السلام عليكم أنا عندي مشكلة هي أكيد عند كل الناس، بس بدأت تضايقني أوي دلوقتي، وهي كلام الناس الكتير وتدخلهم في اللي مالهمش فيه. أنا مخطوبة من 3 سنين وبحب خطيبي جدا، بس من يوم ما قرأنا الفاتحة والعائلة بتسأل إنتي كنتي تعرفيه قبل كده؟ كنت بآخد الكلام ده عادي بس بيني وبين نفسي باقول هما ما لهم، وبعد ما عملنا الخطوبة والكلام زاد هتتجوزوا إمتى مش كتير كده اتجوزوا بقى، وأقول إن شاء الله قريب أصل لسه مافيش شقة، يقولوا ليه هو مش معاه فلوس علشان يجيب شقة؟! والصراحة هما أهله مش عايزين يساعدوه خالص والعائلة عندي عاوزين بابا هو اللي يعمل لي كل حاجة، شايفين إن بابا معاه فلوس كتير في حين إن عندي أخويا على وشّ جواز وأختي في ثانوية عامة، يعني برده محتاجين مصاريف كتير، بس الناس مش بتبص جوا، هما ليهم المظاهر. المهم إننا جبنا الشقة ومن كتر الكلام ماقلتش لحد إلا للمقربين جدا مننا وأهله ماراحوش يشوفوها خالص إلا مامته راحت شافتها بعد ماجبناها ب 3 شهور، واتقرفت منها علشان بعيدة، قلنا على قدّ اللي معانا وإحنا لما جبناها ماحدش قال لنا مبروك من أهله لحد دلوقتي، بجد أنا تعبت من كده ومش عارفة أتعامل مع الناس خالص، وبقيت عصبية جدا، والعصبية دي في معظم الأوقات بتطلع على خطيبي. أرجوكم ردوا عليّ بسرعة، أنا خلاص حاسة إني مش قادرة أتحمل أكتر؛ لأني باخد كل حاجة على أعصابي . سمسمة فضفضة الموضوع لا يستحق أن تأخذيه على أعصابك فالدنيا لم تأت لك بشئ بعد , ومن الآن حاولي التدريب على الفتور فهو مفيد جدا والتدريب على إداعاء الغباء أيضا , لا تتعجبي من الرد , فقط .. خذي قرار المحاولة و ستجدين أن الأمر سهلا وكلام الناس لم يدخل أذنك من الأساس .. صدقيني التدريب على الصمم تجاه كلام الناس الحل الوحيد له والمضاد الوحيد لسلامة أعصابك .. واستمتعي بتفاصيل حياتك مع خطيبك بدلا من تسليم أذنك للمحيطين .