شباك علي الثورة

هما في اسرائيل سمعوا عن حاجة اسمها أخلاق؟

وعن باقي موال اللواء عبدالمنعم حسني حاكم عام قطاع غزة الأخير يقول اللواء حمزة البسيوني مدير السجن الحربي الرهيب.
هو اللي راجل بطيء يفضل ياكل لحد ما يقطع النفس طب وهما اليهود حيلاقوا فين فرصة زي دي؟
قلت له:
بس برضه لازم يكون فيه أخلاق
ضحك وقال لي:
طب وهما في اسرائيل سمعوا عن حاجة اسمها أخلاق؟ قلت له:
بس برضه ياحمزة بيه دا راجل له وضعه كحاكم عام قال لي:
حاكم عام حاكم غرق أهو ساعة الشخاخ الروس ببتساوي ودول لقيوها فرصة يذلوا بيها المصريين راحوا مصورين صاحبنا وهو بيعملها في الخلا وبعتولنا الفيلم الفضيحة وضحك الدكتور أحمد يسري قائلاً:
تقوموا انتوا برضه تعملوها معاه وتصوروه وهو بيعملها وتبعتوا الفيلم للريس.. ياكفرة!
فقال حمزة البسيوني.
أوامر.
قلت له:
وياتري الأوامر دي كان القصد منها إيه!؟
وضحك الدكتور أحمد يسري قائلاً:
طبعاً كان القصد منها إنه يبطل يعملها لافي الستر ولا في الخلا.
- طب والحشر اللي طول النهار بيحشره ده يوديه فين؟
فضحك الدكتور أحمد يسري قائلاً:
الجيش قال لك اتصرف.
وقال حمزة البسيوني:
لأ والمصيبة إنه جاي من الأسر منشن علي كرسي المشير «مشفتوش دي الخيبة.. قال إيه إنه قضي طول فترة الأسر ما هاجمش جمال عبدالناصر!
فقال الدكتور أحمد يسري:
طب ماهي دي برضه نقطة تتحسب له.
ورد حمزة البسيوني:
نقطة إيه اللي تتحسب له إذا كان ماحدش طلب منه انه يهاجم جمال عبدالناصر.
قلت:
وتفتكر ياسيادة اللوا انه لو كان حد طلب منه انه يهاجم جمال عبدالناصر كان هاجمه؟
فقال: وليه لأ حاكم الراجل اللي همه بطنه ده ممكن يعمل أي حاجة لو جوعوه.
وضحك الدكتور أحمد يسري وقال متخابثاً:
أي حاجة أي حاجة حتي لو؟
فقال حمزة البسيوني:
حتي لو، أنا يا ما ورد علي في السجن أشكال من دي وكلهم بسم الله ما شاء الله قيمة ومنظر.
قلت له:
كثير؟
قال لي:
ماتعدش