نور إسماعيل تكتب: شمس ديسمبر.. الحلقة السادسة

أيمن: طيب مدام بتحبها كده .. ما تحاول تصالحها؟.. وترجعو، وتبقى احسن
أمير: وإن كان فيه بيعجز عن كده
أيمن: فهمتك.. الكرامة مش كده
كان قايم يحط شريط كاسيت عشان يبتدى الجلسه وفجأته بالاجابة!!
أمير: فيه شئ اقوى من الكرامة!
أيمن: ايه هو؟
امير: الموت !!!!
الدكتور أيمن.. ساب من ايده الشريط اللى كان بيحطه.. وقعد على الكرسي اللى قدامي مش على مكتبه
ومفتحش الكاسيت يسجل جلستى
أيمن: كنت حاسس!! استنتاجى عمره م اخطئ، البنت الى بتحبها ماتت.. مش كده ؟
انا حسيت.. لان لا يمكن تكون يدوب علاقه حب او ارتباط ويكون ده رد فعلك لما تسيبو بعض!
=-=-=-=-=-=-=-=-=-=-=-=-=-=-=-
لاااااا بقى لازم اعرف ايه الى بيحصل ده كله معايا..
فريدة: كانت بجد مش فاهمة هى ليه بيحصل معاها كده .. احلام مزعجه ..وبتشوف ناس بتصرخ
وحد بيعيط بحرقه
بس هى متعرفش ايه سبب الاحلام دى
ولا عارفه بردو ايه الاصوات الى بتسمعها فشقتهم دى .. كانت معندهاش اى اجابة غير انها تروح اخيرآ لمامتها عند خالتها
وتسألها
=-=-=-=-=-=-=-=-=-=-=-=-=-=-=-=-
امير: انتحرت!!
ايمن: حبيبتك انتحرت ؟
امير: حتى الموت استكترها عليا واخدها منى ، وهى استكترت نفسها عليا واختارت الموت وسابتنى
كنت هبتدى اعيط لانى مبحبش اصدم نفسى بالحقيقة دى
كان دكتور ايمن مقاطعنى ..
ايمن: لا من البداية وواحدة واحدة تحكيلى كل حاجة عن علاقتكم من بدايتها .. لغاية م انتحرت !
امير: (ميلت فالارض والدموع مش شايف منها ) هى كل حاجة واغلى حاجة يا دكتور
كانت فرحتى ودنيتى وكل الناس هى
انا مش عارف اعيش
انا دلوقتى هقولك انا وهى كنا عاملين ازاى
وانت تحكم
ان كان فعلا اقدر اعيش من بعدها ولالا ؟
او زى ماانت بتقول كاية عادية وفشلت واقدر اكمل عادى زى كل الى كملو
ايمن: وانا مش هستقبل جلسات بعدك حتى لو جلستك طولت عن معادها، المهم
انت انهاردة !!
=--=-=-=-=-=-=-=-=-=-=-=-=-=-=-
الشقه كانت فاضية .. ومش فيها غير ماما فريدة وخالتها كانت بتوزع شعل الخياطة الى هى بتشتغله فالبيت وبتعمله للحبايب والجيران
واهى بتطلع بقرشين يساعدو عالمعيشه
..
الخالة كوثر: سلام عليكم يازينب !
الام: وعليكم السلام (راسها مطاطيه فالى قدامها)
الخالة كوثر: ايه ده !! (شميتى الريحه دى ؟
الام: ريحة ايه ؟
الخالة كوثر: ريحة فريدة ..فالمكان
الام: (بسرحان ) من اول م صحيت وانا شماها ..
الخالة كوثر: مالك ياام فريدة ! بس
الام: معرفش قاطعة فيا فريدة اوى انهاردة .. الواد امير الى كان خطيبها لسه بيتصل بيها لحد دلوقت
مش مصدق الى حصل
الخالة كوثر: (وطت راسها بحزن فالارض) ومين يصدق يا زينب.. فريدة كانت وردتنا وفجأة الوردة انطفت !
الام: (بتعيط بحرقة ) الله يسامحك يابنتى
الله يسامحك ع الى انتى عملتيه فينا ده
الخالة كوثر: متقوليش كده يا زينب واطلبلهلها الرحمة ..
الام: ربنا يرحمك يابنتى ..ويارب متكونى من اهل النار عاللى عملتيه
طول عمرك كنتى بتصلى وتصومى
وجيتى فالاخر ضيعتى كل حاجة وغضبتى ربك
وحرقتى قلب امك
الخالة كوثر: صلى عالنبى ووحدى الله بس ..
الام: منين اجيب الصبر ياناس.. لا اله الا الله
-=-=-=-=-=-=-=-=-=-=-=-=-=-
ايمن: موضوعكم جه بسرعه يعنى ؟
امير: بص ..انا طول الوقت كنت بحلم بفتاة احلامى زيي زى اى شاب .
وعشان انا بقرا كتير وبالف قصص زى ماانت شوفت
ايمن: اها
امير : اول م شوفت فريدة !! حسيت انها ترجمه لكل بطلات رواياتى الى تخيلتهم
نفس الملامح
نفس الشخصيه
نفس بصة العيون
وكأنى كنت بحكى عنها فكل مرة
عشان كده حبيتها .. حبيتها وكانت كل الحب هى
ايمن: وبعدين..
امير: فريدة كانت بتحب التمثيل، بتعرف تمثل وعندها الموهبة وانا عارف
متنساش ان مرة من مرات لقانا شوفتها ف انتر فيو تمثيل
هى اتقبلت
وانا اترفضت .. وقالولى انى لازم اركز افكارى عن كده ..عشان القصة تبقى ملموسه وواقعيه
ايمن: فاختارت تكمل مع فريدة عشان تعرف تكتب واقع انت عايشه
امير: فريدة !
فريدة كانت دنيا وحياة وفرحة معشتهاش
كانت اقل حاجة بتفرحنا سوا
واى حاجة بينا مش بنخبيها ع بعض
عمرنا م اتخانقنا .. وعمرنا م اتخاصمنا يوم!
هى بس حكاية التمثيل كانت شاغلة دماغها طول الوقت ..وكان نفسها حد يكتشفها
ايمن: لحد دلوقتى انا شايف انها انسانة سوية جدآآ ، مافيش مبشرا لانسانة غريبة الاطوار عشان تنتحر
امير: انا كمان مش مصدق انها اتنحرت .. فريدة عمرها م تعمل كده
عمر م تختار نهاية علاقتنا تكون كده
ايمن: اومال؟
امير: فريدة كانت بتحب تتقمص الادوار .. يعنى كل م دور يعجبها ففيلم
تقلده معايا وببقى عارف انها بتعمل كده زى فنانة معينة او حاجة وبعديها
قلت يا واد حتى حلمها هتقف قدامه
خليها تحلم ع اداها
ايمن: لا مش فاهم معلش.. يعنى ايه تتقمص الادوار؟
امير: يعنى مثلا شافت فيلم عن الخيانة ..تعمل زى م كانت بتعمل البطلة مع البطل بالظبط
كنت فين
ورحت فين
والساعه كام
وايه الشرايه دى ..كانت مجنونة حبيتين بس انا كنت بحبها بكل تفاصيلها
وبتيجى فنص الحوار تدلق بقى ..
انا شفت فيلم الفلانى وحاسة ان دورها متملكنى اوى انهاردة
ايمن: وبعدين
دكتور ايمن كان بيكتب حجات غريبة فورقة محطوطة جمبه عالمكتب ..
بس انا كملت كلامى لانى كنت لازم اتكلم بقى ..
-=-=-=-=-=-=-=-=-=-=-=-=-=-=-=-=-=-
وفعلا ،،مشيت فريدة
وراحت عند مامتها وخالتها
الباب كان مفتوح كالعادة لان الاء كانت سايباه عشان بتلعب فالشارع
ومامتها حركتها بطيئة وتقبله مش كل شوية هتقوم تفتحلها
دخلت فريدة وهى متدايقه لاقت مامتها قاعده فالصالة .. وبتشغل بلوفر بالتريكو
الخالة كوثر: وانا جاية عديت ع الحج صلاح وادانى فلوس الايجار بتاع الشهر
الام: يوشكر كتر خيره
الخالة كوثر: اقوم اعملك حاجة تشربيها ..
قامت خالت فريدة للمطبخ ..وسابت ماما فريدة لوحدها فالصالة
ومرة واحدة دخلت فريدة من الباب..:..
فريدة: مااما ، انا مكنتش هاجى ع فكرة وعارفة انكم من بدرى هنا وسايبينى
بس انا بجد اتخنقت من اسلوبك ده
يعنى سيبانى ومقولتيش
واخدتى اختى الاء
وكمان معرفتنيش ان البيت مسكون !
ماما فريدة : (سابت الابر مرة واحدة من ايدها ) ياترى ظالمينك ولا ظلمتى نفسك يابنتى !
فريدة: ماما كلمينى وردى ع اسئلتى لو سمحتى !
بيتنا مسكون صح ؟
ماما فريدة : ساكته )ومش بترد ورجعت مسكت الابر تانى وكملت شغل وعيونها مليانة بالدموع
فريدة: يعنى مش عايزة تردى ؟ عشان كلامى صح
الخالة كوثر: عملت كوبايتين شاى زى الفل اهم
فريدة: خالتى !! خالتى قولى لماما ترجع معايا
الام: بقولك ايه يا كوثر .. كنت عايزة اطلب منك طلب
الخالة: عينى ياختى اؤمرى
الام: كنت عايزة اروح اشوف فريدة دلوقتى
كنت مستنياكى من بدرى عشان نروحلها لما تفضى
فريدة واقفة قدامهم ..وهما الاتنين قاعدين عالكراسى الى فتربيزة الصالة ..
فريدة: تروحولى فين انا هنا !!
محدش بيرد عليا ليه ؟
وبعدين حتى انتى ياخالتى مش راضيه تكلمينى ؟
الخالة كوثر: هنروح دلوقتى يا زينب؟ الليل دخل ياختى ،خليها الصبح
الام: (مسحت دموعها) حلمت بيها عايزانا ياختى ..معلش
نروح ونيجى بسرعه
بس مسيبش بنتى عايزانا واقف واسكت وانفذش طلبها
فريدة: انتو بتتكلمو كده ليه ؟؟ هتجولى ازاى وانا واقفة بينكم اهو
وبعدين حلمتى ده ايه .. انا مش لاقيه الفون بتاعى عشان اكلمك حتى !
انتو محدش بيرد عليا ليه
طب انا هنا اهو اشوف هتروحولى الشقه هتلاقو مين هناك
الخالة كوثر: طب هنجيب الاء معانا ؟
الام: لا سيبيها تلعب ومتقوليش رايحين فين لا تشبط فينا ، انا لحد دلوقت معرفتهاش ...
اختها فين
من يومها
الخالة كوثر: خلاص يا ختى استهدى بالله .. غيرى انتى هدومك ع بال م انا انزل اشوف عربية تودينا
فريدة: ايه الناس الى مش معبرانى دى ..ياناس ردو علياااااااااااااااا
=-=-=-=-=-=-=-=-=-=-=-=-=-=-=
امير: قبل... قبل ما..
ايمن: كمل كمل من غير م تقولها مدام صعبة عليك
امير: قبلها بيوم.. اخر مرة شوفتها فيها
كنا سوا
مع بعض
كنت نفسها تدخل سينما ودتها
وافتكرت كل حاجة فاليوم ده بالظبط..ورحت لبعيييييد كانه حاصل دلوقتى .
فريدة: تعرف يا امير؟
امير: نعم
فريدة: انت الوحيد الى عملتلى كل حاجة كان نفسى فيها ، انا كنت طول عمرى هموت وادخل سينما زى دعاء لما اهلها بيدخلوها
امير: حبيبة قلبى انا والله لو بايدى اشتريلك الدنيا واعملك كل الى نفسك فيه ..بس انتى عارفة ظروفى
فريدة: حبيبى انا عارفه ..انا بس بقولك
وبعدين انا عمرى م كان نفسى ففيلا وعربية وشاليه
انا نفسى بس نبقى سوا
ومنسيبش بعض ابدآ
امير: وبس ؟! مافيش حاجة تانية نفسك فيها ؟
فريدة: هههه متكسفنيش بقى ماانت عارف
امير: ده انا حفظتها مش عارف وبس هههههههه
فريدة: نفسى والله ياامير.. ابقى مشهورة وكل مصر تحكى عنى
امير: وبعدها ممكن متعرفنيش تانى وتقولى طلقنى يا صعلوك !
فريدة:لالالالالا ده انت حبيبى هنكبر سوا ونشتهر سوا
انا عمرى م انسى اول واحد حسسنى بانى غالية ومسح دمعتى بايده
امير: من بعد كده مافيش دموع ان شاء الله، عايز اقولك ع مفجأة
فريدة: قول!
امير: بصى الفلوس كلها الى انا محوشها معاكى .. هاخدها وافتح مشروع انا والواد شادى وحامد
فريدة : (اتغيرت وسابت ايدى ) بس الفلوس دى عشان جوازنا ياامير
امير: ماهو ياحبيبتى المشروع ده جمب محل الورد بتاعى ، عشان ظروفنا تتحسن عن كده
مانا مش هخليكى تشتغلى بعد الجواز طبعآ
فريدة: (بعصبية) وهو ايه المشروع بقى
امير: ومالك متعصبة ليه ؟
فريدة: مش متعصبه ولا حاجة
امير: لا فيه ايه اتغيرتى وشيلتى ايدك ؟
فريدة: اولا مشروع يعنى لسه وقت وفلوس واحنا مصدقنا حوشنا مبلغ عشان نتجوز فشقه بالايجار ونجيب العفش
يعنى لسه هستنى تانى اكتر مانا مستنيه ياامير
انا زهقت بقى
امير: ليه بتحسبيها من هنا يعنى .. ليه مش فاهمة وبضطرينى احس انك غبية !!
فريدة: انا غبية ياامير ؟ طيب
ابقى شوف الذكية الى تفضل معاك !
......................
ايمن: وسابتك ومشيت؟
امير: ومرضيتش ترد عليا لما كلمتها بليل..كنا اول مرة نتخانق من ساعه ارتباطنا
والخناقه هايفه يعنى مش مستاهلة
ايمن: وبعدين ؟
امير: تانى يوم.. انا ك..ك كنت رايح اصالحها تانى
(بعد م دموعى نشفت رجعت تانى تنزل لانى افتكرت كل حاجة .واصعب حاجة ممكن افتكرها
ومتروحش من بالى ابدآ).
-=-=-=-=-=-=-=-=-=-=-=-=-=-=-=-=-=-
فريدة: انا بكلمكم هنا وانتو مش بتسمعونى ليييييه
الام: يلا بينا يا كوثر
الخالة كوثر: تعالى اسندك لحد م تنزلى عالسلم
الام: لا انا هنزل واحدة واحدة .. روحى انتى وانا هحصلك
فريدة: ياماماااااااااا مش كده !
ردى عليااااا
نزلو وركبو العربية وركبت جمبهم فريدة
بتحاول تكلمهم وبردو مش بيردو !
وفجأة وقفت العربية ..عند المقابر!
نزلو مامت فريدة وخالتها .. وهما بيتسندو ع بعض
وفريدة نازلة معاهم ..مبرئة عنيها وجسمها اترعش مش مصدقه هما جايين هنا ليه
شغاله تلف حوالين نفسها
من كل حتة بتحاوطها القبور
منظر مخيف خصوصآ بليل
فريدة شغالة تمسك فشعرها وتستغرب وماشية وراهم تكلمهم وهما مش بيردو عليها..
=-=-=-=-=-=-=-=-=-=-=-=-=
أمير: (بيعيط بحرقة ) قعدت ... قعدت تقول نفسى ابقى حاجة مشهورة وكل الناس تتكلم عنى
بقت مشهورة والناس اتكلمت عليها
فريدة البنت الى اتكلمت عنها كل الجرايد والاخبار..الى انتحرت فظروف غامضة يادكتور !!
ايمن: هى دى ؟ ايوة طبعآ فاكر الحدث ده
كانت مضروبة بسكينه فقلبها تقريبآ وملاقوش بصمات غير بصماتها
هى فالشقه كلها و ع السكينة ومحدش كان دخل او خرج من البيت اساسآ
واتقفل المحضر ع انها انتحرت
امير: انا رحت ... رحت
ايمن: اهدى ومتبكيش (جابلى مناديل )
امير: رحت اصالحها وجايبلها ورد من عندى .. لاقتها
لاقتها غرقانة دم وواقعه جمب تربيزة السفرا بتاعتهم
وبوليس مالى الشقه
وناس كتير
وامها قاعده عند راسها وبتعيط
سألت فيه ايه ؟ فيه ايه محدش بيرد عليا
وكشفت الغطا الى عالجثة
لاقتها فريدة
-=-=-=-=-=-=-=-=-=-=-=-=-=-
الام: اقريلها الفاتحه يا كوثر واطلبيلها الرحمه
فريدة ..جت جمبهم قرت مكتوب عالشاهد الى واقفين عنده !
"هنا قبر المرحومة فريدة نصر الدين عادل"
ولدت عام .... توفيت عام ....
فريدة قعدت ببطئ جمب القبر وحضنت نفسها اوى وهى بتعيط بهستريا جامدة وسنانها بتخبط فبعض !!
فريدة: ده اسمى الى عالقبر..! انا ميتة !
انا ميتة
وفجأة جرحها فقلبها بدآ ينزف دم ورا بعض
وافتكرت الحلم دلوقتى الى بتشوفه كل يوم..بصورة واضحة
أمير: اصحى يابت بلاش سلبطه
هى :
هو : على فكره استعباط مبحبش ، انتى عايزه تعرفى غلاوتك عندى اد ايه يعنى ولا ايه ، قومى بقى بلاش دلع !!
هى :
" كل اللى حواليه بقالهم ساآعه بيحاولوا يقنعوه ان فيه واحدة ميته بس هومش مصدق "
أمير : طب بصى الدبدوب اللى كنتى هتموتى عليه جيبتهولك اهو قومى شوفيه بلاش رخامه ،
انتى مش بتردى عليا ليه ؟؟
، طب فتحى عينيكى لو سمعانى ، طب حركى ايديكى
حبيبتى انتى عارفه انى ماقدرش اعيش من غيرك ، وبعدين احنا اتفقنا مش هنسيب بعض وانتى عايزه تندلى معايا ، قووووومى بقى _
طب قومى وانا والله عمرى ماهزعلك ، هعمل كل اللى انتى عايزاه ،مش هعمل المشروع الى مدايقك وهنتجوز بالفلوس، "
: يابنى حرام عليك اللى بتعمله فى نفسك وفينا ده ماتعذبهاش وتعذب نفسك وتعذبنا ادعيلها بالرحمه "امى ساعتها كانت بتقوله
هو : انتى ليه بتقوولى كده هى مماتتش والله هى بس مغمى عليها ، هتقووم دلوقتى وتبقى زى الفل.
"بدأت الدموع تنزل من عينيه وهو بيتكلم "
هو : حبيبتى قومى بقى قلبى وجعنى والله مش قادر استحمل
"
هو : انا مش مجنووون انتوا بتعملوا معايا كده ليه ، هى هتقووووم دلوقتى
وتمشى معايا ، انتوا مش فاهمين حااآجه انا وهى اتفقنا على كل حاجه فى
حياتنا ، اتفقنا على فرحنا هيكون فين ، ولادنا هنسميهم ايه ، كل تفاصيل حياتنا راسمينها مع بعض ، بعد كل ده تيجوا تقولوا انها هتسيبنى ، هى بس تعبانه شويه وحتقوم دلوقتى ، حبيبتى قوومى ابوس ايديكى مش قادر اتكلم مش قادر اخده قومى بقى ، مين هياخد باله منى طيب ما انتى عارفه ومش بعرف اعمل حااجه من غيرك قوووووومى ماتسيبينيش ، ماتمووتييييش حرام انا مش هعيش فى الدنيا دى من غيرك
" ياخد راسها على صدره ويصرخ
ويقول يااااااااااااااااااااااارب "
يارب انا مكنتش عامل حسابى على كده ،
ياااارب انا كنت عايز اموت انا الاول
يااااااااااااارب خدنى انا مش عايز اعيش فى الدنيا دى من غيره
وكنت بقول هى مين دى الى بيعملو عليها كده ... اتاريها انا !!
الام: يلا بينا: (بتمسح دموعها)
فريدة: (بتعيط وماسكه جرحها بايدها ) ماما متعيطيش.. انا جاية معاكى
متسيبونيش هنا لوحدى فالضلمة
انتى عارفه انى بخاف
-=-=-=-=-=-=-=-=-=-=-=-=-=-=-=-=-=-
امير: (بزعيق)فريدة منتحرتش!! منتحرتش انت مش عايز تصدق ليييييييه
ايمن: طب اهدى اهدى طيب
امير: (بدأت اترعش لما افتكرت منظر فريدة وهى مرمية قدامى ) اكيد دى مش حاجة عشان تنتحر عشانها
دى خناقه تافهه
ايمن: (بيزعق وبينادى عالنيرس الى برة ) انتى يابنت ياللى برة !!
مش بنادى عليكى
النيرس: ايوة يا دكتور؟ انا اسفه
ايمن: حضرى حقنة مهدئة قوية بسرعه
امير: ااااااااااااااااه يافريييييييييدة !!
كانت بتحكى عن الحياة والتفاؤل
هى بتخاف من الموت يا دكتور هى بتخاف من الموووووووت
ايمن: (ماسكه وبيهديه ) مصدقك بس اهدى طيب
امير: سابتنى وحدى .. انا استنتها انهاردة عشان عيد ميلادها وجبتلها هدية هى بتحبها
وطلبتها منى
ومجاتش!
تصدق مجاتش..ونسيت عيد ميلادها فكرانى هنساها
أيمن: يا بنى ادمه يلا !!
النيرس: اتفضل يا دكتور
بتديلة الحقنه .. كنت انا انتابتنى حالة غريبة من التشنج والعصبيه ووقعت من عالكرسى واخبطت .. وبعدها عيونى بدآو ينزلو واحدة واحدة ... لحد م بقت الشاشة قدامى سودااااا
ونكمل بكرة...
يتبع..