف اللي هي مذكرات شيموي جيوناي اللي كان قائد الجبهة قدامنا حالة الاكتئاب اللي جاتله جاتلهم حالات الاكتئاب في الجيش الاسرائيلي وان اصبحت القوات المسلحة لان امكانياتنا كانت محدودة عايزين نعمل تحريك عسكري يسمح بفتح باب السلام فاما نلاقي نفسينا ان اسرائيل انسحبت طب انا عايز حد من الناس المتشككين اللي هما كتير دلوقت يقولك دي كانت تحريك دي كانت ايه دي كانت ايه طيب انا عايز تدوني مثل واحد اللي بيقرا فيهم التوراة وبيقرا العقيدة اليهودية الصهيونية يعرف ان اليهودي ما بينسحبش ما بيسيبش ارض باي حال من الاحوال غير بالقوة لان اسرائيل اصلا لا تتعاطى مع المفردات السياسية ولا في العلاقات الدولية ولا تتعاطى مع القانون الدولي وليس لها ىحادث واحد تحترم القانون الدولي ولا على أي قرارات قدام عنينا كل القرارات 16 قرار صادرين لصالح الفلسطينيين ولا بتبصلهم اسرائيل هي لما تتحدث من غير تتحدث بلغة القوة النهاردة اسرائيل لو ماكنتش مجبرة ان هناك تمنا باهظا كانت هتدفعه بدءا من ثغرة الاختراق 48 ساعة ماتمشيش ماهي موجودة في الجولان اهه موجودة في الجولان بقالها 42 سنة وحتى اللي اتولدوا في الجولان وقتها بقوا ناس كبار وخلفوا وعاملين مدارس هناك وبنسمع مع الاسف الشديد اصوات يقولك محور الممانعة انا عايز افهم الممانعة دي تبقى ازاي انت عندنا سينا موجودة
عبد اللطيف المناوي: اذا معايير مصر لو لم تكن هناك حرب أكتوبر ماكنا في هذا الحال ؟
لواء دكتور/ محمود خلف: لو لم تكن حرب اكتوبر زي ما بيقولوا اتهزمنا كانت اسرائيل لسه موجودة اضعف الاحتمالات ايه اضعف الاحتمالات كان نص سينا ماكانش فيه شرم الشيخ ماكانش فيه الكلام دا يقولك السادات راح ال... لا البديل كان موجود ان راجل عسكري وعارف احنا وصلنا في خط الاشتباك الى منتصف سينا مش دا خط الاشتباك اللي وصلنا له كان لينا في هذا الوقت ان احنا كنا هنستمر في حالة حرب الى ماشاء الله يعني كل يوم كده انما في الصراع الاستراتيجي ما بيقولش كده الصراع الاستراتيجي هو صراع سياسي عسكري طب ماهو صدام درس للشكل العسكري وبوش شكل غرقان في العراق وغرقان في افغانستان انما فكرة ادارة الصراع المسلح لخدمة الصراع السياسي
عبد اللطيف المناوي: جزء من اللعبة وليست كل اللعبة.
لواء دكتور/ محمود خلف: طبعا .. هي مش مباراة وبعدين فيه مقدرات دولة النهاردة نبص لمصر اه صحيح لناى انتقادات عشان نقول روح اكتوبر نطالب بدا دا موضوع تاني انما عشان نفصل ونقول لا الاحوال السياسية من بعد الحرب نشوف نفسينا بنروح سينا الاول مكانش حد يقدر يقرب ..يقرب من قناة السويس والاسماعيلية ..السويس والاسماعيلية وبور سعيد مناطق مهجورة
عبد اللطيف المناوي: لك تعليق اتفضل.
اللواء/ عادل شاهين: اسرائيل كانت تستهدف ان يهتز الاداء العسكري المصري والقيادة السياسية والعسكرية وتأمر بسحب القوات هذا كان مش من رابع المستحيلات لا عاشر المستحيلات ادي اول فشل في استهداف عمل الثغرة والحصار ..
اتنين دعنا ناخذ الموضوع بشكل حساب ختامي هذه معركة بدات وكانت المبادأة فيها للجيش المصري وحقق نجاحا وتمسك بهذا النجاح وحصل اختراق في جزء عسكريا هذا الاختراق كان يعطي للجيش المصري الفرصة الذهبية للقضاء على كم كبير وحجم كبير من القوات المسلحة الاسرائيلية لولا التدخل السياسي في هذه الفترة وحكمة الرئيس الراحل انور السادات
عبد اللطيف المناوي: الوقت بيشارف على الانتهاء ولكن الموضوع اكبر بكتير في ان احنا نخلصه في حلقة ولكن هاسالك روح اكتوبر اللي بنتكلم عنها دي ايه بالنسبة لنا انت تقيمها ازاي.. تقول ايه عنها النهاردة ؟
اللواء/ عادل شاهين: نحن في امس الحاجة الان الى استحضار روح اكتوبر يجب علينا ان نفتش ونبحث ونستلم ونتامل ما حدث في احداث حرب اكتوبر وما ادت اليه من انتصار للجيش المصري دا يعطينا ما هي المقومات اللي يجب ان نتذكر ونستدعي الذاكرة لنضع الفكر ما هي المقومات التي ادت الى هذا النجاح لابد ان نستلم هذا ..واحد.. الاعداد الجيد التخطيط الجيد الثقة الكاملة في القيادة السياسية والقيادة العسكرية ثقة الجندي المصري والضابط المصري في شخصه وفي قدراته التي تتاح لاول مرة له بناء عن تخطيط واعداد سليم اتيح لمصر في هذه الفترة ويجب علينا ان نستلهم كل هذه المقومات ونحاول ان نوظفها في حل مشاكل مصر المعاصرة لا يجب ان نترك العنان لشباب مصر يتغرب ويغرق في البحر تحت مسمى البطالة تحت مسمى انه لا يجد عمل هذه هي القدرة البشرية لمصر التي نوظفها ونحقق بها النجاح ..حققنا بها النجاح في الحرب هل احنا عاجزين عن تحقيق النجاح بها في التنمية انا ادع الحكومة ان توقظ فكرها لتضع هذه المشكلة موضع التنفيذ أستلهما مما جرى في حرب اكتوبر من التوظيف الجيد لهذه الطاقات البشرية
عبد اللطيف المناوي: المقاتل محمود خلف عندما يستحضر الان في الحياة المدنية روح اكتوبر كيف تترجمها انت من خلال تجربتك الشخصية اللي عشتها؟
لواء دكتور/ محمود خلف: الحكومة بتاعتنا مع كل الاحترام والتقدير وهم مجموعة من ابناء مصر المخلصين يعني لا نستطيع ان ننكر هذا ولكن مصر عايزة حلول ابتكارية 100% دا اول حاجة يعني ايه الكلام دا لسه بنتكلم اول سر نجاحنا في روح اكتوبر فيه هدف كبير احنا عارفينه انا هادي مثل يعني كهدف استراتيجي الحكومة لازم تقولنا بيان الحكومة ارقام ماحناش عارفين لها لا راس ولا رجلين عارفين السنة اللي قبليها من اللي بعديها الحكومة بتاعتنا تحط هدف استراتيجي الهدف الاستراتيجي زي اللي حاطه محمد علي مرة تانية يمكن كتير ما يعرفش ان مصر واحنا بنشكو من الزحام قاعدين على 7.5% بس من مساحة 92.5% ارض فاضية نفس المساحة من ايام الفراعنة محشورين طيب ما نقول للحكومة تستعين بمفكرين مصر مش عيب ما هو الوزير مش فاضي يبقى الهدف الاستراتيجي خلال الخمس سنوات القادمة ما هو هنا بقى هنعوز فكر ابتكاري اما تحط هدف ولو صعب وتقول الخمس سنوات القادمة من ان انا مساحتي 1.3000.300 كيلو متر مربع عندي سواحل بالالف عالبحر الاحمر وهنا محشور في القاهرة بكثافة سكانية وبنتكلم نوزع يعني الفكر الروتيني طب نعمل بدل الدويقة لا نعمل..لا.. مش دا الحل ممكن يحل لي المشكلة دلوقت انما النا النهاردة سنة 2015 هابقى 100 مليون ..سنة 2025 هابقى 125 مليون يبقى لازم الهدف الاستراتيجي تقول الحكومة اتنين ونص من مساحة مصر تزيد نبقى 10% ازاي..؟ كلنا نتربط عليها كل الدولة تتربط بكل مافيها برجال اعمال بكل ابنائها كل واحد يبقى له دور
عبد اللطيف المناوي: احنا المصريين قادرين نعمل دا ؟
لواء دكتور/ محمود خلف: احنا عملنا اهه ما انا حكيت لك ان احنا المصريين كويس ان حضرتك بتقولي كده طب ما انا كان العدو العلم الاسرائيلي مرفوع اللي احنا فيه دا لعلمك ما يجيش قطرة من بحر 67 ولكن الرؤى لما تقولي روح اكتوبر مش نشيد ولا اغنية روح اكتوبر تستحضر من جوايا لان احنا ساعتها قلنا ايه جمال عبد الناصر اعترف بالخطأ نسمع الخطأ ايه نسمع الحكومة عندنا مش بتسمع كويس الحاجات والانتقادات هي اللي صح وهي بس اللي تفكر حرام تحمل نفسها ان هي تفكر ..لا .. لازم كلنا نفكر القوات المسلحة من اول القائد العام انور السادات لاصغر عسكري نفكر في حلول ابتكارية لمشاكلنا بس تديني هدف قبلة نتحرك في اتجاهها نتحرك وايه المشكلة طب محمد علي لما قعد وفكر في نظام الري في مصر كنا مليون كان قلقان كنا مليون بس وقت محمد علي بنفكر في فكر ابتكاري ولما جه السد العالي كان فكر ابتكاري للرئيس جمال عبد الناصر ومديرية التحرير اللي قامت عليها النوبارية احنا عندنا فكر ابتكاري ناجح بمناسبة النوبارية فيه افكار مقدرش انكر ولكن احنا عايزين الشعب كله الحكومة مش هتكفي لوحديها ويجب على الحكومة بتاعتنا الا تحتكر العمل الوطني ما تحتكروش
عبد اللطيف المناوي: العمل الوطني هو ملك لكل الشعب والشعب المصري العظيم كمان .
لواء دكتور/ محمود خلف: وكل وزير وكل مسئول في مصر ما احنا عندنا لسه عالم الناس فوجئت بيه العالم مصطفى السيد اللي كرم في البيت الابيض من تلت اربع تيام من العلماء المتقدمين في الولايات المتحدة الامريكية مصر ياسيدي فيها مليون مصطفى السيد ومليون زويل فيها..مش مفيهاش
عبد اللطيف المناوي: والدليل على كده اللي حصل بالفعل في حرب اكتوبر لازم نستحضره بشكل مستمر احنا النهاردة جوه بانوراما حرب اكتوبروانا اعيد لك الفضل في هذه الفكرة الحقيقة اعترافا لك بيها وانا بدعو الحقيقة كل المصريين ان هما ييجوا يشوفوا ولوفي شكل صورة
لواء دكتور/ محمود خلف: دا الناحية التانية مكن خط بارليف يعني احنا كنا الناحية دي وجايين نعدي في المصائب اللي هي موجودة تحت
عبد اللطيف المناوي: دا هنا خط بارليف ؟
لواء دكتور/ محمود خلف: اه..واحنا عبرنا من الناحية التانية يعني نعدي هناك ننزل نلاقي
عبد اللطيف المناوي: دي مش اول مرة تدخل فيها المكان كل مرة تدخل فيه المكان بيبقى احساسك ايه ؟
لواء دكتور/ محمود خلف: دلوقت باسرح بفكري يعني باستحضر لان تقريبا شكل النقط القوية اللي موجودة باسترجع بعض المواقف التي كانت بتتم لان كان فيه هدف ان احنا مطلوب جدا ان احنا نخرج اسرى ما نقتلش الناس دول مطلوب نجيبهم اسرى وحصل لان كان مطلوب في المراحل الاولى بالنسبة للقيادات بتاعتنا عايزة معلومات مهمة جدا عن الروح المعنوية فانا استحضرت اشوف النقط القوية لان هي بالظبط بالظبط تقريبا ال170 كيلو متر كانوا بالشكل دا
عبد اللطيف المناوي: في الحقيقة انا باستغل الفرصة لدعوة المصريين لدعوة الاباء في الواقع ان يقصوا على ابنائهم 35 عام هناك اجيال او جيل كامل لم يعش هذه المرحلة لم يعاصرها لا يعرف عنها بادعو هذا الجيل وبادعو الاباء ان هما يأتوا بأبنائهم لاستعادة هذه الروح مرة تانية
عبد اللطيف المناوي: لك تعليق تفضل؟
لواء دكتور/ محمود خلف: اه..بالنسبة للحاجة التانية اللي بادعو فيها باضم للدعوة بتاعة حضرتك ان ابناء وشباب مصر يروحوا المتحف الحربي في القلعة ليروا تاريخ القوات المسلحة ويشوفوا كل حاجة
عبد اللطيف المناوي: القوات المسلحة المصرية اللي هما ابناء هذا الشعب العظيم كما وصفه اللواء عادل وهو الشعب الذي استطاع بالفعل ان يحقق نصر اكتوبر في هذه اللحظات لا املك الا اني اقدم واتصور اني في هذا اقدم نيابة عن كل المشاهدين التحية الى كل ابطال اكتوبر الى كل شهداء اكتوبر الى ابناء هذا الشعب الذي استطاع بالفعل ان يحقق هذه المعجزة ويستطيع بالفعل ان يمر من كل مشاكله اللواء عادل ..اللواء محمود اشكركم شكرا جزيلا السيدات والسادة شكرا لكم والى لقاء في مرات قادمة باذن الله