بسنت حميدة : عندي إرادة قوية ويارب أجيب الميدالية الذهبية الثانية بكرة

علقت بسنت حميدة لاعبة منتخب مصر لألعاب القوى ع على تأهلها لمنافسات 200 متر عدو في منافسات دورة ألعاب البحر المتوسط المقامة بمدينة وهران بالجزائر قائلة : " بكره " الفاينل " وربنا يقدرني وأجيب ميدالية ذهب تانية لمصر بإذن الله " .
تابعت خلال مداخلة " خلال " برنامج " كلمة أخيرة " الذي تقدمه الاعلامية لميس الحديدي على شاشة ON": المنافسة على مسافتي 100 و200 متر بنفس القدر من الصعوبة والتحديات لانهما أعلى السرعات في البطولة ويحتاجان كل شيء طاقة وتركيز من بداية التدريب حتى النهاية بكل التفاصيل لاننا بنتدرب أننا نجري بأجزاء من الثانية وبالتالي التحدي صعب ".
واصلت : لكن ربنا يوفقني وأعمل واحدة تانية بكره أنا حطمت رقم قياسي في دورة ألعاب البحر المتوسط وهو أول رقم يحقق فيها منذ تأسيسها ".
وعن مشاعرها وبكاءها بعد تحقيق التأهل قالت : " كنت محبطة في أولمبياد طوكيو بسبب الاصابة قعدت شهرين أو ثلاثة في حالة نفسية صعبة وكلها تأهيل وعلاج لكن لما بقع أو تحصلي مشكلة بعرف أن ربنا شيالي الافضل وأن ربنا لما بياخد حاجة بيديني الاحسن وراضية بأي إختيارات ربنا وحكمته في الاختيار جميلة ".
واصلت : من وقت الاحباط والطاقة السلبية أخدت عهد على نفسي أن الدموع مش هتنزل تاني إلا في إنتصار وفرح وبعد دعم أهلي وأرستي المدرب بتاعي وقف معايا وساعدني ".
وعن مشاعرها مع مدربها وزوجها محمد عباس قالت : كنت بدور عليه لاني أول ماشفت دموعه وهو عيط عليا كتير قبل كده من الزعل عليا ولما لقيته عيط من الفرح رحتله وقلتله دموعنا نزلت من الفرح النهارده لكنه تب معايا كتير ووقف معايا وعمره مازهق ولا اصابه اليأس .. كل ماأشوف الفيديو أعيط ".
إتسطردت : " هو كابتن أصلاً بطل من أبطال ألعاب القوى وكان بطل مصر وإفريقيا واول مبدأت ألعب ألعاب القوى كان بيتدرب مع نفس المدرب الي بتدرب معاه ووقت الثانوية العامة مكنتش بعرف أحضر التدريب بسبب المذاكرة ومن وقتها وهو وقف معايا بشكل ابوي أوي بيقف معايا دايماً من وقتها ودخل المجال عشان يساعني وأخد كورسات تدريب لمساعدتي ".