مش فياجرا عشان الدماغ متروحش لبعيد

السلام عليكم

معلش يا جماعة اسمحولي بطرح سؤال على السادة الرجال والشباب هوة سؤال محرج شوية لكن لابد منه وقبل السؤال احب اعرفكم بظروفي اللي دفعتني لكدة .. أنا شاب عندي 29 سنة ومش هكدب عليكو أنا باخد معظم المنشطات والمقويات الجنسية او اللي الشباب بيستخدموها عشان تعلية الحالة الجنسية هية اصلا طبية ودة مش لأني كنت بشتكي من حاجة لكن بسبب الثقافات اللي الشباب بيتبادلها عشان يبقى الواد اللي محصلش لكن اللي ابتديت ألاحظه ان الموضوع قلب غم خالص ودلوقتي لا أنا محصل ابقى زي الاول ولا بالحاجات دي حاسس بنفس النتائج اللي كانت بتعملها في بداية استخدامها ده غير ملاحظتي لأعراض تانية مخيفة ... السؤال بقى .. هل يا اهل الخبرة الأقراص دي ممكن فعلا تكون سبب مباشر في سوء حالتي خصوصا اني مكنتش في احتياج ليها من الاول ؟ وهل الأعراض المرضية زي الفتور وخلافه ممكن برضه يكون الأقراص دي هية السبب فيها ؟ أنا مقصدش على فكرة الفياجرا عشان بس متروحش الدماغ لبعيد أنا اقصد ( الجدول) .... أنا محتاج بقى الشباب يفيدوني في الحواديت دي عشان ابتديت اقلق م الحوار ده ... معلش مش هكتب اسمي ... لا مؤاخذة يا بشر وشكرا للمساعدة مقدما