بالفيديو .. عمرو أديب ل "مرسي": مصر مش "قفا" وأنت مش "حلاق" تجرب فينا..وتغيير وزير الداخلية سببه إهانة "أبو إسماعيل"

قال الإعلامي عمرو أديب، أن الحكومة لم تجري أي تعديل وزاري وما زال النظام يعتمد على إسلوب من نثق فيهم أفضل ممن سيقدم تغيير إلى مصر، وأن الحكومة الحالية لن تفعل شئ للشعب المصري.
ووجه كلمة إلى الرئيس محمد مرسي قائلا : "يا جماعة أنا زهقت من حكاية استنى سوف هيعملوا إيه.. مصر مش "قفا" وأنت مش حلاق بيجرب فينا .. إحنا بلد كبيرة.. أنت كل يوم ليك قرار للأمام وخطوتين للخلف".
وأضاف أديب قائلا : " المشكلة في رئيس الحكومة، الدكتور هشام قنديل يجب أن يرحل ، وأنه لا يملك أي رؤية ولا يستطيع أن يقود 30 مواطن لعمل تغيير، وزير التنمي المحلية الجديد لما جابوه محافظ للمنوفية قعدوه شهريين وبعدها جابوه وزير للتنمية، بس هو مين؟! طب هو إذاي ؟!".
وأكمل أديب : "إحنا عندنا مشكلة في وزارة المالية.. ومحتاجين واحد أستاذ لتعديل الميزانية.. رحت جبت أستاذ من الجامعة .. إيه اللي أنتم بتعملوه ده.. وكمان وزير الداخلية بقولكم من النهاردة .. إيدك من الداخلية والأرض بعد ما مشى وزير الداخلية.. كل ده عشان زعل مولانا والراجل العظيم اللي أنت طلبت منه حاجات عشان يعملك حاجات.. محدش بقى يقدر يدوس على طرف لأي واحد بدقن في البلد- في إشارة إلى حازم صلاح أبو إسماعيل".
وأشار أديب خلال برنامجه "القاهرة اليوم" على قناة "اليوم"، إلى أنه يؤيد 3 تغييرات وزارية أولهما وزير الاتصالات وثانيهما وزير الكهرباء وآخرهم وزير الداخلية.