رقم يخض.. هنا الزاهد سعيدة بسبب تامر حسني | والفنان: مش قلتلك

وجهت الفنانة هنا الزاهد ، رسالة للفنان تامر حسنى بعد عرض فيلم " بحبك " فى لندن وذلك بعد نجاحه فى مصر وتحقيقه إيرادات كبيرة.
وقالت الفنانة هنا الزاهد عبر حسابها الشخصي " انستجرام " الحمدلله يارب .. رقم يخض ... مبروك يا تامر، انبسط بفيلمك لأنه أول إخراج ليك، تعبت جدا وربنا كرمك أوي، ومبروك لكل الكاست وكرو الفيلم اللي تعبوا جدا فيه".
وتابعت " ربنا كرمنا جدا جدا، شكرا لكل الناس اللي بعتت لي من ساعة ما الفيلم نزل، لحد دلوقتي، وشكرا لكل ناقد كتب عني في الفيلم سعيدة جدا ومبسوطة إني كنت جزء من فيلم بحبك " .
برومانسية لافتة.. هنا الزاهد رفقة زوجها أحمد فهمي على إنستجرام
تشابه كبير يشعل السوشيال ميديا.. أول ظهور ل ابن تامر حسنى مع العائلة
ولذلك قام الفنان تامر حسنى بالرد عليها من خلال خاصية ستورى قائلا " انا مبسوط أكتر ليكى يا أجمل هنا ربنا يكرمك على قد تعبك و قلبك و كرمنا كلنا علشان اخلصنا و حبينا الخير لبعض .. وفرحان من كل قلبى علشان أول فيلم عربى يوصل للرقم كدة فى التاريخ هو من تأليفى قصة و سناريو وحوار وموسيقتى التصويرية و اخراجى كمان ".
واستكمل كلامه " فاكرة ياهنا كام حد قالنا مش هتقدروا تنجحوا و تامر مش هيعرف يعمل كل دا و ينجح أهو عرف بقى معلش ... شكرا للملايين اللى شافوا الفيلم و شكرا لكل ابطال الفيلم شكرا لجميع جهات الانتاج والتوزيع اللى صدقتنى لما قولتلهم بعون الله هننجح بفيلم رومانسى ... الحمدلله اللى بيطلع من القلب بيوصل للقلب".
تامر حسنى عبر انستجرام
وتدور أحداث "بحبك" حول حياة شاب يخوض قصتي حب، ويتخبط قلبه بين فتاتين، ويُظهر اختلاف مدى صدق التعبير عن الحب بين الرجل والمرأة.
فيلم "بحبك"، هو أولى التجارب الإخراجية للنجم تامر حسني، وهو من تأليفه وبطولته أيضاً، ويشارك في بطولته كل من: هنا الزاهد وحمدى الميرغنى ومدحت تيخة وهدى المفتى وعمرو صحصاح وتميم عبده وسمر محمد متولى.