تامر حسنى يروج لفيلم"بحبك" ويعلن موعد عرضه

نشر الفنان تامر حسني فيديو دعائي لفيلمه المنتظر "بحبك"، بعد الانتهاء من التصوير، وأعلن موعد عرضه، وذلك عبر تطبيق انستجرام.
وقال تامر حسني معلقا على الفيديو:" الإعلان الرسمي الأول لفيلم بحبك.. والمحدد إصداره إن شاء الله بعيد الأضحى المبارك القادم".
فيلم "بحبك" تأليف وإخراج تامر حسنى في أولى تجاربه بالإخراج السينمائي، وبطولة تامر حسنى، هنا الزاهد، حمدى الميرغنى، هدى المفتى، مدحت تيخة، شهد الشاطر، عالية راشد.
ونشر تامر حسني عير حسابه علي موقع التواصل الاجتماعي فيس بوك صورا من كواليس الفيلم مع هنا الزاهد في فبراير الماضي وكتب عليها ": مساء الهنا على اغلى ناس على قلبي انا دي صور من اول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً ".
وأضافت :" الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم ".
وقال :" و مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله و للأسف لسه مصورش علشان انزل صوره بس في اول يوم تصوير له ههريه صور و انتظروا بعد ايام انضمام نجمه جميله مميزه من نجوم المستقبل" اللي هيكون ليها مستقبل كبير ان شاء الله ".
اختتم :" و فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي".