أعرب الفنان خالد الصاوى عن سعادته بالتهانى الكثيرة التى وصلته من جمهوره ومحبيه لعقد قرانه أمس وذلك عبر صفحته بالموقع الإلكترونى الإجتماعى الشهير الفيس بوك حيث كتب الصاوى متشكر وممتن جدا لكل واحد وواحدة إهتموا بأنهم يكتبولي سطرين من قلبهم مليانين بالدعوات الطيبة بمناسبة عقد القران، وآسف جدا عشان مش قادر أرد على كل رسالة وكل إيميل وكل إتصال تليفوني، بس أنا واثق أنكم مقدرين إنشغالي المحموم الفترة دي بالتحضير للزواج مع التحضير لمسلسل رمضان بإذن الله. الأهم من ده كله إن دعواتكم دي بتعمل معايا حاجة قوية وإيجابية بشكل عجيب وده بجد مش أي كلام أنا مليش في الأونطة، دعواتكم لي عاملة زي دعوات أهلي وأحبائي المقربين كده.. بتقويني بجد.. أشكركم وربنا يخليكم ليا. أنا رايح أهو أزق في عجلة الإنتاج من ناحيتي وحغطس بقى غطساية مؤقتة وعلى ما أرجع يكون حوار الرئيس التوافقي ده خلص عشان فقعة المرارة بس.. حيث يعني أن سيادته كده كده حيكون عروسة قفاز فمش طالبة بقى كل هذا الاجتهاد بحثا عن ديك مش بيدن أو فرخة ما بتبيضش.