بين قوسين .. رجالة مصر ربع عمر

صباح الفل
هوة مش فل أوي لكني متفائلة بطبعي فخلينا فل .. يا أستاذة نيفين أنا ملاحظة ان حالات الطلاق والخلافات الزوجية زادت جداً الايام دي الظاهر كدة ان حالة البلد مأثرة على المزاج العام وخصوصا الرجالة ..؟لكن الغريب هوة نوع المشاكل وأسباب الطلاق المشتركة في الحواديت بتاعة أصحابي المطلقين او المختلفين وعلى وشك الطلاق وهي حالة الرجالة الصحية .. بين قوسين الحالة الخاصة بالعلاقة الخاصة .... وانا شايفة لو الحال استمر على كدة في البلد رجالة مصر هتنضرب بالجزمة لا مؤاخذة هههههههه يعني اللي داخلة على جوازة تفكر الف مرة او تصرف نظر او تتشرط براحتها ماهي هتاخد راجل ربع عمر .. بصراحة الموضوع ده مضحك جداً على الرغم من الكآبة اللي الكل عايشها الايام دي ومن كل ما تحول الى شبه ظاهرة قلت لازم افضح الدنيا خصوصا اني بشمت في الرجالة مووووووت ...، أنا عارفة ان الرجالة أصدقاء فضفضة هيشتموني لكن طظ انتوا مش فارقين معايا زي ما انتم مش بيفرقوا معاكم زوجاتكم لما بتتجوزوا عليهم او بتصاحبوا عليهم ..
بالنسبالي أنا فضفضت شوية وضحكت وخلاص ... سلام يا رجالة الهنى
علياء المهندس