فتيات "هنتحرش بالرجالة" يشعلن "فيس بوك وتويتر"

أثار هاشتاج "هنتحرش بالرجالة"، الجدل بين مستخدمي مواقع التواصل الاجتماعي بعد انتشار بشكل كبير في حملة للرد علي التحرش بالفتيات بالشوارع وأنالت التعليقات عليه ما بين مؤيد ومؤيدة وأخر يسخر منه، وجاءت بعض التعليقات من الفتيات علي الهاشتاج:
هاشتاج "هنتحرش بالرجالة" حضرتك عارف ده معناه ايه ؟؟!!
.
- يعنى هتكون لابس تى شيرت موف وهتلاقى بنت بتقولك اموف انا واعيد السنه
.
- هتكون لابس نفس التى شيرت و بنت تانيه تقولك " الموف علينا حق فى كل ساعه وكل وقت
.
-يعنى تكون ماشى وواحده تقوولك .. يا ارض احفظى " جدووول الضرب "
.
-يعنى هتكون ماشى انت و اتنين صحابك .. وتلاقى بنت جايه ف وشكوا تقولك .. ورد وفُله واللى فى النص قله
.
-يعنى واحدة تقولك .. يا طويل انت يا فرع يا ابيض .. ياللى تنفع ف اليوم الاسود
.
-يعنى واحده تقولك .. ماما بتأكلك ايه يا خواتى .. لانشون من الغالى
.
-يعنى واحده تشوفك بكرش .. تقولك .. خس الاول وانا اعاكسك
.
- يعنى واحدة تشوفك بنظاره النظر تقولك .. دكتور يا اخووواتى .. انا عندى برد وتعطس
اتسسسسسسى ف وشك
.
-يعنى تكون ماشى مع صاحبك و بتسمعوا حاجة والهاند فرى تسمعوه بيها انتوا الاتنين وواحده تقولك .. ينفع نسمع بيها احنا ال 3
.
-يعنى هتروح جيم تضرب حقن تنفخ عضلاتك وتلاقى البنت تقولك,حقيقى ده ولا سليكون
.
-هتكون بتعمل انترفيو والمديره تقولك اوصل لاخر المكتب هات الفايل اللى على الارض هناك ده وانت راجع لها بالفايل تقولك .. مبروك انت بايت معانا او هنكلمك قريب .
.
-هتكون نازل مشوار وتلاقى واحده تقولك " ما تيجى ياض ونجيب مراد " .
.
-هتكون راجع من نفس المشوار وواحدة تقولك " ماتيجى يالا و نجيب حلا " .
.
-هتكون نازل ببدى و جينز .. وماما تقولك ما تتأخرش و ياريت تلبس واسع
.
- هيجى عليك وقت ماتنزلش الا و اختك معاك فيه
.
-يعنى واحده هتتصل بيك تقولك اكلم احمد لو سمحت .. تقولها لا النمره غلط والله .. تقولك غلط طب مانصلحه
.
-يعنى السيسى هيقلب البلد .. جناين ورد .. ويجى يزورك بعد الحادثه
يعنى تحترموا نفسكوا بدل ما نخربها عليكوا