"أبو حفيظة": أوكا وأورتيجا سواقين ميكروباصات

سخر الإعلامى أكرم حسنى أبو حفيظة من سائقين الميكروباصات قائلا: سواق الميكروباص هو كائن يجلس في الأمام على الشمال،حيث توجد صورته على البحر جنبها صورته مع أولادة كل دة على قطعة حقيرة من الفرو .
وأضاف خلال برنامج أسعد الله مساءكم من جديد على قناة mbcمصر قائلا: سواق الميكروباص يعيش مع أقرانه فى مكان إسمه الموقف، فلسفته فى الحياة مش بالكلام ولكن بيكتبها على الميكروباص، زى مثلا هجيبك أوى قبل ماتركب،والدليل أنك لما تشاور له بيقف له فى أى مكان، لإن إنت ببسطاه تمثله جنية وأول ما ياخد منك اللى عايزة تبدأ معاملته معاك تتغير ياعنى تقوله وطى الكاسيت يروح يعلى، تقوله إركن على جنب يروح يمشى ويقولك ماخدتش بالى .
وتابع قائلا: إنهاردة هقولكوا دليل أبو حفيظة بشأن كيف تتعامل مع سائق الميكروباص،لما تكون بتتفرج مع أبوك على ماتش كرة قدم ويقولك أعد فى الكنبه اللى وراه ،خلاص أفهم إن أبوك ده سواق ميكروباص، ومثال تانى الطفل الرخم اللى بيركب السلم الكهربائى بالعكس هيطلع سواق ميكروباص لما يكبر، اللى بيكتب على كارت سبوع بنته ده أصلا سواق ميكروباص، إنتوا فاكرين لما جاك كان بيعلم روز فى فيلم تايتنك إزاى تلف دة كان بيأهلها إزاى تبقى سواقة ميكروباص ،وطبعا أوكا وأورتيجا سواقين ميكروباصات .