تويتات ساويرس عن رفض الاعتصامات ومظاهرات التضامن مع فلسطين تثير غضب النشطاء .. وناشط : بتشتغل مع إسرائيل ليه يا باشا

* ساويرس : ما يحدث من مظاهرات للتضامن مع فلسطين أفعال سيئة وتوقيت سيء .. ومعلق يرد : ودا في رأيك مبرر لضرب الناس بالرصاص
* ساويرس يدين قطع الطريق أمام السفارة واقتحامها .. ومواطنون : لم يحدث اقتحام وما رأيك في اعتصام ماسبيرو
* ويتساءل لماذا أصبحنا منتقمين.. ويحذر : مش هنفرح لما الجعانين يطلعوا يموتوا الناس .. وتويته : وايه رأيك في الأغنياء اللي بيموتوا الفقراء ببطء؟
* تعليق : نجيب ساويرس يطلب أن نمنح مصر فرصة ..مثلا: علينا منحه فرصة لمراكمة ملياراته
كتبت – نور خالد :
أثارت تويتات رجل الأعمال نجيب ساويرس، والتي ابدى فيها اعتراضه على الإضرابات والمظاهرات عبر حسابه الشخصي على تويتر، غضبا كبيرا وانتقادات حادة خاصة فيما يتعلق بأن الاعتصام أمام السفارة الإسرائيلية بالأمس وقطع الطريق لم يكن سلميا. وقال ساويرس في “تويته” باللغة الإنجليزية: صباح الخير يا مصر، هل يمكن أن يمر يوم واحد دون إضرابات أو مظاهرات أو أعمال شغب واعتصامات؟ امنحوا مصر فرصة. واعتبر أن ما يحدث من مظاهرات للتضامن مع فلسطين “أفعال سيئة وتوقيت سيئ ولدينا قدرا كافيا من المشكلات الداخلية”، واعتبر أن “اقتحام سفارة أجنبية ليس سلميا وإغلاق الطرق ليس سلميا”.
ثم بدأ الكتابة باللغة العربية قائلا: اقتحام السفارة مش سلمي، وبعد قليل قال: ما هذا العبث أصبحنا منتقمين هي الثورة قامت عشان مستقبل مصر ولا عشان تخليص ثأر إيه اللي هايفرحنا لما الجعانين يطلعوا يموتوا الناس عشان يعيشوا.
وكانت أغلب الردود التي أرسلت لساويرس على حسابه، غاضبة وغير راضية عن مجمل التصريحات، و اعتبر بعضها التصريحات إدانة مسبقة وأكد عدد كبير ممن ردوا أنه لم يحدث اقتحام للسفارة وأن الأمن بدأ الاشتباكات والمتظاهرين ردوا عليه .. فيما سأله معلقون عن ما إذا كان دفاعه عما حدث له علاقة باستثماراته في إسرائيل .. فيما سخر معلقون من أنه أسس حزب المصريين الأحرار ليدافع عن إطلاق الرصاص على المتظاهرين العزل .. وتساءل أخرون عن أسباب تصديه للحكم عما حدث دون أن يحاول معرفة أراء مختلف الأطراف .
- حتى لو غلطنا متوصلشي لرصاص حي أمال كنا بنعمل ثورة ليه؟ ولا إسرائيل أهم من بتوع ماسبيرو اللي البلطجية مسكوهم 5 ساعات؟
- شغال مع اسرائيل ليه يا باشا وجاي تقول دولة وطنية حرة؟
- مفيش اقتحام، في وقفات احتجاحية على العنف، الأسلاك الشائكة قافلة كل مداخل شارع السفارة، فيه أي فيديو على محاولة الاقتحام؟
- نجيب بيه .. انت بتحط نفسك ف مواقف بايخاااااه السكوت أفضل أحيانا
- حلوه دي بتاع الأمن المركزي يضربي أقوله هييه عليك واحد سجلت عليك غلطة
- لم يقتحم أحد السفارة، وبالنسبة لإغلاق الطريق، لماذا لم تقل نفس الشيء عن اعتصام ماسبيرو؟
- اقرأ التويتات عن اللاإنسانية التي حدثت بالأمس ثم اطلب منا التوقف، أيها الفقاعة الغنية.
- وده ف رأيك مبرر لضرب الرصاص الحي والمطاطي؟
- ومين قاللك ان حصل اقتحام للسفارة أصلا؟ لما تعوز تعلق ابقى خليك في الحدث وشوف وبعدين اتهم الناس براحتك
- المصري الحر مش حر لو قال الكلام ده
- ه؟ دي كوابيس شخصية؟ وايه رأيك في الأغنياء اللي بيموتوا الفقراء ببطء وهم أصلا عايشيين عيشة كويسة؟
- ده كان بيدافع عن مبارك وعن وجوده ف الرئاسة يا ريت ماننساش
- الراجل ببساطة كده قال يلحق يعمل حزب عشان يضمن كرسي وهو معاه فلوس ويبقى موضوع الحزب ده استثمار
- احنا مش عاوزين سفارة لإسرائيل ف مصر ازاي علم القتلة يرفرف ف الجيزة وانتي يا مصر ترضي بكده؟
- 360 مصاب من المجرمين غير السلميين الذين يتظاهرون خارج السفارة الإسرائيلية.. عيب عليهم همج صحيح
- فيه مولد قريب حضر نفسك هههههه
- نجيب يا جماعة ميعرفشي حوار الحرية ده افتكروا مواقفه أيام الثورة ومجلس حكماء الكاوتش
- سيد التخفي يثير غثياني.. الجملة الأولى له في اليوم هي القول بأن المتظاهرين السلميين كانوا مذنبين لأنهم ضربوا بالرصاص
- والله يا جماعة ما كان فيه اقتحام الأمن حب يفرق فقعد يضرب قنابل فحصلت مقاومة
- نحن مصر، ماذا حدث لكم أيها الناس؟ إذا تخليتم عن حقوق الآخرين فستسلب حقوقكم سريعا
- لما تساوي بين تعطيل المرور والتعدي على مواطنين عزل بالرصاص المطاطي والحي والقنابل المسيلة= غير جدير بالاحترام
- هو فاكر عشان الجيش فرحان بيه يبقى بييس يعني؟
- لما تبقى عامل حزب اسمه المصري الحر وبتدين الأحرار والتظاهرات اللي هي أصلا حققت الثورة= غير جدير بالاحترام
- ابقى قابلني
- نجيب ساويرس يطلب أن نمنح مصر فرصة مثلا: علينا منحه فرصة لمراكمة ملياراته
- وانا رأيي كده مصر أهم يا ناس الآن
- كم أتمنى
- يا عزيزي كلكم منافقون
- اقتحام سفارة أي دولة اعتداء على أرض ملك لهذه الدولة هو احنا مستعدين لرد فعل عمل جنوني زي ده.. الناس اتهبلت
- يا سيدي الفاضل إذا كان الدبلوماسيين نفسهم بيتقتلوا والسفارات بتتحرق عملت ايه جنيف ولا حصار غزة؟
- تحيا مصر وحزب المصريين الأحرار
- هل أنت متأكد من أن أي شخص حاول دخول السفارة؟
-