الاهمال الطبي يصل عيادات التجميل الشهيرة

تتواصل حالات الاهمال الطبي في الظهور بين آن وآخر إلى حد العمليات التجميلية البسيطة التي لا تستغرق دقائق معدودة، ونشرت رنا الكاشف، وهى إحدى المترددات على مركز خاص للتجميل على صفحتها على مواقع التواصل الاجتماعي تفاصيل ما تعرضت له في أحد المراكز الشهيرة بالزمالك، وتعرض احدى ساقيها لحروق بالغة، نتيجة لإهمال القائمين عن العمل.
وجاء نص ما نشرته: "انا مكنتش هكتب البوست ده بس ناس كتيرة قالتلي اكتبه عشان الناس تاخد بالها.
من يومين كنت بعمل ليزر عند هشام المناوي في الزمالك. مش اول مرة اعمل رجلي فالدكتورة سألتني لو كنت واخدة tan قلتلها انا tanned علطول ف مش عارفة. قالتلي متقلقيش ويا ريتني ما سمعت كلامها. ابتدت تعملي و مع كل pulse انا بتنفض من الوجع و بقولها اني موجوعة تقولي ده عادي لحد ما خلصت رجل كاملة و ابتدت في الرجل التانية قولتلها معلش نقلل الpulse عشان مش قادرة استحمل اكتر من كدة و هي بتخلص الرجل التانية من غير اي وجع لقيت الرجل الاولانية احمرت وورمت و بطلع نار من السخونة. الدكتورة لحد ما ابتدت اصوت literally هي شايفة ان ده عادي.
مشيت روحت معهد الحروق و قالولي ده حرق من الدرجة الاولي.
البوست ده ليه بقي؟
اكبر دليل ان الجهاز كان مظبوط غلط ان اول ما قلللت الpulse في رجلي التانية محصليش حاجة فيها.
العيادة ولا فيها ميبو ولا اي اسعافات اولية.
الدكتورة كلمت دكتورة تانية تسألها تعمل ايه.
محدش من العيادة كلمني يطمن عليا و انا ماشية من عندهم بصوت من الوجع بس كانو شاطرين اوي انهم يكلموني مرتين يستعجلوني عشان كنت متأخرة عن ميعادي 10 دقائق.
كل ده في حتة و رد فعل هشام المناوي في حتة تانية.
كلمته يومها بليل كان في منتهي البرود و ولا اعتذر اعتذار واحد وابتدي يديني نصايح ازاي اعالج رجلي و ان ده طبيعي و انه حرق سطحي جدا و ان الجرح انشاءالله هيخف علي شهر ديسمبر!!!!!!
انا رجلي الحمد لله بقيت احسن بس يا ريت الناس يبقي عندها ضمير و احترام لإسمهم اكتر من كدة".