احتفل الفنان خالد الصاوي مساء الأحد الماضي بعقد قرانه على مي مدحت حفيدة الدكتور صبري زكي وزير الصحة الأسبق، وذلك بمسجد الرفاعي بالقاهرة، ولأنه عمد إلى اخفاء كافة التفاصيل المتعلقة بالحفل، قام محبوه بتنظيم احتفال "الكتروني " له عبر صفحته الرسمية على فيس بوك. وقد عبر الصاوى عن سعادته بالتهانى الكثيرة التى وصلته من جمهوره ومحبيه، حيث كتب: "متشكر وممتن جدا لكل واحد وواحدة إهتموا بأنهم يكتبولي سطرين من قلبهم مليانين بالدعوات الطيبة بمناسبة عقد القران، وآسف جدا عشان مش قادر أرد على كل رسالة وكل إيميل وكل إتصال تليفوني، بس أنا واثق أنكم مقدرين إنشغالي المحموم الفترة دي بالتحضير للزواج مع التحضير لمسلسل رمضان بإذن الله." وأكمل الصاوي في رسالته لمحبيه: "الأهم من ده كله إن دعواتكم دي بتعمل معايا حاجة قوية وإيجابية بشكل عجيب وده بجد مش أي كلام أنا مليش في الأونطة، دعواتكم لي عاملة زي دعوات أهلي وأحبائي المقربين كده.. بتقويني بجد.. أشكركم وربنا يخليكم ليا. أنا رايح أهو أزق في عجلة الإنتاج من ناحيتي وحغطس بقى غطساية مؤقتة وعلى ما أرجع يكون حوار الرئيس التوافقي ده خلص عشان فقعة المرارة بس.. حيث يعني أن سيادته كده كده حيكون عروسة قفاز فمش طالبة بقى كل هذا الاجتهاد بحثا عن ديك مش بيدن أو فرخة ما بتبيضش." خالد ينشغل خلال الأيام القادمة ببدء تصوير مسلسله "المايسترو" المقرر عرضه في رمضان المقبل وتشاركه بطولته كندة علوش، وهو من إخراج كمال منصور.