اتجاهات

الجمعة -7/10/2011
محمد موافى:سلام من الله عليكم ورحمة منه وبركاتة خلينا يعنى النهارده المفروض هنتكلم اوانشاءالله هنتكلم عن مبادرة جميلة مبادرة رائعة شعارها يد تبنى ويد تحمل السلاح ده شعارالقوات المسلحة طبعا المبادرة يد تبنى ويد تحارب الفساد ده احنا المفترض هنتكلم عن العمل فى بلد العمل فية متوقف واللى بيقول غير كده يبقى بيهرج العمل فيه متوقف منذ شهورانا جاى من شارع القصرالعينى يعنى قطعت شارع القصرالعينى فى ساعتين ساعتين كاملين قلقانين لحد دلوقتى على الحلقة وضيوف البرنامج البلد مش هنقول فى ايه الدنيا كلها واقفة الشوارع كلها واقفة توصل لحد السبب يا اما ما تلاقيش سبب منطقى يعرفك تانى الدنيا واقفة ليه والا مجرد مظاهرة 10 -20 - 30 - 40 واحد واقفين لهم مطالب مش فئوية فى تصريحات جديدة من فئوية يعنى حاجة صغيرة قوى قوى واقفين وقطعين الشارع دلوقتى يمكن فى صوراتعرضت على حضراتكواصور على الهواء مباشرتا من امام مبنى التليفزيون من امام ماسبيرو كان مجموعة من الطلبة عايزين يشتغلوايشتغلوا يااما فى التليفزيون يا اما يشتغلوا فى اى حتة ثانية فوقفوا تجمهروا بعد شوية مجموعة من اخواننا المسيحيين كانوا واقفين فى رمسيس جم وانضموا ليهم ويقى الطلبة والاقباط يد واحدة زى ما بقى الشعب والجيش يد واحدة وزى ما الشعب والشرطة يد واحدة زى ما كل البلد دلوقتى بقت ايد واحدة الايدى والواحدة نفسها مشلولة مش عارفة تعمل اى حاجة كتفنا بعض وخلاص كل سنة وحضراتكوا طيبين يعنى فى مقولة مشهورة جدا بتقول يعنى من قال ان الناس قد هلكت هو اهلكهم هو اللى تسبب فى هلاكهم فى رواية فهو اهلكهم اى اكثرهم هلاكا لكن للاسف فعلا الاوضاع بقت سيئة جدا احد المرشحين المحتملين لرئاسة الجمهورية قال امبارح اواول امبارح وسط حشد من العمال كان بيعمل جولة الراجل وبيلتحم مع طبقات الشعب الكادحة والعاملة قال لهم انا باقول لكم لو فضلت المطالبات الفئوية فكل سنة وحضارتكوا طيبين بعد 6 شهورو مصرتفلس مصر يعنى ايه مصر يعنى البلد اللى عمرها 7 الالاف سنة فيها حضارة7 الالاف سنة فيها انهاركان الفرعون زمان بيقول اليس لى ملك مصر وهذه الانهار تجرى من تحتى اليس لى ملك مصر يعنى لما ملكت مصريعنى ملكت الدنيا كلها مصر توشك ان تفلس ده احد المرشحين الدكتور محمد البرادعى قاعد كده فى وسط جمع من العمال قال لو الامور فضلت زى ما هى كل سنة وحضراتكوا طيبين 6 شهور ومصر هتفلس شركات كثير جدا شركات مصرية وشركات اجنبية شركات عربية هى مش علشان موقفها من مبارك اوغيرمبارك ماهو مفيش امن مفيش بلد البلد بقت تسرح موظفين وتسرح عمال طب وبعدين كل يوم بنسمع عن ارقام ونزيف البورصة طب وبعدين يا جماعة دقيقة سكوت لله من 70 سنة عمال بيرم التونسى غنى قالوا للمغنيين اللى كانوا مصدعينا فى كل حته يا اهل المغنى دمعنا وجعنا دقيقة سكوت لله داحنا شبعنا كلام ما له معنى يا عين ويا ليل ويا اه دلوقتى احنا عايزين نقول دقيقة سكوت لله دقيقة سكوت للبلد دى البلد خلاص بتضيع مضيفة او مكان تحول فجأة الى بيت عبادة الى كنيسة شروط يعنى انا لست ضد المسالة ولست معها لكن ما يبقاش قطع الطريق هوالحل مايبقاش التظاهر فقط هوالحل برضه نفس المسالة فى اى حاجة تخص المسلمين ما يبقاش قطع الطريق هوالحل ولا التظاهر وفرض الامرالواقع هو الحل لو فضلنا كده يبقى البلد دى للاسف يعنى انا اسف جدا انى باقول كدة البلد مش هيبقى ليها كبير يعنى لو ملناش كبير لازم نشترى كبير المثل البلدى اللى احنامتعودين علية واللى ملوش كبير يبقى كبيرة الشيطان بقى كبير الناس كلها دلوقتى الشيطان شيطان كل واحد وفئويتة عندك مشكلة فئوية انزل الشارع خبط طب وبعدين العمال اللى عايزين زيادة الموظفين اللى عايزين زيادة عمال النقل العام كل دول لهم مطالب مشروعة واوجاع يعنى لما نسمعها قلبنا ينفطرعليهم من مطالبهم الشرعية المشروعة طب وبعدين يعنى هنفضل كده طب هنيديكوا منين انا ما بتكلمش على البلد هتدى الناس منين كل البلد عندها مشاكل الازمة المالية بتطال الجميع كل يوم فئات جديدة بتخش هذه الازمة المالية مصركلها خرجت يوم 25 ينايرمجموعة شباب بس مجموعة شباب خرجوا لكن مصر كلها خرجت بقلوبها وكانت بتابعهم اللى مكنش حد اللى ما شاركش فى ميدان التحريركان فرحان يوم 11 فبرايراللى كان مع الثورة او ضد الثورة الكل يكاد يكون بلا استثناء سجد لله شكر على رحيل الرئيس السابق المخلوع ليه ناس مصرة ان هى تضطر البلد ان تترحم على الايام السابقة اللى مش عايزين نترحم عليها ابدا لكن عض قلبى ولا تعض رغيفى الدنيا حرية وكرامة عدالة اجتماعية لكن قبل الحرية وقبل الكرامة وقبل العدالة الاجتماعية صدقنى فى طفل صغير عايز علبة لبن فى طفل صغير عايز رغيف فينو علشان يروح به المدرسة فى اقساط مدارس فى ناس تعبانة جدا هى تعبانة خلال 30 سنة ونظام سابق هو اللى وصلنا لكل اللى احنا فية لكن المسالة زادت قوى ولومفيش راجل وقف وقال كفاية كده وبدأ نشتغل ونبدأ الامور يا جماعة تتلحلح شوية كل سنة وحضراتكوا طيبين كل واحد يدورله على وطن ثانى بقى لو احنا ما بنحبش هذا الوطن اللى اناواثق ان كلنا بنحبة ثواراوسواء الناس اللى كانت فى ميدان التحرير والقلة الصغيرة اللى وقفت مصطفى محمود الاغلبية العظمى او القلة المندسة يعنى كل الاصطلاحات اللى اتقالت منذ الثور لحد دلوقتى انا واثق ان كل الناس دى بتحب مصر ومفيش شك ان ما هو مفيش واحد ما بحبش هذا البلد .. لكن نزار قبانى بيقول احبائى كنا سنبقى ليوم الدين انا هستلف منه وسائل التصرف احبائى اذا كناسنبقى ليوم الدين مختلفين او محتشدين اومعتصمين ومانعين المرور من الصرف وجيش الازمات المالية ممنوع من الصرف فكل عام انتم بخير ويعنى كل واحد يقعد هو بقى يامن نفسة يجيب فلوس لنفسة ويخزن فى بيته شوية ارز شوية سمنة ويقفل على نفسة لان محدش عارف فية ايه كل يوم بنسمع عن حادثة كل يوم بنسمع عن مشكلة كل يوم بنسمع عن قطع طريق طب هو ايه الحل طيب اه فى شرطة مقصرة فى شرطة مقصرة انما فى شرطة عايزة تشتغل طب ما نساعد الناس لوحصل حاجة بنهاجم الشرطة لو حصل اى حاجة صورة طلعت لبلطجية بينضربوا من ضباط جيش من ضباط شرطة ومفيش حد ممكن يوافق على تعذيب بدنى لكن قلبنا الدنيا بقت المسالة بالعكس ماهوفى النهاية يا جماعة لو مفيش يد قوية كل سنة وحضراتكوا طيبين المسالة يعنى المسالة بقت سخيفة قوى من واحد يبقى جاى يقف فى شارع شارع ده اهم شريان فى مصر اهم شريان فى جسم مصر هو شارع القصر العينى اللى بيربط ما بين جنوب القاهرة وشمال القاهرة اللى بيمر على كل وزارت وهيئات مصر مجتمعة حوالين القصر العينى او السفارات المهمة اللى شمال شارع القصر العينى لما شارع زى ده يقف ساعتين لله اعلم يمكن يكون كان واقف اكثر من كده ساعتين بسبب مجموعة عمال صغيرين معاهم كل الحق وكل الالم وكل الوجع لكن هما 70/80 واحد يقفوا يقطعوا الطريق لية لما ميدان رمسيس ميدان رمسيس يعنى مصر كلها باب الحديد القاهرة هى كان طول عمرها القاهرة هى باب الحديد اللى الدنيا كلها بتيجى عندها عند النقطة دى نعتصم فية علشان مشكلة فى اسوان يبقى ايه المنظر يبقى احنا راحين على فين اللى بيحب هذه البلد يقعد ساكت شوية يقعد ساكت شوية بما فيها احنا بما فيها الاعلام لان اكبر انا انا رايى الشخصى لو فى مساحة انى اقول رايى الشخصى مع ان من المفترض ان المذيع ما يقولش راية الشخصى لكن انا شايف ان اكبر مشكلة فى البلد دلوقتى اكبر مربك واكبر معطل هو الاعلام بجناحية العام والخاص بقت المسالة كل سنة وحضراتكوا طيبين يعنى فوضى فوضى فوضى وثورة ثورة ثورة
على رايى القذافى مش عارفين هو فين دلوقتى الصور اللى شيفينها امام حضراتكوا دى دلوقتى على الهوامباشرتا فى قلب القاهرة ادام ماسبيرو.. ماسبيرو يعنى النقطة اللى عندها التلفزيون النقطة اللى عندها مكان لكل القنوات اللى بتعمل داخل مصر قناة الجزيرة عندها مكتب العربية عندهامكتب كل القنوات المهمة ال CNN كلة بيطل على هذا المشهد وصل للدرجة دى يعنى احناعايزين نورى الناس كلها ان احنا اهومحتشدين علشان لينا مطالب وهل هناك .. هل هناك احد ضد اى مطالب شرعية لاى فئة او جماعة او طائفة حتى لو كانت قليلة العدد او كثيرة العدد فى مصر ما ينفعش يعنى بجد بدأنا نبقى فى منتهى القلق على اللى بيحصل حد يقعد مع ناس بعيدا عن المنتديات والمنتديات دى بتوك توك شو اللى كل يوم بتصعدنا بعضها محترم طبعا جدا لكن الواحد يقعد مع ناس ليهم فى الاقتصاد ناس شاغلين فى البورصة وناس شغالين فى البنوك بيزيدوا قلق الواحد لما بيقولوا على شوية حقائق وشوية معلومات ان كمان 3 اشهر فى شركات كثير مش هتقدر تقبض طب وبعدين لو مفيش ناس احترمت نفسها ومش هتشتغل يبقى كل سنة وحضراتكوا طيبين النهارده كان نفسنا نتكلم عن العمل احنا فى انتصارات اكتوبراو فى احتفالات انتصارات اكتوبر مفيش حاجة فى تاريخ مصراعظم من انتصارات اكتوبر رجال يعنى بيداتهم هى اعلى قامة من ناس كثير عمالة تصرخ الان بالمبيدات بتاعتهم لما عبروا انا ما باتكلمش عن المجلس العسكرى عن ما باتكلمش عن اى ضابط فى القوات المسلحة دلوقتى ماليش علاقة بالمسالة بتكلم عن تاريخ وذكرى كلنا بنحترمة فيها بلاش نسئ اليها بهذا الشكل بلاش تبقى الدنيا بايظة بهذا الشكل يا جماعة دا ذكرى حرب مهمة ذكرى شهداء قدموا روحهم وقدموا دمهم رخيص لكن هو فى الحقيقة غالى جدا عشان البلد ده يعيش احنا نيجى فى الذكرى دى كل واحد فينا معاه سكينة معاة معاه مطوه عمال يديها فى جنبها يديها يديها ما فى النهاية هتقع وبعدين انا انا اسف جدا ياجماعة يعنى كان نفسى ابدا بداية العمل ان تشعل شمعة خير من ان تلعن الظلام وكل الكلام الحلو لكن انا طول ما انا قاعد الورق لو ورتكوا الورق ادام حضراتكوا انا عايزاكتب كلمة واحدة مش عارف ازيد اواعيد فيها مصر التى فى خاطرى وفى فمى احبها من كل روحى ودمى .. بعد الفاصل مع مجموعة رائعة من شباب مصر او اثنين من رائعى شباب مصر هيكلمونا عن فقرة رائعة اسمها يد تبنى ويد تكافح او تحارب الفساد يعنى انا عرفت معلومة مهمة جدا ال 50 مليون مصرى هم من الشباب القاقم بعد الفاصل بمزيد من التفاؤل انشاء الله
فاصل
مواطن :اللى احنا بنقولة لواهتمينا بخبرات كل فى مجالة لان مصر ولادة مصرمليانة علماء فى كافة المجالات هنطمس مين على حساب مين اللى احنا نبقولة ان الجميع ياخذ حقة كل فكرة تاخذ حقها لازم احنانبقى احنا معتمدين على نفسنا الزراعات اللى احنا بنعملها سواء قمح او ذرة اوكدة لو احنا بقينا احرار فى القمة اللى احنا بناكلها والغذاء اللى احنا بناخذه وبقينا نزرع ونستصلح يبقى خلاص ابتدينا وحطينا ايدنا على 30%من المشوار
مواطن :فى مثلا مكاتب مسئولة عن المؤهلات الدراسات خبرته ايه شهاداته ايه بيفهم فى ايه يقدر يطلع مجهوده او خبرته فى المجال اللى هو هيشتغل فية مش يفضل شغال فى حاجة هو مش بيحبها مش هيقدر يطلع انتاج
مواطن :البلد عايزة اللى يشتغل
مواطن:التعليم طبعا فى مصرنهتم بالتعليم ما يبقاش شاب دارس 3 - 4 سنين ويتخرج يقعد فى البيت امال كان بيدرس ليه والا يخرج برة ويدى طاقاتة كلها لبرة لأ يهتم بالتعليم هتبقى احسن دولة
مواطن:ياريت فى المرحلة الجاية نبص للناحية الزراعية فى البلد صدقونى هنخلى بلدنا تتحول للاحسن انشاء الله
مواطن :التعليم الجامعى التعليم الجامعى لواحنا غيرنا ووضحنا للشباب فكرة الديمقراطية والحرية وكلام من ده فى الحالة دى هيبقى فى انتماء كامل للوطن
مواطن :بنناشد المسئولين عايزين نعمر الصحراء يسهلوا لنا التسهيلات ان احنا نعمر الصحراء
مواطن:الاهتمام بكل الوسائل الصحة والتعليم الصحة منهارة تماما والتعليم مستواه اقل من المطلوب من اللى بيعملة كل الشعب المصرى
مواطن :احنا عايزين بعد الثورة عايزين مصر احسن فى كل حاجة فى طب تعليم
فاصل
محمد موافى : اهلا بحضراتكوا مرة ثانية خلينا بقى يعنى نبتسم شوية اونتفائل شوية قبل اثناء الفاصل كنت باسال احد ضيوفى طب وبعدين قال لى لأ خير انشاء الله ووشة بيقول انه فعلا خير انشاء الله يعنى مش واحد بيهدينى بيقول كلمة كده لأ عنده ثقة احنا هنتكلم دلوقتى عن مبادرةاهل مصر يعنى يد تبنى ويد تحارب الفساد بارحب بضيوف الحلقة ضيوف حضراتكوا اللى انشاء الله عندهم امل وعندم رؤية فعلا متفائلة وواقعية وليست خيالية بارحب بالمستشار سمير جاويد والمهندس اسامة فرج
المستشار سمير جاويد الان محكم دولى
مستشار/ سمير جاويد: ايوه
محمد موافى:والمهندس اسامة فرج رئيس اقليمى لاحدى اكبر شركات التامين
م/ اسامة فرج : والمنسق ا لعام للاتحاد شباب الثورة
محمد موافى: طيب مشاء الله اهلا وسهلا بحضرتك طب سعادة المستشار ايه مبادرة اهل مصر
المستشار/ سميرجاويد:بسم الله الرحمن الرحيم والحمد لله رب العالمين والصلاة والسلام على سيدنا محمد صلى الله علية وسلم المبادرة هى زى سعتك ما بتقول هى محتاجة للتفاؤل بتقول زى ما اخذنا شعار القوات المسلحة نقول يد تحمل السلاح ويد تبنى ويد تحارب الفساد انا سمعت الحقيقة معاليك بتتكلم قبل ما نبدأ الحوار بتعنا مقدمة سعدتك مقدمة رائعة ومحترمة جدا
محمد موافى : ربنا يخليك
المستشار/ سمير جاويد:لانى شاهدت ما تحدثت عنه سيادتك وانا جاى فى الطريق ساعتين فى الطريق مظاهرات اغلبها فئوية وزى ما حضرتك لسة بتقول لمين فئوية او فكرة سن فئوية او الفكرة ما بين الفئوية وبين عدم الفئوية بعض الطبة بيقولوا عايزين نعمل تعمل ازاى وانت لم تنهى دراستك انضم اليهم بعض اخواننا المحترمين الطوائف المسيحية يطالبون ببعض المطالب المحترمة جدا وهى بناء الكنائس ولكن لكل شئ قاعدة لكل شئ برهان لكل شئ دلائل او اجراءات بتقوم بيها عشان تبنى الكنائس وده حقك
محمد موافى: طيب
المستشار/ سميرجاويد: وطبعا الحقيقة التفاؤل دائما ابدا موجود وتفاءلوا بالخيرتجدوه كما علمنا النبى صلى الله علية وسلم احنا علشان كده بدأنا المبادرة الحقيقة الحقيقة بدأنا فريق العمل اخويا اسامة بيك فرج الحقيقة وهو من شباب الثورة المحترمين جدا والمنسق العام للائتلاف كمان معانا الاستاذ صلاح سعيد معانا كمان الصحفى المحترم الاستاذ منتصر الشاطبى
محمد موافى:الاستاذة رانيا علوانى
المستشار/سميرجاويد:الاستاذة رانيا علوانى احنا الحقيقة الاستاذة رانيا ومعالى الدكتوريحيى الجمل ومعالى حسب الله بيك الكفراوى دى المجموعة التى قرات المبادرة واقتنعت بيها وحضرت لنا بالفعل اول امس صالون اسمة صالون الاهرام وهو صالون محترم برعاية لبيب السباعى وماهر بيك مألب كانت حاجة فوق الرائعة
محمد موافى:المبادرة
المستشار/ سميرجاويد: المبادرة بتتكلم عن بناء الوطن عن اللى سعتك كنت لسة بتتكلم عنه حالا لو البلد دى ما بدأناش فى البناء بدأنا فى العمل البلد دى ممكن تصل لحافة الهاوية عندها التفاؤل ولكن التفاؤل الحذر لما يكون معاة بعض العمل المبادرة لها اوجة كثيرة جدا لان حضرتك شايف النهارده فى بعض الطلبة واقفين فى الشارع منذ ايام قليلة مضت كان فى معلمين واقفين فى الشارع لو الناس دى وجدت مجموعة من الحكماء وجيل الوسط جيل الثورة بيكونوا لجنة واحدة بس واللجنة دى تبقى لجنة تسوية المنازعات او الفلتر اللى تعدى منه مشاكل الشعب ومشاكل الشارع الى الجهات المسئولة وتحل لهم مشاكلهم مش هيحصل اللى حضرتك بتشوفة فى الشارع لا مظاهرة ولا اعتصام ولا فئوية ولا غير فئوية هى دى فكرة المبادرة بنقول نعمل لجان متخصصة زى ما كان فى زمان اللجان المتخصصة بس كلها بتتحدث عن المراة فقط وحقوقها النهارده هنعمل مجالس متخصصة تكون كلها فيها اهل العلم مع جيل الوسط اللى هما بيمثلوا العملية التنفيذية مع شباب الثورة المجموعة دى لو جينا نقول اهل العلم او حد بيتكلم عن النهوض التعليم فى مصر النهوض بالصحة فى مصرالنهوض بالمروروحل مشكلة المرورفى مصرنمسك مشكلة كبيرة ونعمل مشروع كبير ونحلة بكل الجوانب بتاعتة عن طريق العلماء والمثقفين وجيل الوسط وشباب الثورة هى دى فكرة مبادرة اهل مصر من ضمنها قطاع جميل قوى بيدعوعلى التفاؤل بالخيروبيقول ان فى حاجة اسمها كمان مصر بخير ... مش كل اللى موجودين رجال اعمال فاسدين ولا رجا لمن الاحزاب السابقة فاسدين ولا وزراء ولا مسئولين فاسدين ولا محافظين فاسدين ولا مسئولين فاسدين فى نماذج محترمة كبيرة قوى من اللى جبناهم واكرمونا ان هما حضروا لنا والا ماكنتش ال 30 سنة فساد وخراب فقط كان فيها جانب سئ وكان فيها جانب خير بنطلع جانب الخير بيحصل حاجة مهمة قوى لو سعدتك اتفرج عليك اوشاهدك زى ما حضرتك لسة كنت لسة برضه بتقول بتقول فى هنا BBC وفى القنوات الفضائية والعالم كلة بيشوفك لو شاف عندك على طول جانب فاسد شافوا عندك على طول مشاهد فئوية شافت عندك على طول مرور متوقف بالساعتين والثلاثة والعشر ساعات هيجى يستثمر
محمد موافى : ونزعل منهم لما يقولوا
المستشار/سميرجاويد:انت لما تقول بنك دولى ويجى يتواجد عندك عنصر اجنبى عشان يبنى البلد لازم نبص للجانب الطيب ونوارى الجانب السيئ ونقول احنا بننموا وبنرتفع بالجانب ده ونهدم الجانب ده يبقى ايه يد تبنى ويد تحارب الفساد انا شفت هنا وانا جاى دلوقتى ماسكين تابوت كبير قوى كتبين علية حضرتك رائية معرفش المشهد جابة والا لأ كتبين انا لله وانا الية راجعون توفى الى رحمة الله عز وجل التليفزيون المصرى فى ظهر نفس التابوت انا لله وانا الية راجعون توفى الى رحمة الله عز وجل سيادة القانون بقى كل المحاكمات اللى موجودة دى وانا كنت رجل قضاء سابق انا 20 سنة فى القضاء وعملت فى محكمة الجنايات المصرية عندنا نماذج وشموخ فى منصة القضاء فى مصر لسة القضاء والقانون المصرى بخير نظهر منه الجانب السيئ ونقول سيادة القانون توفى الى رحمة الله بالله عليكم انتوا عايزين القضاء يعمل ايه ؟؟ محاكمات مازالت موجودة المحاكمات موجودوة وشفها الدنيا كلها وشفت ادايه احنا متحضرين
محمد موافى:التليفزيون المصرى نقلها انا كنت فى الجلسة الثانية
المستشار/سميرجاويد: سعتك شفت طبعا على الهوا شفت حضرت الجلسة شفت ايه فى المحاكمة
محمد موافى : يعنى
المستشار/سميرجاويد: قمة الاحترام وقمة القانون وقمة سيادة القانون
محمدموافى : التليفزيون المصرى لأ انا مش عايز ادافع عن التليفزيون المصرى يعنى المسالة
المستشار/سميرجاويد:مضطرادافع عن سيادة القانون اللى انا شفتها النهارده بيقولوا توفى الى رحمة الله تعالى وانا جاى دلوقتى
محمد موافى : البقاء لله يا باش مهندس
المستشار/ سمير جاويد: البقاء لله اه ههههههههههههههه
محمدموافى :باش مهندس يعنى المبادرة سيادة المستشار شرح لنا الجزء او الجانب النظرى فى المسالة كيف بدأتم خطواط التنفيذ؟
م/اسامة فرج:هو فى الحقيقة يعنى حابب اتكلم فى الاول بس احنا اظهار الشكل الاخر من الثورة الثورة من 25 ليوم 11 كان اهم جزئية فيها هى انكار الذات مكنش فى فصايل مكنش فى شعب مكنش فى اتجاهات مكنش فى حد بيصنف حد مش لحد اسمة ليبرالى حد اسمة اشتراكى حد اسمه ماسونى حداسمة اخوانى حد اسمة علشان كدة نجحنا زى ما بيقولوا المصريين دايما بينجحوا فى الاوقات الصعبة واوقات الشدة .. فى الحقيقة انا باشبة الثورة تشبية غريب شوية ان انا شايف حضرتك فتوات زمان لما كان فتوة جوا المنطقة وحوالية الحاشية بتاعتة يطلع علية رجال الحتة والحرافيش علشان يقضوا علية ويبعدوة برة المكان ويرجع كل واحد من الناس بيقف ادام بيتة ويقول انا اللى عملت الثورة واخد بال حضرتك ؟ وبرة الحاشية اللى كانت مع الفتوة تلم نفسها وتجمعها علشان ترجع تانى الحقيقة مصر بعافية شوية يعنى مصر تعبانة شوية وكل واحد موجود جوا مصر محتجها تديلة اللى ما ادتهوش طول العمر
محمد موافى : مفيش حد فيهم بيفكر يجيب 2 كيلو برتقال
المستشار/ سميرجاويد: بيسموها فى بعض الاوقات انتهازية اللى خلانى قعدت مش هقول قعدت 30 سنة يبقى استنى كمان لأ لازم يبقى فى عقلانية يعنى لازم ابقى عارف ان انا مرحلة انتقالية ... مرحلة انتقالية ليها الياتها وليها دوافعها وليها متطلباتها لازم الناس تبقى فاهمة وعارفة الناس اللى بتنزل ميدان التحرير دى احنا قاعدين نتكلم اللى خرجنا به من الثورة لغاية النهارده اختزل فى ازاى اكون حزب ازاى اعمل دستور ازاى ااخذ كرسى فى البرلمان ازاى اجرى بشكل فية حراك سياسى ازاى اشكل لنفسى ائتلاف وقوة تخلينى ااخذ CHAIR فى مصر الموضوع اصعب من كدة بكثير محدش بص على ال 80% من المصريين اللى عايزين يعيشوا اللى عايزين يكلوا اللى عايزين حد يعمل لهم مشروع اللى عايزين حد يديهم امل فى بكرة الناس اللى فيها بطالة الناس اللى مصانعها قفلت وشركاتها قفلت وقاعدين فى بيتوتهم مش لاقيين حد يديهم ياكلوا الناس دى انت بتحول بؤرة اجرامية ارهابية وبتنظر لثورة ا لجياع للاسف الشديد ان كل الاتجاه ازاى يشتغل سياسة ازاى اعدل دستور ازاى اعدل مادة ده هائل وجائز ومهم فى المرحلة اللى جاية لكن الاهم دلوقتى الناس اللى قاعدة الناس اللى فى البطالة الناس مش لاقية تشتغل
محمد موافى : يعنى انا كان المفروض حلقة عن مبادرة اهل مصر
المستشار/ سميرجاويد: انا دايما الاحداث انامش معترض
محمد موافى :انا يعنى الاحداث والثورة اللى احنا شايفنها على الهواء مباشرة هى اللى طلعت المواجع
المستشار/سميرجاويد: هايل الناس دى حضرتك بقى محتاجة حد يقول لها ان بكرة كويس محتاجة حد يقول لها ان احنا هنتعاون والاديان السماوية كلها حثت على ايه الدين الاسلامى وتعاونوا على البروالتقوى ولاتتعاونوا على الاثم والعدوان ,الدين المسيحى فى انجيل متى فى الاصحاح الخامس بيقول توبى لصانعى السلام فهم ابناء الله يدعونه .. كل الاديان بتحث على التعاون والتكافل ازاى نقدر نتعاون ازاى نقدر نشتغل ازاى نلم الناس المحترمين بدون تصنيف وبدون خروج فصيل من المجتمع بدون ما اقول له انت كذا وانت كذا انا مصرى فين مصريتنا اللى اتفرضت علينا اللى بتظهر وقت الشدة احنا فى شدة محتاجين كل واحد فى مصريشتغل يشتغل وينكر ذاتة يشتغل بضمير يشتغل ويبص ان فى ناس على حافة الهاوية فجاءت فكرة المبادرة المبادرة فيها 8 نقاط النقطة الاولى هى فكرة المجالس المتخصصة الحقيقة انا شاييف ان الاعتصامات والمظاهرات الفئوية نتجة من ازمة ثقة بين المواطن والوزارة
محمد موافى : طب نبدأ بقى اسمحوا لى يعنى شوية نقد
المستشار/ سميرجاويد: انا ما لحقتش اقول علشان انت بس
محمد موافى :المجالس القومية المتخصصة
المستشار/ سمير جاويد: انا مش لألأ
محمد موافى : رايك ايه ؟؟
المستشار/سميرجاويد:انا مش رايح لدى خالص المجالس القومية المتخصصة حضرتك فكرة فكر فيها الرئيس الراحل جمال عبد الناصر سنة 58 اول ما اتفعلت اتفعلت فى الماده 164 دستور 71 اول ما انشئ المجلس سنة 74 برئاسة الدكتورعبد القادر حاتم وزيرالصحة المدارس دى كانت معمولة علشان ليها استشارية جهة ايه الرؤى اية الرؤى اللى جاية اشاور رئيس الدولة اقولة ايه الرؤى ازاى اصلح ازاى هنهض ازاى ازاى لكن للاسف ا لشديد وفيها ناس اهل علم وهل ثقة حقيقيين كويس لكن للاسف انها اتحولت لمناصب شرفية لما يخرج حد عايزين نظبطة نعمل ايه ؟ فكرنا نعمل المجلس الثورى او التنموى بلاش كلمة الثورى المجلس الثورى للتعليم ده على راسه رئيس مجلس امناء فى قامة الدكتوراحمد زويل معاه اعضاء مجلس امناء ومعاه كل المستشارين اوالثوارالمهتمين بالتعليم كويس ازاى حضرتك بياخذكل الابحاث والتجارب ويفلترها ويشوف ايه اللى يصلح للنهوض بالتعليم واخد بال حضرتك ويبتدى يبقى بيرفع توصياتة بتنفذ للوزارة
محمد موافى : يعنى زى وزارة ظل
المستشار/سميرجاويد: لألأ مش عايزين نقول وزارة ظل ياجماعة .. احنا بنعمل حضرتك زى فى القضاء واخويا المستشارسميرعلمنا ده فى حاجة اسمها لجنة فض المنازعات قبل ما يروحوا تسوية واخد بال حضرتك ده FLTARATION ده فلتر بيدخل علية الراجل بتاع التعليم اللى عنده مشاكل يروح المجلس الثورى للتعليم ويعرض مظالمة والناس تاخذ المظلمة وتروح على الوزارة يبقى ده شغال وده شغال وده شغال واخد بال حضرتك الفكرة بقى الاهم وزير التعليم فيما بعد يخرج من بين المجلس الثورى ده وزيرالسياحة يخرج من بين المجلس الثورة وزير التعمير يخرج من المجلس الثورة للتعميراضمن تفعيل اليات الشغل اللى هوكان شغال فية جوا المركزالموضوع ده هيمنع لك الاعتصامات هيمنع لك المظاهرات هيوجد حلقة من الثقة مابين الحكومة ومابين الشارع النهارده حضرتك الوزراء بيتغيروا زى مدربين الكرة فى الاندية خلاص فا انت النهارده بتقدم المظلمة للوزيريقولك اصل الوزير مشى فالمجلس الثورى ده قائم
محمد موافى:جميل نقف عند النقطة دى سيادة المستشار الية الاختياربس دى مسالة من ضمن الاقتراحات ان الوزراء يخرجون من هذه المجالس
المستشار/سميرجاويد:احناهذه الفكرة بفضل الله عز وجل داخلين النهارده على 5 اشهراو 4 اشهر ويزيد بدأ كل يوم عارف حضرتك لما تجنى ثمرة فكرة كل يوم بتنمووكل يوم بيبقى شكلها احلى وكل يوم بتتبلوراكثرعلشان تبقى فى حيز التنفيذ زى ما سعدتك فلت بلاش من الكلام النظرى وتبقى مكلمة زى ما بنفتح النهارده التلفاز ونلاقى كل يوم مكلمة مكلمة ما انتش عارف حتى نتيجها ايه بقت كل شوية اخر تبلور ليه عملنا الحقيقة مؤتمرين كبارجدااااا اخرهم كان صالون الاهرام اول امبارح عملنا الحقيقة بعض التفعيل فى بعض الجهات فى بعض الشخصيات بدون ذكراسماء ولكن موجوده فى المبادرة تحت ايد معاليك اعتقد فى اكثرمن 25 شخصية مهمة جدا فى جيل الكبار وجيل الشبابوجيل الحكماء وجيل الوسط وجيل الثورة بدات تتبلور كانت جميلة قوى احنا مثلا من سعادة حسب الله بيك الكفراوى سعادة الدكتوريحيى الجمل وسعادة الدكتور ابراهيم الديميرى كانوامعانا اولامبارح عرفنا مثلا ان المدارس دى موجود فيها دراسات لجمهورية مصر العربية حتى عام 2050 من ضمنهم حل المشكلة اللى سياتك كنت بتتكلم عنها من خمس دقائق بتقول انك جئت فى المرور فى ساعتين فى شارع القصر العينى فى حاجة غريبة جدا حل مشكلة المرورومشكلة الطرق فى جمهورية مصر العربية فى حد اقصى 4 سنوات جذرى دونما ثمة تكلفة من الحكومة المصرية لبعض الطرق لبعض لبعض الامتياز ادى بدا يبلور الفكرة وازاى يحطها على حيزالتنفيذ وعلى ارض الواقع عرفنا انفى خط دولى ساحلى يوصل مصر لغاية ما توصل لتركيا وموجوده الدراسة دى وتم تنفيذ حوالى 60% منها
محمد موافى: طب سعادة المستشار هستأذن حضرتك انا معايا على الهوا دلوقتى هنكمل انا ما باقاطعش يعنى هنكمل مباشرتا بعدها على طول معايا احدافراد او احد ضباط اواحد رموز حرب اكتوبر قبل ان يكون رمز من رموزالصحافة المصرية استاذنا الكبير استاذ ابراهيم حجازى مساء الخير يا افندم
أ/ابراهيم حجازى : اهلا يا استاذ محمد مساء الخير
محمدموافى :استاذابراهيم يعنى حضرتك شفت الصوراللى ادام التليفزيون والموضوع اللى احنا بنتكلم فية المفترض احنا بنتكلم فى يد تبنى ويد تحارب الفساد وهناك ايادى اخرى معصمة ومحتشدة وملوحة بالتظلمات
أ/ابراهيم حجازى:اه هوالاول بس امسى على سعادة الاستاذ سمير والمهندس اسامة بمسى عليك للاسف انا فى العربية رايح عندى برنامج دلوقتى فا انا مش متابع التليفزيون انما انا راجل غلبان لا من رموز حرب اكتوبر ولا من رموزالصحافة انا راجل غلبان قوى يعنى
محمد موافى : والله احنا دلوقتى بنتمسح فى اى
أ/ابراهيم حجازى :انا واحد من عشرات الالاف اللى ربنا سبحانة وتعالى اكرمهم وربنا انا يعنى هى مش فكرة الحرب هى فكرة تجربة عمرها ما هتتاح تانى بس تجربة ثقلت الواحد وعلمت الواحد وخلت الواحد ازاى انه يبقى رايح وواخد روحة على ايدة وحطتها ادامة كده علشان مصر فهى دى يعنى كان نفسنا نبقى فهى دى مصر نبقى حاطين روحنا ادمنا بلاش روحنا حاطين شوية حاجات علشان خاطربلدنا فى الوقت اللى احنا فى ده انا المبادرة الجميلة دلوقتى طبعا احنا عاملين كلنا للاسف بقالنا 9 اشهر والا 8 اشهر واحنا لسة مشغولين فى امبارح واحنا المفروض نبص لبكرة بقى انشاء الله وانا شايف ان مصر بسم الله ماشاء الله هى غنية بشعبها الجميل ده مصرفيهاخبراء ومتخصصين فى كل حاجة والله العظيم يخلوا البلد دى تطلع القمر وحياة ربنا بس هى المشكلة ان احنا زى ما بيقولوا ارقام مبعثرة حروف ملخبطة محدش قادر يلم الحاجات دى علشان يطلع منها اناباعتقد ان المبادرة محاولة لجمع هذه الحروف او هذه الارقام لصالح جملة مفيده
محمد موافى : استاذنا انا مش عايزاعطل حضرتك شكرا جزيلا وتوصل بالسلا مه ونتفرج عليك النهارده استاذ ابراهيم حجازى شكرا جزيلا لك يا افندم معلش انا معايا مواطن من بورسعيد وهو مصر على الاتصال مش عجبة اللى بيحصل استاذ عبدالحميد ازى حضرتك
أ/عبدالحميد :اهلا وسهلا استاذ محمد
محمد موافى : اتفضل يا افندم
أ/عبد الحميد: تحياتى وسلاماتى لحضرتك وللحاضرين
محمدموافى :الله يكرمك
أ/عبد الحميد:انا باقول للناس اللى بيعلمواالمظاهرات واحتجاجات واعتصامات حرام عليكوا اتقوا الله فى مصر عايزين ايه اعتقد ان الناس دى كلها معظمهم من اللى بنشوفهم فى المظاهرات واللى ادام الشاشة دلوقتى ما حضروش او ماحصروش حرب اكتوبر 73 الناس دى لو شافوا الايام اللى جاءت قبليها والعيشة اللى كنا فى مهانة ومذلة فكانت تراب مصر وسينا محتلة وكان اليهود فى سينا وربنا سبحانة وتعالى اكرمنا فى حرب اكتوبر 73 ابنوا مصر خافوا على مصر ياناس وارحمونا ارحمونا الفوا قلوبكم واللى بيتعمل ده ماهواش فى مصلحة مصر ..
والناس اللى بتعمل اثتلافات واحتجاجات سيبوا الكلام الفارغ ده اللى بيعملوه يفكروا فى اى شئ يبنوا مصر به بدل ما احنا شايفين العجزبتاع ميزانية الدولة وصل 38 مليار دولار حرام عليكوا هنروح فين اتقوا الله فى مصر حرام عليكوا
محمد موافى : شكرا يا استاذ فاروق رسالتك وصلت باش مهندس يعنى المجالس المتخصصة اى ان كان بقية ا سمها
م/اسامة فرج :التنموية
محمدموافى:التنموية اولا هتبقى هى الوعاء اللى بيخرج منه الاستشارات والمباحثات وربما الخبراء والمسئولون للوزارة طيب برضه عايز احط ايدى على الية الاختيار
م/أسامة فرج :شوف حضرتك هو طبعا مصر ولادة ففيها قامات وفيها ناس تقدر تخدم كل المجالات بيستشرقوا بارائهم الفكرية يا باش مهندس مكناش بنلاقى وزراء يعنى كانت الوزرا مش لاقيين
م/اسامة فرج :ماهو لان مكنش فى مساحة من الحرية مكنش فى مساحة من ان حد ينمو كان كل الاتجاه ان فى تنمو شخصية واحدة فقط
محمد موافى : بعد الثورة
م/اسامة فرج :احنا بعد الثورة حضرتك ما هدناش اولا انا ليا تحفظ بس على ان احنا دايما وابداعاملين اسبط وبنظهر اوجة الفساد دايما وابداعاملين اسبوطوبنقول اعتصام لكن تانى جزء فى المبادرة خلينى اروح له بس
محمد موافى : بس بس
المستشار/ سمير جاويد: هرجع لك
محمد موافى : احنا جاين النهارده نتكلم عن الشرطة
المستشار/سميرجاويد: والله والله اللى تحت دول كام 1000 واحد 1000 احنا 85 مليون واحد اللى تحت دول 1000 واحد
محمد موافى : 1000 واحد يوقف البلد
المستشار/سميرجاويد: ياسعادة الريس احنا عندنا 85 مليون واحد يهم ناس شرفاءوناس محترمين وناس راضيين بالقليل وناس محتاجين البلد تنهض الراجل اللى عمل مداخلة من بورسعيد فى مئات الالاف وملايين زية قاعدين عايزين البلد تنهض تانى جزئية اسمها مصر بخير حضرتك احنا من يوم الثورة لغاية النهارده مفيش وسيلة اعلام مسموعة اومقرؤة او مرئية الا لما بتعمل اسبوط على الفساد على مين اتسجن ومين اختلس ومين قتل
محمد موافى : ومين قطع الطريق
المستشار/سميرجاويد: ومين اندبح واخد بال حضرتك يعنى لوقلت يوميات مواطن مصرى بيصحى الصبح ما يلقيش اتوبيس يروح به شغلة لا يروح مشى يا يروح فى ميكروباص يروح يلاقى مكلمة فى الشغل عن الثورة وا خد بال حضرتك يرجع ابنة يقولة يا بابا شوف لى مدرس خصوصى
محمد موافى :ما هو يا باش مهندش ما هو ده اكل عيش الصحافة والاعلام
م /اسامة فرج : يبقى رفقا بالشعب بقى يرجع يلاقى ابنه يقولة مكنش فى مدرسين النهارده عاملين اعتصام ومجوش طب عايزايه يابنى عايزاتعلم عايزدرس خصوصى معهوش بيهرب منه يروح على القهوة يلاقى مكلمة ويلافى توك شو بيتكلم عن فساد فساد الراجل ده لو نام لا يصحى يلاقى عندة زبحة صدرية عايز منه ينتج ازاى مفيش حد بيجيب واحد زى الدكتور رانيا علوانى زى الدكتورعلى الصعيدى الدكتور ابراهيم الديميرى زى الدكتور احمد زويل زى الدكتور فاروق الباز زى مئات الالاف من الناس المتحرمين بيقولوا تعالوانحزو حزو الناس دى
محمد موافى:دول شكلهم فى مشاكل فا مش هيبقوامظلومين علشان طالما مش هيتكلموافى قضايا وقد
م/اسامة فرج :ثبتت علينا ان احنا نبقى بلد المشاكل طب ما احنا عايزين ننمو هنعمل تنمية ازاى ياصحبى هنعمل تنمية ازاى ان احنا نقعد نغوص يحضرنى دلوقتى لا تبكى على المفقود لا تفقد الموجود
محمد موافى:لاتبكى على المفقود حتى لا تفقد الموجود حافظ على الطاقات وحافظ على قدرات الشباب المصرى اللى محتاج حد يتلم حوالية واللى محتاج حد يقوله ساعدنى حضرتك ما بتشفش فى منطقتك وانت ماشى وانت هنا وانت هنا ناس تقولك نفسى اخدم مصرمش عارف اخدمها ازاى كلنا حتى اللى متخيل ان هو فاهم معلش
م/اسامة فرج :عاملين المبادرة ازاى اللى فيها 4 عاكفين على الشغل ليل نهارفيها فيها الالاف الموجودين جواها المستشاربيقول على المجلس الاعلى للمبادرة 25 للمجلس الاكبر اكثر من 10 الالاف ناس فى كل محافظات مصر ناس مش عايزة تدخل احزاب بس عايزة تخدم مصر ناس مش عايزة تنتمى لائتلافات بس عايزة تخدم مصر هى دى عشان كده كان اختيار معالى المستشار
المستشار/سمير جاويد: هختلس كلمة دائمة كان بيقولها سعدتك اتذكرت سيادة بها اول امبارح حسب الله بيك الكفراوى بيقول احناعايزين نعمل حزب بسمى الحزب ايه ( خدامين مصر ) احنا هنتعلم نقول احنا خدامين مصرثمة انتماءات سياسية او رغبة فى سلطة اوسلطان لا ينقصنا السلطة ولا السلطان ولا ينقصنا الانتماء ات السياسة اوينقصنا الانتماءات الحزبية
محمد موافى : لكن احناعادة
المستشار/سمير جاويد: لا ياافندم سعادة البيك احنا كان قاعد معايا امبارح بالصدفة يعنى احنا طبعا دلوقتى فى العمل الحر وانا التحكيم الدولى .. اتعين بالصدفة لجنة من رجال الاعمال العرب والاوروبيين واحنا لسة بنقول ورانا بجد حوالى من 10 الى 15 الف بنى ادم شباب على جيل الوسط نفسهم يشتغلوا ونفسهم يخدموا البلد دى وكما المستشمر سواءا العربى اوالاوروبى نفسة يجى البلددى لظروف كثير جدا المناخ بتاعك ومنطقة وقوعك اوموقعك الجغرافى بالنسبة للوطن العربى وبالنسبة للعالم اجمع
محمد موافى : مصر مصر
المستشار/سميرجاويد: مصر لم حضرتك لسه بتقول يكفى نهر النيل يكفى الجو اللى احناعايشين فيه
محمد موافى : ده استثمار
المستشار/سمير جاويد: يكفى جوالاستثمار اللى احنا عايشين فية تلت اثار العالم حاجات كثيرقوى نتكلم فيهاعندك الاستثماروعندك المال وعندك الطاقات وعندك الشباب وعندك الموقع الجغرافى وعندك الدولة نقصك ايه ؟ الاستقرارسعتك لسة بتقول ولا وزيرعايزيجى فى الوزارة وقعدوا يبحثوا عن الوزراء فرئيس الوزراء يعنى جزاه الله خيرا حتى قبل هذا المنصب فى هذا التوقيت سعادة يحيى بيك الجمل قابل رئيس مجلس الوزراء فى توقيت صعب وخطيربالنسبة للبلد ولكن دول عايزين يخدموا مصروبيحبوا مصر انها وزارة تسييراعمال بتعمل جهد غير عادى وغيرطبيعى هتشتغل ازاى فى جو الاعتصامات وجو المظاهرات واحناعايزين نعمل
محمد موافى :سيادة المستشارلما احنا بنتكلم على بناء مصرسعادة المستشاردلوقتى بيقول هى حكومة تسييراعمال انا برضه كمواطن مصرى مستنى من الحكومة ان هى الامور تمشى يعنى تسيير لى اعمالى وافاجأ با ن هى بتناقش القاهرة فى عام 2050 عمالة تتكلم عن مشاريع هل دى وظيفة حكومة الدكتور عصام شرف حكومة تسيير اعمال والا يعنى دى مش شغلتهم !!
م/اسامة فرج:شوف خلينا نقول ما بيشتغلوش ولا ب 70 % من قوتهم ما بيشتغلوش ب 30% من قوتهم يعنى اناباتكلم
م/اسامة فرج :هما هما عايز اقول لحضرتك عاملين مشاريع فى مشاريع هتستمرمش بياخذها الناس اللى جاية
محمد موافى :هل تضرالحكومة دى؟
م/اسامة فرج : اه طبعا من وسط دور الحكومة من ليس له مستقبل ليس له حاضر
المستشار/ سمير جاويد: الحكومة دى حكومة تسييراعمال
م/اسامة فرج :ماهى تسيير اعمال انت عارف تسييرالاعمال يعنى ايه احنا بقالنا ..........
محمد موافى : لحد لما يبان لينا صاحب
م/اسامة فرج :ايوه هيبان لك صاحب امتى طول ما انت فى هذه المشاكل وفى هذه العراك الغير طبيعى بتعديل مادة اوتعديل فقرة او تعديل انا لاغيت حزب وطنى علشان اتصارع اعمل كتلة اواعمل اواعمل ا و او اعملاحناعايزين رحم الله امرؤن عرف قدر نفسة عازين الناس اللى تخدم مصر بجد هى دى هى اللى تجى وتقول اناعايزاشارك فى العمل السياسى عايزين الناس تشارك فى العمل الخدمى عايزين ناس تشارك فى بناء الشعب المصرى عايزين ناس تفهم الناس
محمد موافى :ياباش مهندش لو انا عندى 10 شباب عندى 20 شاب بيسالونى احنا عايزين نخدم مصر
م/اسامة فرج : كويس كويس
محمد موافى : بس مفيش جملة مفيدة حديقول لنا اعملوا كذا
م/اسامة فرج : شغالين عليها دى بقى يا افندم هى دى المبادرة
محمد موافى :ايه المتاح دلوقتى ؟ ايه الناس تعمل ايه يعنى ؟ اناعايزين جملة مفيدة
م/اسامة فرج:احنا حضرتك فى الفترةالحالية عاكفين على دراسة العناصر اللى تخدم مصر بجدالعناصراللى مش هتستفاد الناس اللى تكون المجالس المتخصصة الحقيقة الموضوع مش موضوع مبادرة مكتوبة فى وقت لأ دانوقشت فى مجلس الوزراء
محمد موافى : لحد الوقت ان الازمه ازمة اختيار
م/اسامة فرج :اختيارمين ؟
محمد موافى :يعنى انا هقول لحضرتك على حاجة سيادة المستشارهل المجالس القومية هل المجالس المتخصصة بنفس الشكل
المستشار/سمير جاويد: التنموية انا اسف ماهى نفس شكل لجان الحزب الوطنى المنحل لجنة السياسا ت ولجنة الصناعة ولجنة التعليم
محمد موافى :ما هى كانت بتقول ان احنا بنعمل دراسات وبنديها للحكومة او بنؤهل ناس
المستشار/ سمير جاويد: لأ سياتك انا اسف عايز تقول ولد فى المهد صبيا معلش ما وصلش المعلومة
محمد موافى :انا
المستشار/سميرجاويد: اسمح لى اوصل المعلومة عاكفين بنقول ان الفكرة بتتبلوركل يوم عن يوم طفل بينمو لغاية ما يبقى رجل قادرعلى تحمل المسئولية انتهت باية التوصيات اول امس انتهت بتبنى مشروع كبير واحد حتى لا نتفرع فى مشروعات كثيرة تبنى مشروع واحد كبيرفى خلال 5 سنوات قادمة تقوم علية الدولة حتى نعيد بناءها من اول وجديدوليكن احنا قلنا 5 - 6 مشروعات والامس وبنكمل الاسبوع القادم والاسبوع بعد القادم انشاء الله
محمد موافى : مشروع ايه يا بيك
المستشار/سميرجاويد: وليكن مشروع المرور دلوقتى لو حليت مشكلة المرورهياتى المستثمر والا مش هيجى لك ؟
محمد موافى : هيجى
المستشار/سميرجاويد: لوحليت مشكلة الطرق فى عندك طرق ممهدة لكل جمهورية مصرالعربية تقدر تدى ميعاد فى اسكندرية بعد ساعتين بالضبط
تقدر تدى ميعاد لواحد فى اوروبا تقدرتقابلة بالعربية تقدرتدى ميعاد على مينا علشان تيجى لك المركب تنزل بضاعتك فى الوقت المحترم اللى انت عاوزة لوتبنينا و لو مشروع المرور لوحدة لمدة 4 سنوات قادمة تتضافر فيها كل جهود الشعب بدون تكلفة على الحكومة لان الحكومة مش قادرة على تسيرالعمل زى احنا ما نقول تسييراعمال مش قادرة تسييرالعمل الداخلى بشوية الفلوس الموجودة لتنمية الموارد المتاحة لو قدرت تجد هذه المنظومة وهذه الالية ازاى نخرج بتبنى مشروع واحد دون ثمة تكلفة على الحكومة هيبى فعلا الن ده نجح نجاح مبهر
محمد موافى : تمام
المستشار/سميرجاويد: وكل يوم باجد فكرة جديدة بقى وحد قالى كان عندنامشروع جميل قوى بيقول لحضرتك تعالى ناخد من كل واحد بيشرب علبة السجائر ناخذ منة فقط بس جنية واحد على علبة السجائر اللى بيشربهازيادة لصالح المشروع اللى هنعمله
محمد موافى:طب فى ناس دلوقتى قالوا ما بنشربش سجائر احنا بنشربها من الغلب يعنى
المستشار/سميرجاويد: لأ اناعايزاشيل من عليك الغلب السلع التى ليست اساسية سلع احنا بنسميها كل رجال العلم وكل رجال الاقتصاد وكل رجال القانون بسلع ترفيهية اى ان كانت تاخذ جنية من كل واحد وعندك حزبة صغير الكلام ده موجود بدراسة موجودة ورقة وقلم نقدر نعمل 50 مستشفى على غرار مستشفيات المانيا على اعلى مستوى علشان يتعالج فيها بتاع التامين الصحى مش لازم يتاع التامين الصحى يتبهدل مش لازم يترمى فى الشارع ما يلاقيش لابنة سرير او كرسى علشان يتعالج الله عليك نا كل
محمد موافى :كل تبرعات مصر للمستشفيات بالخارج
المستشار/سميرجاويد:طول بالك مش مستشفيات واحدةعامة 53357 واطفال ابوالريش مرميين فى الشارع بقول 53357 وبتوع معهد الكبد معهد الاورام وانا باتكلم شفت منظر يسئ اى ادمى مش يسئ اى بنى ادم مسلم يسئ اى ادمى
محمد موافى :بخصوص المسالة الطبية دى يا باش مهندس هل احنا محتاجين من ضمن لجان هذا المجلس او من ضمن طوائفة يعنى لجنة لتلقى واعادة توزيع ضعاف الصحة يعنى بدل ما تروح لحاجة واحده ولك الناس عندها استعداد تدفع بل ما مش عشان يعيش ابو الريش يعنى يموت ابو الريش
م/اسامة فرج:شوف اناعايزاقول لحضرتك انك لازم تحارب لاجل التخصصية لاجل ان يكون عندك ناس متخصصين يعنى نجيب الناس اللى بتفهم فى الطب لا انا دكتورولا حضرتك دكتورتجيب الناس اللى بتفهم فى الطب واللى ملهمش مصلحة
محمد موافى : جميل
م/اسامة فرج:واللى مش مستفيدين قول لهم تعالوا ياجماعة فيدونا فى المجلس التنموى للصحة تعالوا نقول هنبى البلد دى صحيا ازاى انا بس عايزاعقب على كلام الاستاذ سميراحنا بنفقد 100 مليارالمعلومة دى من الدكتور ابراهيم الديميرى احنا بنفقد 100 مليارجنية سنويا نتيجة حوادث الطرق و100 مليارزيهم نتيجة عطلة الطرق يعنى بنفقد 200 مليار سنويا
محمد موافى : وكام نفس
م/اسامة فرج :ما انا بكلمك على الماديات سيبك بقى من القوى البشرية ودى كانت هتفدنى فين وما شابة ذلك يعنى فا انا مش عايز اخرج بس بره الموضوع الرئيسى انا اللى هوان الفكرة احنا من يوم 11 لغاية النهارده واحنابنخون كل واحد يعمل فكرة نقوله الله ايه الفكرة دى وراها ايه ؟هل انت عايز تعمل لوحدك
محمد موافى :لوحدك
م/اسامة فرج:الله ينورعلى حضرتك احناعايزين نورى الوجة الاخرللثورة
عايزين نورى ان فى ثوارعايزين ينموا مش ثوارقادرين فقط علشان يتشابكوا فى حد اوقاعد لغاية ما ده يدخل السجن لغاية ما ده يروح مش عارف فين او الفلوس اللى برهتيجى عايزين نشتغل عايزين نقول للعالم اللى اشاد بالثورةبدايتها ديفيد كات اوباما كل الناس اتلكموا عن عظمة الشعب المصرى وعظمة الثورة المصرية والنهارده فى تليمحات غريبة من وزيرة الخارجية الامريكية هيلارى كلينتون ان الثورات فى الوطن العربى مستعدين ندخل ونبقى متواجدين فى المرحلة الانتقالية نساعد الناس خلينا نقول واعتصموا بحبل الله جميعا ولا تفرقوا عايزين نقول للمصريين المساعدات الاميركية كلها اد الى 03ر1 مليار دولار يعنى ما تكملش فى حين ان الدين بتاعنا
محمد موافى :والله انا موافق تماما على كل اللى حضرتك بتقولة بقلوك لجان الحزب الوطنى والا باقولك لجان مش عارف ايه انا باقلب الموضوع
م/ اسامة فرج :طبعا موضوع عشان يبان انه سهل طبعا طبعا
محمد موافى:سعادة المستشار حضرتك قلت مشروع المرور ده مشروع عظيم ايه تانى من الافكار علشان المشاهد يبقى عارف
المستشار/سميرجاويد:عايزاقول حاجة حاجة جميلة قوى سعدتك مش بتسمع بقالك سنين طويلة جدا عن حاجة اسمها المجتمع المدنى قعدنا نسمع عنه فى خلال 30سنة فاتوا
محمد موافى : ماهو كان محبوس
المستشار/سميرجاويد: اه هههه ماهوكان محبوس وطلع الحمد لله لأ ومع المجتمع المدنى دولة المؤسسات ((يعنى ايه المجتمع المدنى )) هو ده اللى بنعملة ده موجود فى كل العالم ولة مسمى المجتمع المدنى .. هو نفس المسمى المجتمع المدنى لازم يقوم بعدة مشروعات ملهاش علاقة بالحكومة علشان تخدم الوطن وتخدم الدولة من ضمن المشروعات التى تحدثنا عنها واللى جاهزة للتنفيذ بنسبة 100% تنمية سيناء اللى متروكه بقالها 25 – 30 سنة ماهو احناسبنا كل المشروعات ورحنا توشكى الناحية الثانية عكس الاتجاه تعلم ان المانيا سنة 2022 انشاء الله عز وجل حتعمل بطاقة الرياح وتترك كل انواع الطاقة البترول
محمد موافى :هم الان يصدرون الرياح
المستشار/سميرجاويد: هل تعلم ان افضل مكان لتوليد الطاقة من الرياح فى العالم
محمد موافى : قناة السويس
المستشار/سميرجاويد:توشكى اللى سيادتك رحت تودى لها المياه على بعد كام كيلو, ودرجة الحرارة فى الظل من 50 الى 55 تحرق الاخضر واليابس وهى افضل مكان فى الدنيا لتوليد الطاقة من الرياح..
محمد موافى : اه يعنى فى مشروع طاقة
المستشار/سميرجاويد: طبعا طبعا فى مشروع تنمية وتعمير سيناءطبعا فى مشروع حل ازمة المرورطبعا فى مشروع زى بتاع شرق التفريعة كيف يفعل مرة اخرى بدون رشاوى وبدون شئ من تحت الطرابيزة under table وبدون اى مصالح شخصية واجندات دخلية شرق التفريعة بيقولوا حضرتك رجال ال far east موجودين عندناهنا فى مصربقالهم 3 شهورعايزين يفعلوا المشروع مش عارفين يمشوا فى الشارع فى كمان المشروع بتاع ممرالتنمية اللى الراجل طرحة الراجل طرحة
م/ اسامة فرج : وشتموه
المستشار/سميرجاويد:خلينا نقول بقى خلينابقى نقول لوالنهارده المجلس التنموى بقى للتعميرموجود يبقى الطرحو الكلام جوا لجان المجلس على الجرائد مش على الوسائل الاعلانية ما اقعدش انا اقول دا المشروع ده فاشل هيسقط مصر وده يقول المشروع ده هيجيب مصر وده لأ
محمد موافى :الكلام ده داخل غرفة واخرج منها بقراربتعلم ازاى اخبى اسرارلغاية ما تطلع بقراربتعلم ازاى استعينوا على قضاء حوائجكم بالكتمان نتعلم ازاىنشتغل لصالح البلد دى مش نشتغل لمصالحنا الشخصية مش نشتغل علشان انا عايز انا بكرة هبقى فين عايز البلد دى بكرة تبقى فين
محمد موافى :باش مهندس عايز ا يه من المشاهد اللى بيتفرج علينا
م/اسامة فرج :عايزة يتواصل معايا على الايميل اللى احنا سايبينة عايزة يتواصل معانا
محمد موافى : حضرتك قولة تانى
م/اسامة فرج:الايميل موجود وممكن ينزل على الشاشة واخد بال حضرتك ((اهل مصر 111@ جيميل )) وصفحتنا على الفيس بوك عايز كل واحد عنده فكرة يقول لنا هويقدريخدم مصرازاى هويقدريدخل المجلس التنموى للتعميرازاى المجلس التنموى المجلس التنموى للزراعة للصناعة للرياضة واخد بال حضرتك يعنى فى فصيل كبير
محمد موافى : الكابتن هادى خشبة
م/اسامة فرج :اه طبعا الكابتن هادى خشبة والكابتن اكرامى وربيع ياسين
محمد موافى : يعنى العملية كلها اهلى
م/اسامة فرج:ورانيا علوانى الزمالك اه طبعا عايز اقول تعالى نفكر مش فى كورة بس فى الالعاب اية اللى ناقصنا علشان ننهض رياضيا اللى ناقصنا عشان احنا لما بناخذ ميدالية اوليمبية بنستنى الناس فى الطريق وفى المطار وده مش طبيعى فى امريكا وفى كل الدول بياخذوا 136 و150 ميدالية
محمد موافى : من ايام رشوان ماسمعناش عن حاجة
م/اسامة فرج :رانيا
محمد موافى : رانيا بس
م/اسامة فرج :عايزين يبقى ده لان احنا مهد الحضارات احنا بنتشدق ب 7 الالاف سنة حضارة
محمد موافى :اللى عندة افكارة اللى عندة طاقات
م/اسامة فرج : احنا احنا ابتدينا معانا من وسط ال 25 رئيس بنك الافكار
محمد موافى : دى حاجة موجودة فى مصر
م/اسامة فرج:ده موجودمعانافى مصرموجود فى المبادرة وكان المفروض انه هيجى معانا لكن هو فى الحقيقة بيجاهد فى مكان اخر بيدى المحاضرة او ندوة فى مكان اخرالاثنين متوزيعين اخونا صلاح السعيد فى مكان اخربرضه اخونا منتصرفى مكان اخر يعنى احنا متفرقين واحنا حضرتك ظهورنا اعلاميا مش المبغى احنا المهم ان انت ازاى تلف الناس حواليك ازاى تجيب الافكار خالد عنده 300 الف فكرة فى بنك الافكار 300 الف فكرة هناخذها نفلترها ياخذها رئيس المجلس التنموى للتعليم الافكار دى مع الافكار المدرجة فى المجالس القديمة ونطلع منها حاجة مودرن نطلع منها حاجة تقول ازاى نبقى كويسين
محمد موافى : طب انا عايز اتكلم فى موضوع ثانى خالص يخصنا او يخص هذا المبنى احنا معانا قاضى ونطلب منه الحكم بالعدل لو عرضنا علية القضية
المستشار/سميرجاويد:هل التليفزيون المصرى معلن وفاتة اذا ما استضاف شبابا يبشرون بالامل ام ان عليه كى يعيش اعلاميا ان يفتش عن المشاكل كمعظم الفضائيات - بسم الله الرحمن الرحيم ان الله يأمركم ان تؤدوا الامانات الى اهلها واذا حكمتم بين الناس ان تحكموا بالعدل والله العلى العظيم ان الحكم الا لله نقول ايه نقول حكمت المحكمة نقول التليفزيون المصرى اكيد ما متش وتغير وجهة بامرالله عز وجل فى فترة الحقيقة لا تقل عن شهرونصف شهرين قبل كده كان الحقيقة فى حالة شارفت او قاربت على الهلاك
محمد موافى : وليس كل من فى التليفزيون المصرى شارك فيما حدث
المستشار/سميرجاويد: دى كانت جريمة كانت جريمة فى حق الشعب وجريمة فى حق مصر وجريمة فى حق التليفزيون المصرى اللى هو بنعتبرة الهرم الرابع او الرقم الخامس بعد الصحافة حاجة كبيرة قوى مكنش يصح يحصل ابدا فى التليفزيون المصرى ما يصحش ابدا اه هومكنش يشارك الثورة ويشارك الشعب اللى هو يحسسة ان هو جزء منه
محمد موافى : بوافق حضرتك تماما
المستشار/سمير جاويد:مائة بالمائة احنا الحقيقة الوضع الحالى لأاحنا قاعدين وبنقول كلام محترم وبنقول كلام يبنى البلد دى وبيتسجل على التليفزيون المصرى علشان يكون للتاريخ للى هيكمل بعد كدة بامر الله عز وجل خلينا نبعد عن النزاعات الفردية ونبعد عن الانا شوية
محمد موافى : يارب يارب
المستشار/سميرجاويد: ونقول إن ممكن قوى ان فى ايد هتساعد ممكن قوى نخرج بفكرة تطبق بسرعة جدا عندنا واحد عمل لحضرتك 10الالاف وحدة سكنية ثمن الوحدة 70 الف جنية ومن غير قرش من الحكومة المصرية ويسكن الشباب وعنده الفكرة وجاهزة وجاب المكان الخاص بالتمويل
محمد موافى : ده تفاؤل جميل
المستشار/ سميرجاويد: موضوعات
محمد موافى : كلمة اخيرة هل لديك اقوال اخرى بعد حكم المحكمة
المستشار/ سميرجاويد: نعم هههههههه
محمد موافى : دلوقتى بقينا نتكلم بحكم محكمة
المستشار/ سمير جاويد: حقهم برضه
م/اسامة فرج : عايز اقول لكل المصريين اللى هما دلوقتى مختلفين وفى عراك عايز اقول لهم من كان منكم يعشق نظام حسنى مبارك فان نظامة قد مات ومن كان منكم يعشق مصر فان مصر ابدا لن تموت
محمد موافى:شكرا جزيلا نورتونا وشرفتونا واسعدتونا على هذه المبادرة الطيبة مبادرة اهل مصر مشاهدينا اثقلنا عليكوابالم او بوجع فى بداية الحلقةبالصورة اللى البعض بيراها قاتمة انا كنت من هذا البعض لكن انشاء الله ازدادنا تفاؤل بعد هذا اللقاء من كان لدية افكار او طاقات يتواصل بيها ومن كان منكم بلا خطيئة فليرمها بحجر او يحبها ويبنى فيها اى حاجة شكرا جزيلا لكم حتى نلقاكم دمتم فى رعاية الله وامنه .