يحدث في مصر

رشا مجدى:مساء اخير اعزائنا المشاهدين فى كل مكان فى مصر اهلا بكم فى حلقة جديدة من برنامجكم يحدث فى مصر
محمد موافى: مساء الخير مشاهدينا مساء الخير يا رشا والنهاردة اواليللادى هنتكلم عن مشروع قومى جديد مشروع القرية الذكية القرية الذكية بدا العمل فيها فعليا سنة 2001 النهاردة وصلنا بيها لمساحة 700 فدان
رشا مجدى:القرية الذكية بيصل حجم الاستثمارات بداخلها الى 4 مليار جنيه وهذا المشروع بيهدف الى دعم وتنمية الكيانات التكنولوية وخلق الالاف من فرص العمل والموارد البشرية بس الموارد البشرية بس الموارد البشريه المؤهلة واعداد الشباب فى الدخول لمجال التكنولوجيا وعالم الاتصالات
محمد موافى: القرية الذكية بيشتغل فيها دلوقتى 25 الف موظف فى اكتر من 150 شركة وجهة منها مصرية ومنها اجنبيه او عالميه المتوقع ان العدد يوصل بيهم سنة 2016 لحد 100 الف موظف القرية الذكية خلونا نتكلم عنها او بقت مشروع القرى الذكية خلونا نتكلم عن هذا الموضوع بشىء من التفصيل مع م عمرو ابو علم الرئيس التنفيذى والعضو التنفيذى لشركة القرى الذكية
رشا مجدى:مساء الخير اهلا بيك يا باشمهندس قبل ما نبدا حلقتنا اسمحلنا اننا نشوف التقرير ده ونرجع نبتدى الكلام
تقرير
عند الضاحية الغربية لمحافظة القاهرة تقع القرية الذكية حيث المركز التخصصى الاول لتجمع شركات الاتصالات وصناعات تكنولوجيا المعلومات فى مصر وتشعر وانت فى طريقك من مدخل القرية وكانك داخل لوحة فنيه من المعمار الحديث,انشات القرية الذكية بموجب القرار الجمهورى رقم 355 لسنة 2000 فى اطار تطور قطاع الاتصالات وتكنولوجيا المعلومات كانت مهمة للتقدم من خلال استثمار الشراكة بين وزارة الاتصالات ومستثمرى القطاع الخاص.
احمد نعيم رئيس قطاع التسويق فى القرية الذكية : عايزين نجذب شركات عالميه عامله فى مجال الاتصالات وتكنولوجيا المعلومات ملهاش تواجد فى مصر انها تيجى وتشتثمر فى مواردنا البشريه اللى هى اكتر نقطة قوه فى التنافسيه بتاعة مصر فى هذا المجال انها تيجى لمصر وعلشان نحقق هذا الهدف كان لابد من وجود قرية ذكيه نجمع فيها الشركات العالمية المتواجده حاليا بالاضافة الى الشركات الوطنيه سواء الشركات الكبيرة او الشركات المتوسطة او الصغيرة العامله فى هذا المجال فى مكان واحد .
تم تنفيذ المشروع على ثلاث مراحل براس مال قدره 3 مليار جنيه حيث افتتحت المرحلة الاولى منه فى ديسمبر عام 2003 ثما المرحلة الثانيه ثما المرحلة الثالثه من هذه القرية المتميزة بنهاية 2008 وقد شهد عام 2009 ميلاد اول حى مالى متكامل على ارض القرية الذكية والذى يضم عدد من البنوك المصرية والاجنبيه والتى تعمل فى خدمة الشركات العاملة فى القرية تقوم شركة ادارة القرية الذكية بتقديم مجموعة متكاملة من الخدمات على اعلى مستوى عالمى لدعم مجمتع الاعمال فى القرية حيث تعمل ادارة النقل والمواصلات على تامين وصول جميع العاملين بالمواقع المختلفه .
اشرف عقيل ( رئيس قطاع المال بالقرية الذكية ):عندنا عنصر الاهتمام بالخدمات المقدمة للعاملين دى اول حاجة اولا عن طريق الخدمات انتقالهم منو والى القرية الذكية دى اول خدمة بنقدمها ان احنا بنهتم بخدمات انتقالهم بوسائل مواصلات ذات جوده عالية علشان نقدر ان احنا نقدر نضمن انهم بيذهبوا ويرجعوا لاعمالهم بطريقة امنه ومريحة .
تضم القرية فى جنباتها منطقة خدمات مهنية واجتماعيه متكاملة بتوفير قاعات مؤتمرات واجتماعات ومعارض حيث يمكن لمجتمع القرية الذكية فى القاهرة استضافت مؤتمرات ومعارض عالمية ومحليه كما يوجد بيها نادى صحى اجتماعى وحضانة للاطفال وتهدف القرية الى خلق مائة الف فرصة عمل لشباب مصر والمساهمه فى جهود التنمية البشرية ونقل المعرفة والتكنولوجيا الحديثة الى مصر وزيادة الطاقة التصديريه لقطاع التكنولوجيا وجذب استثمارات اجنبيه الى مصر وتحقيق نموزج متكامل لمجتمع المعلومات المصرى الحديث
رشا مجدى:باشمهندس يعنى مشروع كبير مشروع ضخم مشروع واضح ان هو فيه امال للعديد من الشباب لكن انا عايزة اعرف فكرة انشاء القرية جت منين ؟ وايه الهدف من انشائها بالتحديد؟
م /عمرو ابو علم :فكرة انشاء القرية هى جت مع بداية القرن اللى احنا فيه كان فيه مع الحكومة الجديدة انشاء وزارة الاتصالات سنة 99 كان فيه تفكير ازاى نقدر نجذب عدد اكتر من الشركات العالمية انها تشتغل فى مصر ؟
رشا مجدى:الكلام ده سنة 2000؟
م /عمرو ابو علم 99
رشا مجدى:99 يعنى دخول الالفية التالتة
م / عمرو ابو علم: بالظبط ازاى نقدر نجذب الشركات العالمية ؟ ونشجع الشركات المصرية انها تقدر تكبر وتحتلط بهذه الشركات العالمية علشان تتحول صناعة تكنولوجيا المعلومات الى صناعة تصديريه تخدم السوق المحلى وتقدر تنافس على المستوى العالمى من اهم مميزات صناعة تكنولوجيا المعلومات انها تعتمد على تصدير العقول او تصدير الفكر المنطقة العربيه مليئة بالعقول المصرية اللى بتعمل فى شتى المجالات وبالذات مجال الاتصالات وتكنولوجيا المعلومات فاحنا فكرنا فى هذا الوقت ازاى نقدر نستفيد من هذا الكلام ونحتفظ بهذه العقول فى مصر ونجذب الاستثمارات والشركات الاجنبيه انها تيجى تشتغل جوا مصر علشان نقدر نكبر والكلام ده
محمد موافى :يا باشمهندي احنا بنتكلم على فكرة قرية هى بيئة لتنمية وتدريب العقول والاستفاده منها فى التصدير الكلام ده جميل لكن احنا بنتكلم عن التكلفة كام ؟ والكلام ده اكيد بيتكلف كتير
م /عمرو ابو علم: الكلام ده حضرتك اتكلف كتير جدا حاليا حجم الاستثمارات المحطوطه داخل القرية حوالى 4 مليار جنيه الاستثمارات دى اللى حطها اغلبيتها هى الشركات المصرية والشركات الاجنبيه العاملة داخل القرية اللى لقت ان دا ليه عائد مجزى على
محمد موافى :ال4 مليار اموال الشركات
م/عمرو ابو علم:اموال الشركات المستثمرة داخل القرية الذكية الانشاءات اللى اتعملت المعامل اللى تم انشائها التجهيزات للمكاتب التدريب اللى تم للعاملين المصروفات دى كلها النهاردة المهم عندنا طبعا حضراتكم شفتم الفيلم الهايل اللى بيعرض شكل القرية الذكية علشان يقدر يوصل حجم المجهود وحجم العمل اللى بيتم داخل هذه المبانى هو ده الاهم وهو دا اللى هو التركيز كله عليه الناتج من العمل داخل المبانى وليس مجرد الشكل الجميل طبعا اهميته لا ينكرها احد انما المهم ما يحدث داخل المبانى
رشا مجدى:باشمهندس عمرو يعنى معلش انا عايز اعرف منك بعض الحاجات اللى عايز تتوضح انا يمكن لما شفت التقرير لقيت ان هناك العديد من المؤسسات القوميه والعالمية موجودة فكل اللى موجود فى دماغى انوا مكان موجود فيه شركات تجمع لضشركات عالميه ومصريه وزى مثلا ما هناك فكرة لتجمع السفارات فهو مجمع للشركات الضخمة لكن حضرتك بتقول تصدير فكر وعقول مصريه ايه اللى بيحصل داخل هذه القرية الذكية ؟
م/عمرو ابو علم: النهاردة حضرتك المنافسه العالمية فى جميع المجالات بتتم عن طريق البحث والتطوير علشان الناس تقدر تبحث وتقدر تطور فى شتى المجالات الاتصالات وتكنولجيا المعلومات عامل اساسى فيها ايا طكانت الصناعة فلازم يبقى فيه بيئة وفيه بنية تحتيه مناسبه لذلك فدا اللى احنا بنقدر نوفره
رشا مجدى: وضحلى الفكرة اكتر
م/عمرو ابو علم :اولا المبانى اللى فى القرية الذكية متصلة ببعضها عن طريق شبكات الياف ضوئيه زائد شبكات المهربا وشبكات كل البنية التحتيه بتاعتها معموله على مستوى عالمى بحيث الشركات لما تيجى او معامل التطوير او البحث والتدريب او اى حاجة من دى او حتى الهيئات الحكومية التى تعمل داخل القرية تتقدر تتواصل مع بعضيها تقدر تشتغل بدون منغصات بدون ما يبقى بيفكر انوا هيعمل ايه لو الكهربا اتقطعت او لو عايز يوصل للعالم الخارجى هيوصل ازاى ؟ دا من اهم النقط اللة الناس كانت محتاجها وبتفكر فيها علشان تقدر تشتغل فى اى مكان فى العالم ودى المافسة اللى ما بين القرية الذكية و اى مكان تانى فى العالم
محمد موافى :يا باشمهندس احنا بنتكلم عن بنية تحتيه قوية واتكلفت مليارات لكن الناتج لحد دلوقتى ايه ؟
م/عمرو ابو علم: النهاردة الناتج بتاعها الواضح ان احنا قدرنا نجذب شركات عالميه علشان تفتح فروع ليها جوا مصر او تنقل فروعها اللى كانت جوا مصر الى داخل القرية الذكية اللى بيشتغل فيها اكتر من 25 الف موظف النهاردة والمتوقع ان العدد دا يوصل لى 100 الف سنة 2014 ال25 الاف موظف اللى هما عندنا النهاردة لما يوصلوا ان شاء الله الى 100 الف دول كلهم بيعملوا وبيتنافسوا على مستوى عالمى مع كل الشركات التانية اللى موجودة فى العالم الشركات العالمية اللى موجودة هنا اللى بيعمل فيها مصريين وعلى فكرة القرية عدد العاملين فيها يزيد عن 99وكسر % من العاملين هما دول دا اللى بنسميه تصدير الخدمات او تصدير العقول من جوا مصر السنس بتاعهم اللى بيطلع فى المنتجات اللى العالم كله بيستعملها هو دا الغرض من القرية الذكية
محمد موافى :يا باشمهندس ان اول افادة ان احنا شغلنا 25 الف موظف هيبقوا 100 الف بعد 4 سنين من دلوقتى سنة 1014 لكن لما بتكم بلغة الارقام شوية فى الموازنه الناتج القومى اللى رجع على المواطن العادى فى الشارع قد ايه ؟
م/عمرو ابو علم :النهاردة حضرتك ال25 الف موظف دول مش مجرد 25 الف بيشتغلوا دول 25 الف واحد بيشتغلوا على مستوى عالمى بيتنافسوا على مستوى عالمى فبيعاملوا معاملة المحترف فى اى مكان فى العالم فطبعا العائد الشخصى على الموظفين فى المرتبات والحاجات دى بيبقى اعلى من المتوسط العام للناس اللى بتعمل فى مثل هذه الوظائف الشركات دى كلها شركات بتدفع ضرايب شركات بتسدد كل الحاجات اللى مطلوبه منها علشان البلد بتخلق تكنولوجيات جديده بتنقل التكنولوجيات بتعاتها اللى موجودة بره للعمالة المصرية الناس اللى موجودة النهارة اللى بتشتغل فى الشركات بتكبر بتطلع من هذه الشركات وبتعمل شركاتها وبتعين عدد اكبر وبتشغل شباب اكتر
محمد موافى :يا باشمهندس دا حصل لحد دلوقتى
م/عمرو ابو علم : اه طبعا دا بيحصضل من اول مبنى عندنا سنة 2003
محمد موافى :تمام انما الهدف الاساسى هو فقط جذب هذه الشركات علشان تبقى موجودة فى القرية الذكية انما فيه هدف اكبر هو تصدير صناة تكنولوجيا المعلومات احنا فين ؟
م/عمرو ابو علم :احنا النهاردة حضرتك بنافس على مستوى عالمى فى صناعة تكنولوجيا المعلومات وبالذات فى مجال التعقيد ثما هناك بعض الخدمات الطبيه زى الشركات اللى بتعمل فى المجال الطبى او التامين الصحى الموجودين او الشركات اللى بتعمل فى كافة المجالات الماليه كمان فيه دور كبير قوى للخدمات الماليه من خدمات المراجعة لخدمات المحاسبة لان حضرتك عالم الاتصالت وتكنولوجيا المعلومات الموجود فى كل الصناعات
رشا مجدى: انا عايز ارجع للعمالة حجم العمالة فى القرية حضرتك ذكرت انوا تقريبا فى كل الشركات بنسبة 99,9 منهم مصريين لكن فيه ما يقال ان حجم العمالة الاجنبيه امثر من العمالة المصرية
م/عمرو ابو علم :لا مستحيل يا فندم مستحيل لان زى ما بقول لحضرتك احنا النهاردة الميزه عندنا ان احنا عندنا الكفاءات اللى بتحتاجها الشركات
رشا مجدى: حجم العمالة الاجنبيه بالنسبه للعماله المصرية ؟
م /عمرو ابو علم :اقل من 1%
رشا مجدى: اقل من 1%
م : عمرو ابو علم :اه طبعا
رشا مجدى: طيب برده هرجع لنقطتين فى الحته دى حضرتك ذكرت ان العائد المادى على اللى بيغمل داخل هذه القرية عائد مادى كبير يبقى لازم له مواصفات معينة يعنى انا علشان يجيلى شغلانه داخل القرية الذكية لازم يبقى عندى مواصفات معينة ايه المةاصفات اللى مطلوبه لان دلوقتى اى شاب بيتفرج علينا اكيد عينه على عايز ادخل الشركة دى
محمد موافى:ايه المواصفات حضرتك ؟
م /عمرو ابو علم :اولا ان يكون عنده شيئين مهمين جدا الطموح والصبر عشان اوصل الى المستوى العالمى انا محتاج تدلايب التدريب ده ممكن يتم وانا فى الجامعة وبكمل التدريب بتاعى بعد فتره فى الجامعة مقدرش ابطل تدريب ابدا كل يوم فيه حاجة جديده بتحصل فى العالم فلازم ادرب وعلشان ابقى دايما شايف المنافسة فين والدنيا عامله ازاى؟
رشا مجدى:تدرب داخل القرية الذكية ولا تدرب بره فى اى مكان ؟
م/عمرو ابو علم :داخل القرية الذكية وخارج القرية الذكية
رشا مجدى: فيه برامج تدريب بتعلنوا عنها ؟
م/عمرو ابو علم :اه طبعا يا فندم شركة القرى مش هى اللى بتعلن عنها انما اللى بتعلن عنها هيئة التكنولوجيا والمعلومات هيئة تنمية صناعة المعلومات فى مصر بتقوم بدور الحقيقه قوى جدا فى تجهيز العاملين
محمد موافى :باشمهندس انا عايز الخص ايه اللى السوق عايزه او ايه اللى القرية الذكية عايزاه فى الطلبه او فى الخريجين الجدد فاسمحلى نطلع بفاصل ونرجع لانوا هو دا اهم موضوع بينتظره شباب مصر ومستقبل شباب مصر م عمرو ابو علم فاصل قصير مشاهدينا ورشا نرجهع تانى ليحدث فى مصر
فاصل
رشا مجدى:رجعنالكم مرة تانيه مشاهدينا الكرام وكنا قبل الفاصل بنتحدث عن المطلوب من الشباب لكى يلتحق بالعمل فى القرية الذكية م عغمرو ابو علم النقطة اللى وقفنا عندها حضرتك ذكرت ان وزارة الاتصالات وبتقدم العديد من برامج التدريب لشباب طيب انا دخلت برنامج تدريب هل معنى كده انى هلتحق بالعمل فى القرية الذكية ؟
م /عمرو ابو علم :لا علشان كده بقول لحضرتك دا مش كافى للالتحاق باحدى الشركات فى القرية الذكية ممكن يكون كافى لو انا زى ما قلت حضرتك عندى الطموح وعندى الجزء الكافى من التدريب للشغلانة اللى انا بدور عليها احنا بنتكلم احنا عندنا اكتر من 150 الف شاب يعنى احنا عندنا مجالا متعددة فميش نوع واحد من التدريب هو والصبر هو انى انا لو ملقتش نفسى فى هذا المجال انى انا ادور على مجال تانى لان مجال الاتصالات و تكنولوجيا المعلومات كبير
رشا مجدى:ملهاش واسط يعنى ؟
م/عمرو ابو علم: لا مفيش واسطة لانى زى ما قلت لحضرتك اى حد بيشتغل فى احدى الشركات المصرية او العالمية اللى موجودين داخل القرية الذكية بنافس بيه على المستوى العالمى لان انا ببيع المجهود بتاعه ببيع الفكر بتاعه سواء فى السوق المحلى او فى السوق العالمى علشان اقدر انافس
محمد موافى :طب باشمهندس خلينا اسال سؤال بطريقة مختلفه هل فيه ازمة فى الكوارد المدربه الى ممكن تشتعغل يعنى انتم محتاجين ايه ؟
م/عمرو ابو علم :فيه مكان اكتر للنس تشتغل
محمد موافى:انما بنظرة على الخريجين وشكل التعليم وشكل التدريب كنا زمان بنقول لما تتخرج خد شوية انجليزى على شوية كمبيوتر كلمة مشهورة جدا دلوقتى ايه المطلوب ؟
م/عمرو ابو علم :حضرتك لازم تاخد دول ولازم تاخد كورسات متخصصه فى المجحال اللى حضرتك شايف انوا مناسب لطموحك ويناسب لى المستقبل بتاعك يعنى خلينا ادى لحضرتك مثال احنا القرية ابتدت اول مبنى فيها سنة 2003 وكان فيه حوالى 1000 شخص بيشتغلوا النهاردة احنا فى 2010 فى يناير 2010 وبنتكلم فيه 20 الف واحد فى 2014 هيوصلوا لى 100 الف فدا معناه ان الشركات بكتبر لان صناعة تكنولوجيا المعلومات مش موجودة فى القرية الذكية بس على مستوى مصر وموجودة فى كل المحافظات فلو توسع فقط جوا القرية الذكية كان فيه هذا الاطار فحضرتك ممكن تتخيل التوسع فى كل مصر هيبقى عامل ازاى ؟
محمد موافى :احنا مش بنتكلم على 25 الاف واحد بس احنا بنتكلم على 25 الف جوا القرية الذكية فقط
م/عمرو ابو علم :جوا القرية الذكية فقط بيبقى فيها اعداد اكبر بكتير موزعين على محافظات مصر كلها طبعا
رشا مجدى:اسمحلى انتقل الى حجم الخدمات الالكترونيه فى العالم انا عندى رقم ان الحجم دا وصل الى 900 مليار دولار الاحصائيات بتقول كده اين القرية الذكية مما يحدث فى العالم من ال900 مليار دولار ؟ هذا الرقم اللى انا قلته دا صح ؟
م/عمرو ابو علم :رقم قريب من الصحة بس دا بيشمل الاتصالات و تكنولوجيا المعلومات
رشا مجدى:طب مصر فين بقى من ال900 مليار ؟
م /عمرو ابو علم:مصر موجودة على الخريطة وموجودة بقوة فى الخدمات الخاصة بالتعقيد
محمد موافى :تمثيل مشرف ولا فيه ارقام كده قويه ؟
م/عمرو ابو علم :مصر من اهم 5 اسواق واعدة فى العالم
رشا مجدى:ممكن تكون على الخريطة وهى قد كده وممكن تكون على الخريطة وهى قد كده
م /عمرو ابو علم :زى ما بقول لحضرتك وزارة الاتصالات بدات عام 1999 احنا بقلنا فيه تخصص فى هذا المجال من حوالى 10 سنين ال10 سنين دول من بلد ماكنتش موجودة على الخريطة تحولت الى بلد موجودة على الخريطة وبينافس بشدة ومن اهم 5 اسواق واعدة على مستوى العالم القرية الذكية تجربة مصريه بالكامل يعنى بدات بمجموعه من المصريين فى داخل شركة مصريه اسم القرية الذكية نفسه علامة مسجلة لمصر فيه طبعا حاجات تانية كتير على مستوى العالم فيه دول كتير بتنافس وفيه دول كتير بتحاول تنافس فى هذا المجال انما المهم احنا هنوصل لايه ؟ المهم واحنا بنافس والتركيز الاكبر على الكيف وليس الكم اكم طبعا مهم والكيف اعلى حاجة فى سلسلة الخدمات هى الكيف
محمد موافى :طب احنا بنتكلم على خريطة عالميه لو اتكلمنا حتى على خريطة المنطقة انا سمعت ان فيه دول عربيه عامله شط كبير يعنى سواء فى تونس فى الامارات
م/عمرو ابو علم :فيه دول عربيه كتير يا فندم وفيه دول كتير فى العالم خلينا بس نفرق ما بين قطعت شوط كبير هل هو فى استخدام خدمات تكنولوجيا المعلومات؟
محمد موافى :فى التصدير
م/عمرو ابو علم :التصدير مصر هى الاولى بلا جدال وبلا منازع استخدام الخدمات واستعمال الخدمات اكيد حضرتك لوفيه دول اصغر من مصر فى المساحة وفى العدد هتقدر طبعا الموضوع هيبقى ابسط بكتير خاصتا ان فيه امكانيات ماديه عاليه انما احنا مصر ربنا حبانا ان احنا بلد كبير وعندنا 80 مليون مواطن فاحنا بنستغلهم ان نكون اكبر بلد بتنتج تكنولوجيا المعلومات ودا المهم ان حضرتك تكون بتنتج الشىء لانوا هو دا اللى بيحطك على الطريق الصحيح فى استخدامه حضرتك بتقدر تستخدم اللى انت عايزه وبتقدر تدخله فى كل المحافظات وفى كل المناطق حضرتك ما بتحتجش تستورد هذا الكلام لما تبقى انت المنتج الاساسى هو دا اللى بيديلك وزن المستخدم دائما موجود انما المنتج هو العملة الصعبه فى هذا المجال
رشا مجدى: دكتور عمرو معلش انا عايز اسال سؤال القرية الذكية هل هى مجرد تشغيل عقول ليه المسمى ده ؟
م /عمرو ابو علم :انا قلت لحضرتك القرية هى طبعا حاليا بتعتبر مدينه بيشتغل فيها 25 الف واحد احنا فكرنا نسميها القرية الذكية لان لو حضرتك سميتى لاى مجتمع فيه فرق كبير ما بين مجتمع القرية ومجتمع المدينه طبعا المدينه كل واحد فى حاله كل واحد عايش مع نفسه وبيفكر فى نفسه وبيتحرك القرية فيها تعاون اكتر ما بين الناس فيها احنا بنشتغل الصبح وبعد الضهر احنا مع بعض بنتعاون فى شتى المجالات مش بمجرد الشغل بتاعنا وكل واحد يروح علشان كده احا سمناه القرية الذكية اولا فيه دور كبير للمسئوليه الاجتماعيه للشركات الشركات كلها بتبص لهذا الموضوع باهمية شديده جدا وبتحاوزل انها تشارك فى هذا الموضوع وانها تنجز فيه سواء داخل القرية الذكية او المنطقة المحيطة بيها ليهم دور كبير فى تعليم اهمية التكنولوجيا واهمية التعامل مع التكنولوجيا احنا فى عصر الانترنت والدنيا المفتوحة وعندنا ملايين اجهزة الكمبيوتر فى مصر وعشرات الملايين بيصلوا الى الانترنت الانترنت اداه ووسيله ممكن تستعمل فى الخير وممكن تستعمل فى حاجات تنيه كتير كيف تتعامل مع هذا من ضمن الحاجات المهمة جدا اللى هى بتطغى على كل المجتمع لازم حد يقوم بالدور دا هو ويساعد على الدور دا هو الشركات اللى فى القرية من ضمن الحاجات اللى بتفكر فيها
رشا مجدى:احنا اول ما موافى عرف حضرتك قال م عمرو ابو علم المدير التنفيذى والعضو المنتدب لشركة القرى الذكية واحنا معندناش غير قرية واحده معنى كده ان فيه قرى جاية ؟
م /عمرو ابو علم :اه طبعا
رشا مجدى:قلنا سمعنا الخبر الكويس
م /عمرو ابو علم :طبعا الهدف بتاعنا ان احنا نكون عندنا مشروع مماثل للقرية الذكية فى كل محافظات مصر ولا يكون حتى مخصص بنفس الطريقه انما احنا عندنا مجالات كتيرة قوى للصناعة وللخدمات فى مصر فاحنا حاليا بنعمل على القرية الذكية التانيه اللى هى فى دمياط بنفكر فى قرية تانيه فى الصعيد وبنفكر قى قرية تالته فى اسكندريه الموضوع يمشى ان شاء الله
محمد موافى :لما عرضنا التقرير شوفنا عناوين للشركات وبنوك اجنبيه كبيرة دا مش اعلان احنا شوفنا الدنيا جوا فيها ايه اما بلاقى اسم كبير فى عالم السوفت وير فى التقرير بيعمل ايه ؟ هل فيه حاجة بتطلع من هنا وبتتصدرللدنيا كلها من هنا ؟
م/عمرو ابو علم :هو بيعمل البرامج اللى بتشغل هذه الاجهزة ودا اهم كمبوند فيه صحيح لما بتشترى اى جهاز وفككت المكونات بتاعته وحاولت تشوف تمنها كمكونات هتدفع كلام فارغ قروش انما حضرتك بتشتريه بعشرات الجنيهات وساعات الالاف الجنيهات الفكر الى ورا الجهاز دا ازاى اتصنع الجهاز ؟ ودليل الاستخدامات بتاعته وبيشتغل ازاى ؟ هو دا العئد الحقيقى ودا اللى فيه القيمة الحقيقيه احنا معندناش تصنيع داخل القرية الذكية انما عندنا العقول اللى بتشغل هذه الاجهزة كل يوم بتلاقى حضرتك استخدام جديد على تليفونك المحمول الاستخدام دا يوم ما يطلع من عندى من داخل القرية الذكية هو اللى بيدى قيمة للتليفون المحمول بتاع حضرتك احنا عندنا ناس بتشتغل من نار صناعة تكنولوجيا المعلومات وليست صناعة الاجهزة
محمد موافى :هل بتطلع من هنا وبتلف الدنيا ؟
م/عمرو ابو علم :بالظبط كده مشض بس على تكنولوجيا المعلومات احنا عندنا ناس بتشتغل على صناعة السيارات فى اجزاء كتيرة جدا من تكنولوجيا السيارات بيطلع من القرية الذكية وبطبقها شركات عالميه كتيرة جدا جزء كبير من اللى بيحصل فى الاتصالات او اجهزة الاتصالات جزء كبير بيتم التطوير بتاعه داخل القرية الذكية شركات كتير من الى بتعمل فى القرية الذكية بتخدم عملاءها اللى موجودين حول العالم من جوا القرية الذكية علشان موضوع الفارق الزمنى هو محتاج يغطى العملاء على مدار ال24 ساعه فبيبقى عنده فى الامريكيتبن مركز وفى الشرق الاقصى مركز واحنا مركز ما بين اوروبا وافريقيا دا بيشتغل من عندى فى القرية الذكية العديد من الشركات المصرية والعالمية خلت المركز اللى بيخدم كل افريقيا وكل التدريب الى بيتم فى كل الدول الافريقيه داخل القرية الذكية لان فيه امكانيات بتسمح بذلك
رشا مجدى: لماذا لا يعلم المصريون بهذا الحجم المشابه لما يحدث داخل القرية الذكية ليه الناس ما بتعرفش حاجة عن القرية الذكية الناس عارفة انها فى طريق مصر - اسكندريه الصحراوى على ايدك اليمين وانت رايح اسكندريه وخلاص مش عارفين حجم المشاريع والابداع اللى بيحصل من شباب مصريين احنا نفخر بيهم ليه ؟ ليه فيه ندرة فى المعلومات عن القرية الذكية
م/عمرو ابو علم :لا هو حضرتك ما فيش ندرة لان كل المعلومات منشورة على الانترنت وعلى الوايت سايد بتاعنا لو اى حد حب يخش هيلاقى كل المعلومات اللى انا بقولها لحضراتكم موجودة ومنشورة انما الناس ما بتلاقيش اعلان عن القرية الذكية فى التليفزيون مثلا انما مش دى الطريقة الى بنجذب بيها الشركات العالمية
محمد موافى :الطريقة ازاى يا فندم ؟
م/عمرو ابو علم :التسهيلات اللى احنا بنقدر نقدمها للشركات العروض فى المعارض العالمية وفى الاسواق العالمية والمصرية والزيارات اللة بتت من الشركات لداخل القرية الذكية لما بيشوف الشركات العماليه اللى موجودة وبيشوف المبانى بتاعتهم اللى جوا وان هما بيشتغلوا من خلال المبانى فدا بيقى فيه تساؤلات عنه فبيطلب معلومات اكتر بيحاول يعرف معلومات اكتر الناس دى موجودة هنا ليه ؟ لما بيشوف التسهيلات المتاحه ليهم ولما بيشوف الشغل اللى هما بيعملوه سواء شركات مصريه او شركات عالميه بنقدر عن طريقها نجذب الشركات ان هى تيجى تشتغل عندنا.
محمد موافى :احنا بنتكلم فى 25 الف موظف مشروع بقاله 9 سنين بدانا فيه يوصلوا 100 الف بعد 4 سنين من دلوقتى بنتكلم عن فرص عمل كبيرة موجودة بس الكفاءات لناس مدربه كويس متعلمة كويس ما بتكتفيش بى اللى هو خدوا فى الجامعة او المدرسة
رشا مجدى: وقبل ختام يحدث فى مصرتحدثنا معكم من خلال هذه الحلقة عن القرية الذكية اغلب الشباب وصلتلهم معلومات هامة عن المشروع العملاق علشان يعرفوا ايه قيمة النفع العام اللى ممكن يعود عليها كمواطن قبل اى شىء ويقدر ان هو يصل ويلتحق بعمل فى مثل هذا المكان احنا بنشكر ضيفنا الكريم على هذا اللقاء شكرا جزيلا يا فندم
محمد موافى :حتى نلقاكم فى يحدث فى مصر فى حلقة جديد وضيف جديد وموضوع جديد الى اللقاء
رشا مجدى: الى اللقاء