شكر الفنان خالد الصاوي الإعلامي عمرو أديب علي دعمه له خلال مرضة ودعائه له بالشفاء العاجل واصفاً إياه بصاحب الإرادة القوبة. وأضاف خالد الصاوي, علي حسابة الشخصي عبر موقع التواصل الإجتماعي 'فيس بوك ' :'شكراً من كل كياني يا كل أحبائي ولا تقلقوا ربنا الحافظ' وأضاف, الصورة دي مش حالية دي من أقل من سنة في جراحة انزلاق غضروفي نزلت بعدها تصوير تفاحة آدم والجزيرة 2 والحمد لله اني قدرت اداري الزكة اللي خفت تدريجيا لحد ما كادت تنتهي الآن. وتابع الصاوي, مسلسل الفاجومي وخاتم سليمان كنت بأصورهم وانا باخد الأنترفيرون وهي حقن رزلة لحد لا يمكن تصوره ومن رزالاتها -مثلا- هري الجلد والبشرة وضعف الشعر والرموش! والتعب المهلك وغمة النفس وعكننة في طعم ومقدار الأكل والاكتئاب -متوسط ل حاد- والأسوأ بقي.. اضطراب نوم وذاكرة! سنة ونص! بس الحمد لله كله عدا بسلام.. وختم الصاوي بقوله, صحيح علاجي به فشل ولكن الخبر الحلو أن عقار جديد -سوفالدي- متاح حالياً ومعه تركيبة وموجود هنا وبره حسب التركيبات والأحلي عندي انه متوفر في أيد وزارة الصحة وجاري صرفه لكل مريض تنطبق عليه الشروط وكذا.. يعني المفروض أن العشرة ل اتناشر مليون مصري حيوصل لهم العقار ده بفاعليته الواصلة ل حاجة وتسعين في المية شفاء تام.. الخلاصة أن القلق مرفوع دلوقتي بإذن الله سواء عليا أو عليك أو عليها.. أو عليهم من أهالينا في ريف وحضر فقيرين مريضين وحائرين خائري العزيمة ظاهرياً ولكنهم مصانع وحقول من صلابة ورضا.. ولو حتي كنت محتاج تركيبة من العقار ده من بره برضه ممكن ومش حيسقط مني الاحتمال ده باذن الله..