تامر أمين ل"الأسواني": "عندك بذاءة فى انتقاد الآخرين"

خلال برنامجه "من الآخر"، المذاع على فضائية روتانا مصرية، شن الإعلامي تامر أمين، هجومًا حادًا على الكاتب علاء الأسواني، لمهاجمته للإعلامي محمد الغيطى بطريقة غير لائقة.
وقال "أمين"، أن الأسواني في انتقاده لمحمد الغيطي عنده بذاءة فى المنهج، مش عارف لما أخاطب الأسواني دلوقتي، أخاطبه ازاي، وبعدين هما بييقولو إنه روائي عالمي، عالمي علشان إيه".
وتابع، قائلًا: "بعيدًا عن الألفاظ البذيئة علشان مش هاقدر أشاركك في استخدامها، منهج التفكير في الاختلاف مع الأشخاص، بيكون في الإعلام اللي بيقدمه، وللا في الباروكة بتاعته وكلبسات البروكة بتاعته، علشان تعرفوا بس إن في ناس بتضحك علينا، باسم الديمقراطية والرقي الإنساني".
واستكمل تامر أمين هجومه: "أنا طول عمري مختلف معاك يا أسواني منذ ثورة 25 يناير، بس عمري ماقولت عليك داري كِرشَك، ولا انت أسواني وملكش دعوة بأسوان، لأن الانتقاد بيكون بحجة ودليل، هي دي السياسة المحترمة، والنقد باحترام".