أمير: تعالى فحضنى يافريدة ؟ فريدة: قولتلك مليون مرة قبل كده .. بعد كتاب الكتاب أمير: بس انا محتاج حضنك دلوقتى فريدة: وبعدين معاك .؟ انا همشى أمير: لالالا وتسيبينى تانى وتبعدى عنى انا مصدقت لاقيتك ! ومرة واحدة قرب علينا راجل غريب كده وجه كلمني.. الراجل: فيه حاجة يااستاذ معاك؟ ده مش وقتك خالص ،انت مين وبتسال ليه؟ قمت أمير: فيه حاجة ايه (بمسح دموعى ) الراجل: انا معدى لاقيتك تعبان وقاعد عالارض وراكز بركبك كده ومعيط قلت اشوفك لو محتاج مساعده أمير: لا شكرآآآ الراجل: انت كويس يابنى أمير: ايوة .. شكرا ياحج الراجل: انت يتقرا كتاب ؟ هنا أمير: (انا كنت مستغرب الراجل ده بجد .وهو ماله اقرا هنا ولا فين بس مش عارف لاقيتنى برد عليه عادى ) ايوة فيها ايه الراجل: نصيحه يابنى .. لماتحب تقرا حاجة اقراها مش فمكان ضلمه زى هنا وكمان مافيهوش ناس أمير: (انا بلمت ) ............ الراجل: وبالذات الكتاب ده ! ربنا يحفظك يابنى أمير: (مخضوض) هو للدرجة دى الكتاب ده مخيف ؟ وفيه مجموعة كبيرة من الناس تعرفه ؟ بس نسيت المحادثة الغريبة دى بينى وبين الراجل الغريب ، ورجعت اكلم فريدة تانى .. مشى الراجل وهو بيبصلى بردو بصة استغراب.. أمير: شوفتى عشان انتى واقفه بعيد الراجل فاكرنى تعبان وبكلم نفسى.. قربى ليا بقى! فريدة ! فريييييييدة ؟؟! انتى فين ؟ انتى مش كنتى هنا ؟ وفجأة فعلا ملاقتش حد.. لا فريدة ولا غيرها وقفت وتنحت وحسيت ان يمكن من كتر مانا نفسى بجد نرجع واشوفها ونبقى سوا وبقت شاغلة كل تفكيرى انى اقدر اشوفها بس طلعت بهلوس انى شوفتها وكلمتها كمان .. مشيت وقفلت الكتاب ..بس كان نفسى حتى لو بهلوس بيها اشوفها وقت اطول عن كده بس فالوقت ده فريدة فعلا كنت جيت فبالها.. بس كانت زعلانة منى عشان اخر مرة اتخانقنا سوا وقررنا نسيب بعض :( فجت للمكان الى بحبه ، ووقفت ودارت نفسها عن عينى من ورا السور وشافتنى وانا مروح من غير م تحكى معايا ولاكلمة وسابتنى امشى من غير حتى م اشوفها =-=-=-=-=-=-=-=-=-=-=-=-=-=-=-=-=- "ازاى يحصل كل ده مع امير وانا معرش ؟ " شادي: وهو انت كنت فين ياحامد ؟ فجأة انت عزلت من شقتك ومشيت وروحت بلدكم واختفيت كنت هقولك فين ؟ حامد: طيب وهو عامل ايه طيب ؟ شادي: عايز ايه من واحد بيعشق حروف اسم فريدة ..مش فريدة نفسها ! لازم يا يتجنن يا ينتحر من يوم بعدهم عن بعض وهو كده وانا خايف اقربله بصراحه لانى مش مستحمل اشوفه كده (أتأثر شادى اوى بكلامه عن امير ،، بس حامد كان سرحان فكل الاخبار الى عرفها وفالصدمة الى اخدها والى مكانش متوقعها ابدآ ولا متوقع يسمعها فحياته).. حامد: طيب وحازم اخوه فين ؟ شادى: حازم وزفت ! ده عيل معفن والله ولا يستاهل ييبقى اخوه من يوم الى حصل وهو طفشان من البيت مش عارفين ليه طريق جره بس ده العادى من حازم ..دايمآ رئيس جمهوريه نفسه اهم حاجة عنده يضرب سجارتين وحقنتين ويشم سطرين ويهيص مع موزة من بتوع الليالى ويولع اى حد فالدنيا حتى وان كان اخوه انا مش فاهم دول ازاى تؤام ؟ شكل بس يعنى .. ياريت م كان جه الدنيا حازم ولا شوفنا خلقته حامد: (بيلعب فدقنه بصوابعه وهو بيسمع كلام شادى ) حاس انى فحلم شادي: ده مش حلم ..ده كابوس انا مبقتش حتى عارف اركز فالشغل مش قادر حامد: انت بتتكلم وانا شغال جوايا اقول يارب يطلع كذاب..يارب فالاخر يقولى انا بهزر معاك زى م بيعمل شادي: ياريت كان اهون عليا حامد: اصلك انت مش فاهم ،،لما كل ده يحصل لواحد اقرب ليك من اخواتك وانت بعيد ندالة يعنى شادي: فاكر يوم خطوبتهم يا حامد حامد: والله كنت لسه هقولك .. فكرتنى الاغنية الى اشتغلت دى :) وسرحو الاتنين وافتكرو يوم خطوبة أمير وفريدة .. شقه فريدة الصغنونة ، ومليانهة زينة وبلالين وعاملين كوشة نونو بكرسيين الصالون ووراها زينه ومقصقصين ورق كياس الشيبسى ومزينين الصاله ☺ وأمير بيلبس فريدة الدبلة .. أمير: هاتى ايدك كده فريدة :اتفضل أمير: بس.. انا كده مرتاح شادي: ياعم لبسها الدبلة واخلص مش وقت مسك ايادى ده أمير: هههههه طب هى فين الدبلة خالة العروسة : خد ياعريس الدبلة والمحبس اهم أمير: زغرودة يا ماما بقى الام: (بصت بصه كده عليهم وهى متدايقه وزغردت بسدة نفس ) لولولولولوللى أمير لبس فريدة الدبلة وجت هى تلبسه ! وقعت دبلته عالارض !! فريدة: اسفه والله م اقصد أمير: ولا يهمك (نزل يجيبها ) فريدة: وقوع الدبلة عالارض فال وحش صح ؟ أمير: لا خالص ده فال حلو جدآ حامد: طب مافيش شربات .. ساقع .. شيكولاته فالليلة دى حازم: (داخل بعلبه شيكولاته ووز عالمعازيم) ياعم فيه كل حاجة .. شادي: تعرفى تفرقى بين حازم وامير يافريدة ولا ممكن تتلخبطى ههههههههههههه فريدة: لا طبعآ اعرف.. أولًا حازم اطول من أمير بحاجة بسيطة.. وأسمر شوية عن أمير بشرته فاتحه... وااو حامد: اصلا دى علامة مميزة بين الاتنين (بيشاور ع خصله شعر بيضا ف أول شعر حازم وراثه عن باباهم وهو صغير) فريدة: ايوة فعلا هههههههه وهما بيحكو .. اسماء: مالك ياخالتى الام: مافيش يابنتى سلامتك اسماء: انتى مش فرحانة ب امير ولا ايه الام: لا يابنتى فرحانة ، :/ حازم (شغل مهرجان لاوكا واورتيجا ) يلااااااااااااا ااااااااااا شادي: قوم ياامير أمير: بصى بقى الرقصة دى محدش بيقف قدامى فالافراح لما بحب اجامل حد برقصهاله ع اغنية دى.. شوفى بقى هعمل ايه وقام أمير رقص شعبى مع اصحابى وكان احسن يرقص فيهم حتى مع حازم اخوه وفريدة كانت بتسقفلهم ومبسوطة وهى مبسوطة وحدودها كل م تحمر من الكسوف كل م تحلو اكتر وتدى بصة ع مامت امير .. لاقت ها قاعده كده ومش مبسوطة فريدة زعلت وبعدين جت دعاء قومتها ورقصتها مع اختها الاء والبنات جيرانهم ورقصو كلهم سوا ... وكان يوم جميل جدآ مستحيل اى حد حضره ينساه !! =-=-=-=-=-=-=-=-=-=-=-=-=-=-=-=-=-=-=-=- صورة حازم فبرواز ع تربيزة فركنة الصالة ... مسكتها اسماء وهى بتنفض اسماء: (بتكلم نفسها) ياترى انت فين يا حازم بس (اتنهدت تنهيده جامده) الام: خلصتى ترتيب الصالة يااسماء؟ اسماء: ايوة ياخالى ، هنفض بس دولاب التلفزيون الام: ماشى يابنتى كانت شغالة عالتلفزيون اغنيه سبت فراغ كبير.. وانا من جوه اوضته سمعتها وانتبهت! وسرحت فكل كلمة فيها ودموعى بتنزل اسماء: يوووووووه الاغنية الفقر دى ، (مسكت الريموت تقلب ) اهو.. بلا قرف بتنفض الدرج لاقت صورة لفريدة وامير سوا فالخطوبة .. اسماء: ايه ده ! انا قطعت الصورة دى قبل كده الام: فيه ايه يااسماء ؟ اسماء: صورة فريدة وامير انا قطعتها ورمتها فالزبالة قبل كده..انا متأكده ازاى رجعت تانى الدرج هنا الام: يمكن نسخه تانيه ولا حاجة اسماء: بلا قرف، انا هرميها.. احنا ناقصين هو تعبان لوحده خرجت ع كلامهم ان الحيوان اسماء بتقطع صور فريدة كلها الى هنا وماما موافقلها ومش مهم شعورى انا أمير: انتى يابت ! هاتى الصورة اسماء: صورة ايه ؟ أمير: هاتى صورة بقولك اسماء: قطعتها ورمتها .. أمير ايه !! (مسكتها من شعرها وخبطتها فالحيطة خبطة ورا خبطة وانا مش حاسس بنفسى) تانى مرة مالكيش دعوة بحاجتي.. انتى سامعه اسماء: اااااااه ااااااااااه الحقينى يا خالتى هيموتنى (جريت من ايدى ووقفت ورا امى ) الام: ايه فيه ايه .. رمت صورة وخلاص تموت بنت خالتك عشان صورة أميرة: دى صورة فريدة ! الام: الله يقطع اليوم الى شوفنا فيه فريدة ياشيخ !! واهى غارت فريدة من حياتنا خالص أمير: (وفجأة صوتى اتحول عليها من غير م اقصد ) ماماااااااااااا الى هيتكلم عنها كده تانى هزعلو! صدقونى هزلعو اى ان كان مين دخلت اوضتى وانا متدايق وكنت خايف افقد اعصابى ع ماما .. والى اصلا انا متوقع رد فعلها من يوم م نويت اخطبها وهى رافضة عشان اسباب تافهه ابوك قرا فاتحتك انت واسراء بنت خالتك من وانت صغير لازم تنفذ وصيه ابوك انت اسراء واخوك حازم اسماء وكأنه كلام انزل من السما مينفعش احنا نختار ولازم تطلع ففريدة كل القطط الفطسانة .. دى بت شقيانة فحياتها يابنى يعنى جعانه ومشبعتش ويوم م تشبع هتتعبك وهتسيبك ابوها فين ؟ سابها ليه ؟ كفايه بقى .. سيبونى فحالى انا بحبها والله العظيم بحبها .. وهنرجع لبعض انا متأكد.. =-=-=-=-=-=-=-=-=-=-=-=-=-=-=-=- شادي: يااااااااااه كان يوم حامد: بقينا نقول كان يوم يا شادي.. شادي: محدش بياخد اكتر من نصيبه ياحامد،وده نصيبه ونصيبها كده حامد: طب وهنسيبه كده ؟ شادي: لاطبعآ مش هنسيبه..تفتكر نروحلة حامد: (افتكر حاجة) ايه ده !! هو كتاب شمس المعارف لسه معاه من ساعة م خده منى صح ؟ شادي: ايوة الكتاب الزفت حامد: تبقى مصيبة لو ... شادي: لو ايه ؟ حامد: قوم يلا بينا وانا هتصرف =-=-=-=-=-=-=-=-=-=-=-=-=-=-=-=-=- ماما امير بتعمل كمادات لوش اسماء الى انعدم من الضرب ..والباب خبط الام: قومى افتحى ياسماء اسماء: ايوة .. (فتحت ) اهلا يا دكتور ايمن اتفضل أيمن: السلام عليكم .. امير هنا صح اسماء: (بخنقه) ايوة جوه أيمن: انتى ايه الى عمل فوشك كده ؟ امير ضربك مش كده ؟ اسماء: اه هو... الام: (قطعت كلام اسماء ) كانت بترتب اوضته زعق فيها وضربها ايمن: بس ده ضرب مؤذى جدآ،، امير كده بقى خطر عليكو هنا اسماء: ارجوك يا دكتور حاول تساعده يرجع كويس.. ارجوك ! أيمن: حاضر خبط دكتور ايمن عالباب.. أيمن: امير .. انا عارف انك جوه انا سمعته وانتبهت لكلامه ..ومردتش ارد عليه أيمن: امير انا عايز اقولك حاجة ...مش كل حاجة بنحلم بيها بنحققها انا عارف ان السبب فاكتئابك ..هى بنت ! اسماء والام بصو لبعض .. أيمن: بس يعنى مش مجرد علاقة وفشلت ممكن تبدل بنى ادم من حالة كويسة جدآ لحالة سيئة جدآ كلنا لينا علاقات.. فيه الى بتفشل.. وفيه الى بتكمل انا كنت بسمع كلامه وبستهزء ان حتى الدكتور الى المفروض بيفهم فنفسيه الناس .. مش فاهمنى ! :/ أيمن: تعرف .. انا كمان كنت بحب زيك فيوم من الايام حبنا بعض 4 سنين حب كل الجامعه كانت بتحكى عنه وبعدها افترقنا لسبب تافه جدآ.. انا تعبت جدآ واكتئبت زيك بالظبط بس وقفت ع رجلى وحاولت اكمل حياتى من غيرها زى ماهى مكملة حياتها.. استفزنى كلامه لانه فاكر ان العلاقه التافهه بتاعته دى هتكون صعب فراقها زى علاقتى انا بفريدة! قمت وفتحت الباب .. ووقفت فوشه أمير: وتفتكر البنت الى انا تعبان بسببها مكملها حياتها عادى .. زى حبيبتك دى أيمن: احم.. اعتقد كده !اكيد حياتها مش هتوقف عشان علاقة حب فشلت أمير: تبقى انت دكتور حمار!!! أيمن: افندم ! (مستغرب) أمير: حمااااااااااااا اااااااااااااار الام: امير عيب كده الراجل فبيتنا م تحترم نفسك شوية أيمن: انت شايف كده ياامير أمير: انا شايف انك فشلت فجلستك التانية قبل م تبتدى اتفضل بقى ومن غير م اطردك تانى لان شكلك بقى وحش ومش عايز المح وجودك هنا تانى.. اظن مفهوم! الدكتور ايمن عرق واتكسف ومش عارف ليه حسيت بعجزه قدامى ع عكس انتصاره عليا فالمرة الاولى مشى من غير ولا كلمه وانا قفلت الباب قعدت ع سريرى ومسكت فونى .. وشفت بعينى وأتأكدت من الميسد بتاعها امبارح! ورجعت يعنى انا مكنتش بحلم.. قررت انى اتصل اسمع صوتها ولو ثوان.. اتصلت .. ورنة الجرس وانتظارى كان اطول من 100 سنة بس فضلت مستنى عالناحية التانيه .. ماما فريدة: الاء .. هاتيلى ابرة التريكو من جوه جمب سريرى الاء: (ماسكة الفون بتاع اختها ) حاضر ياماما دخلت جابت الابرة .. الام: هاتى ..(لاحظت الفون فايد الاء ) ايه ده ! انا مش قولتلك قبل كده مالكيش دعوة بتلفون اختك ! الاء: انا بلعب الالعاب ^_^ رن الفون ! الام: هاتى يابت .. وروحى العبى واخر مرة تمسكيه فاهمة ولالا الاء: بس فريدة كانت بتديهولى لما بعوزه ..وهى دلوقتى سابته ورامته هاتيه العب بقى والنبى والنبى ياماما الام: قولتلك امشى .. (فتحت وردت ) الو .. الو... أمير: سمعت الصوت ! قلبى اتهز هزة .. لما صدق خلاص الى كان ... هقولكم بكرة.. يتبع...
