محامي كهربا يرد على تصريحات مرتضى منصور

أصدرت لجنة الانضباط بالاتحاد الدولي لكرة القدم قرارا بإيقاف محمود عبدالمنعم الشهير ب "كهربا" لاعب النادي الأهلي لشهرين حتى سداد الغرامة المالية المقررة لنادي الزمالك والمقدرة بنحو مليونين ونصف المليون دولار.
محامي كهربا يرد علي مرتضي منصور
و كتب أشرف عبدالعزيز محامي كهربا عبر صفحته الشخصية بموقع التواصل الإجتماعي فيسبوك ردا على تصريحات مرتضى منصور رئيس نادي الزمالك الأخيرة بشأن بعض القضايا.
وجاءت تصريحات محامي كهربا على النحو التالي:
سمعتك وهرد عليك في نقاط مختصرة وبطريقتك وعايز أقولك:-
1- القضية اللي انت بتكلم عليها انا مش هاقول الاسماء عشان انا محامي أعرف أصول مهنتي (أتعلمنا كده في أولي حقوق) ان ده اسرار موكلين لا يجوز ابدًا اني ارد عليك علي السوشيال ميديا بس انا كسبتها منك وانت اللي كلمتني عشان الصلح انت فاهم طبعًا وبعدين انا ذهبت لبيتك وليس مكتبك بناء علي رغبة رجل كبير في السن خائف ينزل عشان كورونا وموكلي خد حقه كاملًا.
2- بخصوص عبدالله السعيد انت أستلمت فلوس النادي في اتحاد الكرة فلا يعتبر صفقة لان عبدالله لم يقيد في الزمالك ولا انت قيدته واحنا منعرفش هي ( صورة فقط ) وعلي فكرة انت قدمت شكوي وبلاغ ضده وصدر قرار من النيابة العامة بحفظ شكواكم.
ميدو: أوسوريو مدرب كبير وساهم في تطوير معظم لاعبي الزمالك
هل يرحل نيمار عن الزمالك؟
3- بخصوص صفقة القرن ( كهربا ) انت بنفسك بتقول انك اعارته بثلاثة ملايين دولار وخمسمائة ألف دولار في عام واحد والحكم باثنان مليون دولار واربعمائة الف يعني أقل من عام أعارة ولا تنسي انت كنت طالب من المحكمة الرياضية مبلغ تسعة ملايين يورو وبعدين انت محضرتش القضية انت كنت منسق مع المحامي الايطالي زي بالضبط منسق مع المحامي التونسي ولا الكلام ده غلط اه أسف (أنت كنت بتاخذ معلوماتك من اعلامي زي م انت قلت) فبلاش دغدغة مشاعر جماهير الكرة، حرام.
4- وإن عدتم عدنا بمحاضر الجلسات طبعًا انت فاهم معهليش، أه بالمناسبة انا محامي لا يسعي للشهرة لاني مش محتاج الكلام ده خالص وانت عارف كده كويس بلاش - أنا - اه أخر حاجه - كيد النساء اللي انت بتقوله - ده انا معرفوش انا بنفذ كلامي وانتظرني في فيديو في خلال 48 ساعه بس افضي لك عشان مشغول جدًا بمهنتي المحاماه وأكشف لمصر كلها الحقيقة كاملة ومش هخليها ابدًا أهلي وزمالك ؟ لا هخليها رجل لرجل أو محامي أمام محامي مع تحياتي.