حامد: انا هديهولك بس خد بالك.. إللى بيقراه بيبقى عارف انه ماسك بين ايديه مفتاح جهنم !! كلمة مفتاح جهنم كانت هى السبب الاقوى انى استعير الكتاب انا اصلى عمرى م خوفت من حاجة وحسيت ساعتها ان زى انى اعرف حجات كتير عن عالم بتاعى ، فيها ايه لو افتح مجال لنفسى اعرف بيه حجات عن العالم الاخر حامد: بس خلى بالك فيه ايات قرآنية معينه لازم تقراها قبل م تبدء قراية فالكتاب ده أمير: ليه ؟ حامد: عشان الكتاب ليه حراس، عشان تبقى فحالك وهما فحالهم وتقراها عادى وميحصلكش حاجة ولا اذيه منهم شادى: ياعم بلاش منه ام الكتاب ده ؟! انا مش عارف هتستفيد ايه بس من قرايته أمير: ياعم بلاش كلام هجص يا حامد، يأذونى ايه مافيش حاجة بتحصل للبنى آدم غير لما ربنا يكون كاتبها غير كده بيبقى كلام مش منطقى حامد: انا قولتلك ..ولما هديهولك هديك الايات دى عشان تقراها وابقى كده عملت الى عليا معاك شادي: عارف لو قريته ياض ياامير ، والله م هعرفك تانى أمير: ليه بس ياشادى ، بيت فصلانك ياشيخ شادي: عشان بيقولك جن وسحر وقرف واحنا مالنا بالدنيا دى ياعم ، احنا ماشينن بستر ربنا حامد: مانا قريت فيه جزء كبير اهو ومافيش حاجة حصلتلى شادى: بصو انتو الكلام معاكو مش هيجيب نتيجه ..واحد عامل فيها نجيب محفوظ فالادب وعايز يقراه عشان محدش يساله فالتلفزيون ويبان حمار وواحد ماسكه واراهن بشرفى ماهو فاهم اى حاجة فدنيا ربنا وعامل نفسه احمد زويل وهيجيب التايهه.. انا ماشى (بيطلع حسابه وحطه عالتربيزة ) =-=-=-=-=-=-=-=-=-=-=-=-=-=-=-=-=- صنية فطار وعليها توست ومربى وجبنه بيضا وفنجان قهوة شايلاهم هالة وداخلة لدكتور ايمن جوزها ... هالة: ازاى حالة مش عارف تفهمها ياايمن ؟ اومال مين الى هيفهم فيها ايمن: مش عارف، شاب غريب اوى بصته غريبة.. انا عارف انه فحالة اكتئاب ودرجه قاسية كمان ممكن يكون وصل لاقصى مراحل الاكتئاب بس الى محيرنى مش عشان هو مش عايز يتعاون معايا هالة : اومال ؟ ايمن: المشكلة دى انا اتعرضتلها مع معظم المرضى الى بعالجهم ، بيرفضو فالاول التعاون معايا وبيرفضونى بشده وبيستجيبو بصعوبة وببقى عارف انى هنجح وياهم بس امير ده غريب بجد .. فيه حلقه مفقودة فحياتة لا اهلة وصلوهالى ولا هو عايز يتكلم معايا هالة: طيب ايه تحليلك للحلقة المفقودة دى ؟ أيمن: بصى ياستى .. بنت خالته ووالدته هما الى استدعونى لحالته حكولى كل حاجة عنه ولد محترم .. وكويس ومحبوب جدآ بيحاول يثبت نفسه باى شكل اشتغل فحجات كتير والخ فهمانى هالة: وبعدين أيمن: بس معرفونيش ان ممكن تكون حالة الاكتئاب الفظيعه الى عنده دى بسبب بنت !! هالة: (بتفكر وسرحانه ) يمكن ميعرفوش بعلاقته بيها أيمن: ماهو بالعقل ،، ازاى الناس الى عايش معاهم وهو واخوه التؤام بس الى مع امه فالبيت يعنى كل حياتها هما ومتعرفش ابنها اذا كان مرتبط ولالا ده حتى ع اقل افتراض هيبان عليه هيفتح حوار مع والدته هيقول لاخوه الوحيد هالة: وممكن متكونش البنت دى هى السبب ي ايا ايمن أيمن: انا متأكد من تحليلى لاول جلسة ليه معايا ان السبب بنت.. وفيه حاجة كمان عن الولد ده مهمة جدآ بردو اهلة متكلموش عنها هالة : ايه كمان أيمن: الولد ده بيكتب قصص !! هالة: قصص !! يبقى لسع زى كتير من الفنانين الى فالمجال ده هههه أيمن: انا بتكلم جد ياهالة ، ازاى يكون عنده موهبة زى دى ومميزة كمان مش بتبقى عند كتير من الناس وأهله مش مهتمين حتى يجيبو سيرتها وهما بيعرفونى على حالته اللغز كبر اوى وبجد محتاج لكذا مرجع ارجعله هالة: مش يمكن يكونو اهله السبب فتعبه النفسى مش البنت الى بيحبها ولا حاجة أيمن: قصدك مهتموش بموهبته ؟! لالالالالالالال ا امير دماغه اكبر من كده يدوب كام كلمة فجملة قالهم ليا ومقالش غيرهم عرفتنى ان الولد ده بجد تفكيره اكبر من سنه والى هده بالشكل ده حاجة قويه جدآآ هالة: والله انا بتمنى توصل لحل اللغز ده لانك بجد خلتنى انا كمان افكر فيه زيك وعايزة اعرف اخره بصراحه أيمن: (بص بصه لبعيد وهو سرحان واتكلم بثقه ) ان شاء الله هوصل =-=-=-=-=-=-=-=-==-=-=-=-=-=-=-=-=-=- "انت يابنى خف سرحان وخليك فشغلك" شادى: ها ! زميله فالمطعم:ها ؟! ايه ياض ياامير انت مش هنا اخلص واعمل الاوردرات دى عشان المدير ع آخره منك شادى: (بيحضر فالاكل وبيمسح دموعه) حاضر حاضر زميلته جرسونه: خلصت ياشادى ؟ شادى: قدامى دقايق.. زميلته: فيه حاجة شادى: ياجماعه محدش له دعوة.. مش ليكم اوردر يجهز وخلاص ! زميلته: طيب طيب مشيت البنوتة زميلته تشوف الزباين الى دخلت المطعم تكتب طلباتهم، وسابت شادى غرقاااان فسرحانة ,,وتقطيع البصل والبصة الى جت بعينه ع المكتبه الى قصادهم ... الى بتشتغل فيها فريدة وافتكر حاجة مش ممكن ينساها أمير: حبيبى يا شادوو انتى صاحبى اكتر من حامد تصدق دى هههههه شادى: ياعم عدو الجمايل، اهم حاجة هى تيجى فالشيفت بتاع بليل زى م قولتلك لان فيه بنات بالنهار فترة المدارس والدورس فريدة: ربنا يخليك ياشادى انا مش عارفه اشكرك ازاى انا بجد كنت فقدت امل انى الاقى شغل أمير: يا بنتى انا قولتلك هلاقيلك ومتشليش هم، طول مانتى مع امير متشليش هم صح ولالا (مسك ايدها وقعدو ع سور الكورنيش ) فريدة: (بصتله وغمزت ان شادى واقف ) شادى: طب انا اطير يا معلمين بقى .. عشان ورايا مشوار من بكرة يافريدة تستلمى فريدة: حاضر مشى شادى وسابهم لوحدهم .. وفجأة صباعه انجرح وهو سرحان ! شادى: اه ! زميلته: انت لسه مخلصتش ؟ يلا الاوردر اتأخر والمدير هيزعق.. خير خير اغسل ايدك وكمل =-=-=-=-=-=-=-=-=-=-=-=-=-=-=-=-=-=- اليوم قرب يشطب.. وفريدة بتفتح عنيها عالضلمة الى دخلت الشقه الى مش فيها ولا ضوء صغير للنور هى متعرفش ليه بقت تنام طول النهار كده وتصحى بليل ، وتنسى ان فيه وراها شغل اينعم هى الشيفت بتاع بليل فالمكتبه الى جبلها امير شغل فيها بس بطلت تصحى بالنهار تعمل شغل البيت بدل مامتها زى ماهى متعودة .. اينعم مامتها مش قاعده بس عالاقل تنضف البيت لنفسها وتجهز حاجة ليها فريدة وحشتها مامتها اوى .. بس هى لسه زعلانة منها عشان مقالتش ليها ع حوار ان شقتهم مسكونه او هى شكه انها تكون مسكونة .. لانها خرجت بعد فتح الباب بدقايق وقفله واتشجعت ملاقتش حاجة خالص ! دورت فكل حتة فالشقه ملاقتش حد .. نفضت لكل ده وطنشت المهم وزى م اتعودت فريدة .. نزلت عشان تروح شغلها! وكانت بتدور ع مفتاح المخزن بتاع المكتبه الى هى ماسكاه .. ملاقتهوش !! فريدة : (فسرها) اوبس ، انا نسيت المفتاح!تانى ..كده اكيد هترفد .. ازاى ده .. اما انا عبيطة بشكل طب هعمل ايه دلوقت انا هنزل واعتذر انه مش معايا ولما اخلص شيفت ابقى اقولهم انى هدور عليه بقى وخلاص وانا كانت دماغى فين ياربى نزلت وراحت الشغل الى يدوب يبعد عن شارع الى هى ساكنه فيه بكام شارع بس وده من حسن الحظ لكن بتبص عالمكتبه لاقيتهم فاتحين الموظفين الى فيها وشغالين ! وفيه بنت جديدة غير البنت زميلتها الى بتبقى موجودة وقت الشيفت بتاعها فريدة: ايه ده ؟! هما رفدونى ولا ايه ؟ وجابو بنات جديدة كمان..مانا غلطانة صاحية متأخر ونسيت المفاتيح ايه العبط ده اتخنقت اوى.. مع ان هى كل يوم بتحط المفاتيح فدرج التسريحه بتاعتها.. بس ملاقتهمش اتخنقت اووووى، وخدت بعضها وطلعت ع صاحبتها " دعاء" |\/| دعاء !! |\/| صاحبة فريدة ..بس مش انتيم اوى هما كانو سوا فالدراسه ، بس الى حد ما بينهم شوية مشاحنات.. بس بيغطيهم فالنهاية رداء الصداقه دعاء طول عمرها بتغير من فريدة عشان فريدة احلى منها بكتيييييير .. وفريدة بتغير من دعاء.. عشان الحظ ادى لها العيلة .. والوسط الاجتماعى الى احسن منها وفنفس الوقت بتشتغل دعاء وظيفه ..طول عمرها فريدة بتحلم بيها وكان نفسها يكون عندها نص فرصة دعاءفالحظ راحت لها تزورها وتشوفها عاملة ايه ... لكن وهى لسه هتخبط ع الباب! كانت دعاء فتحت الاب قبل م تخبط فريده وكانت طالعه من جوه ، وشها حزين وباصه فالارض ومخنوقه كده وشكلها معيط او عيونها ماشوفش النوم فريدة: دعاء!! ازيك ..انا لسه كنت هعدى عليكى اقعد معاكى شوية دعاء: (باصه فالارض وباب شقتهم مفتوح بس هى مستنيه الاسانسير) انا مخنوقه ولا عايزة اكلم حد ولا اشوف حد ..ممكن فريدة: ايه ده !! طب وهو انا قولتلك ادينى حسنة .. انا جاية اقعد معاكى شوية مش اكتر دايمآ اسلوبك وحش معايا كده سلام مشيت فريدة وهى متدايقه .. ودعاء مردتش عليها حتى جملتها الاخيرة . =-=-=-=-=-=-=-=-=-=-=-=-=-=-=-=- الام: ممكن اسالك بس يابنى انت رايح فين ؟ أمير: نازل (بيلبس اى حاجة ) الام: طيب مش لما تبقى كويس ، أمير: وانا مال دلوقتى يعنى ياماما الام: يا بنى مافيش بس انت مش بتاكل ولا بتشرب .. لاتقع من طولك برة يابنى مش كفايه اخوك الى انا معرفش هو فين ولا بيعمل ايه ولا حصلله ايه اسماء: (دخلت ع كلامنا ) سيبيه يا خالتى .. الخروج ليه احسن أمير: اهى قالتلك العبقريه الام: يا بنى هتموتونى والله قريب، اعملو الى انتو عايزينو انا تعبت ماما خرجت وبعدها اسماء .. الى قاعده فبيتنا بس عشان بتاخد بالها من ماما والى انا مش فاهم هى مش بتروح بيتها ليه بس انا مش شاغل بالى وجود اسماء من عدمه انا بس قلت اخد الكتاب .. واقراه بره البيت لانى فاكر ان حامد حذرنى مقرهوش فالبيت عشان حراسه متأذيش اقرب ناس ليا المهم اخدته ،ونزلت ورحت مكان انا بجد بحبه اووووووى .. واول بس م قعدت فيه افتكرت حاجة من الحجات الى عمرها ماسبات بالى والى تقريبآ اتحفرت جوايا ..كل ذكرى بتجمعنى بفريده فريدة : انت ازاى تمسك ايدى قدام شادى ، قولتلك متعملش كده قدام صحابك (شالت ايدها ) أمير: بحبك يافريدة .. ومش بعرف اتحكم فنفسى لما بشوفك شادى غير شادى واقف مش مهم وبعدين انا ماليش فيكى ولا ايه ؟ فريدة: طبعآ بس .. مش دلوقتى (بصت بكسوف بعيد ) أمير: اومال امتى ؟(كنت مميل عليها لانى بحب اشوف عيونها وهما مكسوفين ) فريدة: لما نتخطب أمير: ده انتى حتى مسمعتنيش ولا كلمة حلوة لحد دلوقتى .. يرضيكى ده ؟ فريدة: انا معرفش امتى كل ده حصل ياامير بس .. فجأة شوفتك فالمستشفى وشوفتك تانى فنفس اليوم فالانترفيو وبعدها بكتير اتقابلنا صدفة وانا راجعه من عند خالتى وبعدين ... أمير:من يوم ماشوفتك وانا جريت ع حامد صاحبى وقولتله انا انهاردة قابلت البنت الى هتجوزها ! فريدة: ييييييياه كده مرة واحدة أمير: اومال ع مرتين .. معرفش ليه كنت حاسس ان ربنا هيجمعنى بيكى فيوم من الايام واننا هنبقى سوا وانك هتحبينى زى م اول يوم شوفتك فيه وحبيتك فريدة: فاكر لما نزلنا من الميكروباص وانا كنت رايحه اشرب عصير خروب من وانت عملت نفسك عايز تشرب قال من العصارة الوقت ده أمير: انا بتلكك عشان بس اقضى اطول وقت شايفك قدامى واشبع من ملامحك فذاكرتى فريدة: يومها شربت ومشيت بسرعه من كسوفى .. انت كنت بتشرب وبتبص عليا وكل الناس اخدت بالها أمير: مش بس كده انتى بعد م مشيتى ... فريدة: متكملش ..! شربت باقى كوبايتى ! أمير: عرفتى ازاى؟ فريدة: بصيت ورايا وانا ماشية .. (ودت دماغها بعيد بخجل ) وشوفتك أمير: طب لما انتى عارفه انى بحبك.. امتى هتقوليها بقى ؟! عشان خاطرى فريدة: (قامت من عالسور ونفضت جيبتها من التراب ) لالالالا لما نتخطب ورجعت من عندها مبسوط ومبتسم ومش ناسى ولا كلمة قالتهالى ولا بتقولهالى ، زى مانا فاكر كل كلمة دلوقتى ولاقتنى مبسوط وبقول أمير: بحبك يافريدة ! فتحت كتاب شمس المعارف .. وحسيت وانا بتصفح اول كام صفحة منه انى مقرتهوش قبل كده ! ايوة فعلا دى اول مرة افتحه انا مصيبتى فالدنيا دى ذاكرتى القوية .. لا مفتحتهوش قبل كده قعدت اقرا ..طلاسم وحجات غريبة كده ازاى تسخر جن ازاى تسخر جن تحت امرك وايه الطلاسم الى خاصى بكده وازاى تقدر تشوف قرينك ؟ وازاى يبقى ليك قدارت غريبة ..وايه الكلام والطلاسم والحجات والرسومات الخاصة بكده الكتاب اخدنى فدنيا تانا خالص .. بيضرب امثلة بناس وحجات حصلت زى كده كل م احس انى ممكن امل ياخدنى فدوامته الى مخليانى مش عايز اقفله نهائى .. يبقى عشان كده حامد مكانش قادر يفارقه بس اخدت بالى من باب عجبتنى تفاصيله ،،مكتوب فيه وازاى تقدر تشوف روح وغيرك ميشوفهاش ؟! قريت فيه ؟؟ ومن غير م اقصد رددت الكلمات الى فيه ورا بعض كانت جوايا قوة غريبة كده انى مبطلش وانى افضل اقرا فيه كنت حاسس ان فيه قوة اكبر منى بتخلينى اعمل كده .. كنت بقرا بردو ومبطلتش ومش بعينى بس بلسانى وفوقت ع رنة فونى .. ايه ده ! دى فريدة فريدة بتتصل بيا ؟؟! دلوقت =-=-=-=-=-=-=-=-=-=-=-=-=-=-=-=-=-=-=-=- فضلت ماشيه فريدة طول الطريق وهى زعلانة دعاء قابلتها وحش اوى ومتعرفش ليه ، مع انهم مش متخانقين ومراحتش الشغل وخايفة تروح يقولو انهم مشوها بسبب تأخيرها الشغل الى اخيرآ ارتاحت فيه بعد م امير جابهولها لاقت نفسها ماشيه بلا هدف وفجأة جه فبالها شخص واحد !! =-=-=-=-=-=-=-=- يعنى ايه فونى رن باسمها .. احنا مش خلاص سيبنا بعض ؟ وانا ازاى مردتش واتخشبت مكانى كده وازاى كل قوة فيا اتهدت لمجرد انى شوفت اسمها وسمعت النغمة الى كنت مخصصها ليها ؟ ومرة واحدة .. صوت حنين كان بينادينى .. صوت عمرى م هنساه بتلفت ورايا لاقتها فريدة ! عيونى دمعو واتخشبت معرفتش اتحرك فريدة: مستغرب عشان كنا متخانقين سوا آخر مرة ودلوقتى انا الى جيت وصالحتك أمير : (اول مرة اشوفها من غير طرحه! اول مرة تخرج من غيرها كده وشها هادى واجمل بكتير من زمان ) أأ..أنتى هن ..هنا فعلا ؟؟! فريدة: ايوة .. وحشتنى يا امير اوى أمير: (عيونى غرقو وشى دموع من غير م احس لما شوفتها قصادى) انتى موحشتنيش يافريدة عشان انتى قدامى معايا وجوايا طول الوقت فريدة: أمير: تعالى فحضنى يافريدة ؟ فريدة: قولتلك مليون مرة قبل كده .. بعد كتاب الكتاب أمير: بس انا محتاج حضنك دلوقتى فريدة: وبعدين معاك .؟ انا همشى أمير: لالالا وتسيبينى تانى وتبعدى عنى انا مصدقت لاقيتك ! ومرة واحدة قرب علينا راجل غريب كده وجه كلمنى .. الراجل: فيه حاجة يااستاذ معاك ؟ رديت عليه رغم ان مش وقته خالص وقلت :.... استنوا الحلقة الرابعة بكرا.. يتبع...
