السلام عليكم .. أنا نفسى أسمع رأيكوا فعلا فى الموضوع ده , والموضوع ده موجه لزوجات الرجال الشيوخ أو المتدينين فقط , بجد عايزة أعرف خبرتكوا في الموضوع ده . زوجك لما بيغض بصره وخصوصا فى الأيام الغبره اللى إحنا فيها دى طبعا بيغض بصره علشان ربنا .. لكن .. هل هوة نفسه يبص وبيتقى الله وبيجاهد نفسه فبيغض بصره ؟ ولا قرفان فعلا من منظر واحده مبتذله فشايف إنه منظر سيئ أصلا و المفروض هوه أكبر من إنه يبصله ؟ ولا ممكن يبص لها عادى بس يجاهد نفسه علشان مظهره الملتزم فلازم يكون واجهه حسنه ؟ يا ترى أزواجنا بجد مين فى دول ؟ ! أقولك بقى أنا ليه بسأل الأسئله دى .. جاتلى فكرة مجنونه تفتكرى لو هما واحد من الاتنين .. - بيكرهوا المظهر ده بيبقى هما زهدوا اللبس والشياكه والدلع فبالتالى مش مطلوب منك أصلا إنك تعملى مجهود علشان تعجبيه أو هما بيغضوا بصرهم بيبقوا عارفين إنهم لما حيروحوا بيوتهم حيلاقوا اللى يعوضهم وطبعا بيتصدموا فينا هههههه .. أنا حقولكوا رأيي بس عايزه أعرف رأيكوا الأول بس حاخد منكوا وعد إننا نساعد بعض إننا نحافظ على أزواجنا االلى الحمد لله بيتقوا الله فى نفسهم وفينا . ن