عادل حسان سليمان يكتب: وقال لى السائق.. من يحكم مصر

ركبت سيارة بالأجرة مع سائق يبدو من كلامه أنه مهتم بعض الشىء بالسياسة فقال لى: هل رأيت ما حدث فى البلد؟؟ هو إحنا كنا بنقوم بثورة علشان الحاجة كل يوم والتانى تزداد غلاء؟؟؟ وبعدين هناك موضوع تانى مهم قوى.. كل يوم والتانى اسمع إن ابن الرئيس بيكتب على النت يشتم كل من يعارض سياسة أبوه أو ينقد الحكومة ويتوعد المعارضة بالسجن والإبادة!!! عمرنا ما شفنا كدا أبدا يا أستاذ، ابن رئيس وتلميذ لسه بيتعلم ويطلع يهدد ويتوعد، ينفع الكلام دا يا أستاذ ؟؟؟؟؟؟؟؟؟
وبعدين كل يوم والتانى يخرج علينا مرة اللى اسمه الشاطر دا ومرة اللى اسمه المرشد بتاعهم يهددوا الناس وهنعمل ونسوى وبعد كدا يطلع علينا الشيخ دا بتاعهم اللى اسمه صفوت حجازى ويقول كلام كله ما بيحصلش ويتوعد ويهدد ومرة تانية واحد كده اسمه مش عارف صبحى صالح تقريبا يهدد ويتوعد واللى هيتكلم هنعمل ونسوى ونسجن ونقتل، وفى الآخر يا أستاذ بالله عليك عايزك تقول لى مين بيحكم مصر لما عشرين تلاتين واحد كل واحد منهم يطلع يكلمنا عن مشاكل مصر واقتصاد مصر لما الواحد بيقعد مع نفسه يسأل:
هو مين اللى بيحكم مصر بالظبط؟؟؟؟؟؟؟؟؟؟؟؟
هذه كلمات سائق وتعمدت كتابتها باللغة العامية لعلى أستطيع أن أقترب من مشاعر وأحاسيس عامة الشعب ولعلها صرخة إلى الرئيس مرسى، وسؤال: ما دور ومركز خيرت الشاطر أو المرشد أو العريان حتى نسمع أنهم يقابلون شخصيات كسفراء أو غيرهم من دول أخرى يأتون إلى مصر ثم يخرج علينا أي منهم ليحدثنا بأن ذلك من أجل مصلحة مصر.. كيف؟؟؟؟ وهذا الشخص الذى يتحدث كالمرشد أو الشاطر أو العريان أو غيرهم من جماعة الإخوان ليس له مركز أو منصب فى الدولة ومن أعطاهم هذا الحق؟؟؟؟؟؟؟ إن ذلك أمام الدول الأخرى سينقل صورة سيئة عن مصر ويجعل البعض يقول إن الأمور بها تسير بغير طريقها الشرعى فلا الحكومة أو الرئيس يفعل شيئا مع من يتحدث باسم الدولة وهذه أصبحت حقيقة فعلا مما جعلنى مثل السائق أتساءل بدورى أنا أيضا "هو صحيح مين بيحكم مصر؟؟؟؟؟؟؟؟؟".