كرسي الرئاسة لا يمكن يشيل راجل شريف

صباح الخير .. يا جماعة انا مشكلتي من ساعة ما بدأ انتخاب الرئيس وانا بحلم بكوابيس مفزعة لا وايه بالتفاصيل .. طول الحلم حديث داير بيني وبين اصحابي على مين اللي هيبقى رئيس وفي الآخر نتخانق .. بقوم من الحلم القولون واجعني وفي حالة عصبية واضحة ومش عارف انام بهدوء نهائي وكل يوم على كدة كل يوم
.. أعصابي باظت وبدات آخد مهدئات وانا مش بطبعي باخد أدوية خالص حتى لو جالي شوية صداع .. يا جماعة هوة انتوا كمان كدة ولا انا ضربت ؟ هوة احنا ليه خايفين بالدرجة دي ؟ حاسس اني هخرج من الفترة دي عندي امراض نفسية وعضوية بسبب الضغوط الرهيبة اللي في وقت يعتبر نسبيا قصير .. هوة انا لوحدي واصل للدرجة دي ولا فيه غيري عايش تفاصيل مؤلمة ؟ إمال لو جه ريس حد من الموجودين على الساحة هيحصل فينا ايه خصوصا ان كلنا فاهمين ان مفيش حد فيهم صاحب ضمير ومحدش ييجي يقول لي ان اي واحد من التيارات الدينية قلبه زي الفل , هوة لو كدة هيموت نفسه على الكرسي ليه ؟ كرسي الرئاسة لا يمكن يشيل راجل شريف .
ف . ك