قراقيش بالتمر

المقادير:
1 كيلو دقيق منخول
200جم زبدة
كريمة او قشطة او وش اللبن(انا استخدمت كريمة خفق وكانت حلوة)
ثلاث ارباع كوب حليب دافىء
نص كوب ماء مذاب فيه معلقة خميرة كبيرة
ذرة ملح
سمسم- ينسون-شمر -حبة البركة كلهم مع بعض او نوع واحد منهم.
الطريقة:
انخلى الدقيق فى وعاء عميق
-اعملى حفرة بالوسط ضعى فيها السمسم والشمر وحبة البركة
-سيحى الزبدة على نار هادئة ومتحرقيهاش
ضيفى الزبدة السائحة على الدقيق وقلبى بمعلقة خشبية
-ثم بيدك افركى الدقيق بالزبدة ( تبسى الدقيق مثل الكحك العيد)
-ثم ضيفى نص كوب ماء بالخميرة
واعجنى باليد كويس جدا
-ثم ضيفى الحليب والكريمة واعجنى كويس جدا
لغاية العجينة ماتتلم معكى،ومتكتريش اللبن عشان متطلعش ناشفة اوى
تعجنى لغاية ماتتكون عجينة متماسكة وصلبة
غطيها بكيس نايلون وفوق منه غطاء واتركيها لمدة ساعة تخمر
-بعد ماتخمر قسمى العجين الى كرات حسب الحجم اللى تفضليه
ثم افردى كل كرة على شكل مستطيل وضعى عليها التمر المفروم واقفلى العجين وقطعيه بالسكين الى مستطيلات
وممكن تلفى العجينة على شكل رول ومحشوة بالتمر وقطعيها بالسكين الى رولات صغيرة
وممكن تحشيها على شكل دائرى مثل الكحك
ثم تضعيها فى صوانى الفرن ودخليها فرن ساخن لمدة ثلث ساعة او حسب فرنك
ولو استوت من تحت ومن فوق لسة شغلى الشواية لغاية وشها ما يحمر