يحدث في مصر

رشا مجدى: السادة المشاهدين فى كل مكان بنرحب بنرحب بحضرلتكم فى حلقة جديدة من برنامجكم يحدث فى مصرحلقة النهاردة مليئة بالمعلومات معلوماتنا عن مشاريع المياه والصرف الصحى بمحافظات سيناء
محمد المغربى :فى حلقة اليوم هنستعرض اهم المشروعات فى اغلى منطقة فى مصر منطقة سينا اللى ارتوت بدماء الالاف الشهداء من ابناء الوطن فى حرب 73 ومنها مشروعات المياه
رشا مجدى:الحكومة سعت بهذه الرقعة الغاليه من اهم هذه المشروعات كان مشروع المياه والصرف الصحى فى سينا هنقول شوية ارقام بلغت الطاقة الانتاجية 124 ونص الف متر مربع بتخدم553 الف نسمة فى عام 2009 ودا فى محافظة شمال سيناء و100 الف متر مكعب بتخدم حوالى نص مليون نسمة
محمد المغربى:ومن ضمن المشروعات ايضا هو مشروع قرية التوطين فى محافظة شمال سينا هومشروع تنقية مياه شمال سينا فى القنطرة شرق بطاقة 104 الف متر مكعب وكذلك مشروع رفع المياه بالعريش
رشا مجدى:المشاريع كتيرة تعالوا نتعرف اكثر على هذه المشاريع من ضيفنا فى الاستوديو اللواء محمد ناصر رئيس تعمير سينا اهلا بيك يا فندم
اللواء/ محمد ناصر:اهلا بى حضرتك
محمد المغربى: مساء الخير سياد اللوا احنا معانا تقرير عن مشروعات مياه الشرب والصرف الصحى فى سينا خلينا نشوفه سريعا ونرجع نبدا حوارنا
تقرير
المياه تعنى الحياه والتنميه لذا كان التحدى الاكبر هو جعل سيناء منطقة جذب سكانى والسياحة رغم ندرة مصادر المياه بها ومن هنا تم تنفيذ خطط خمسيه لوفير المياه فى سينا حتى يصل عدد سكان المقيمين الى 3 ملايين نسمة عام 2017 ولامداد مدن سينا بمياه الشرب النقية تم تنفيذ عدة مشروعات من اهمها تنقية مياه النيل بعد توصيلها لاول مرة الى رفح اقصى حدود مصر الشرقيه وايضا مد القرى السياحيه والبترولية والتعدينية بمحافظة جنوب سيناء بمياه النيل النقية
مسئول فى جهاز التعمير :احنا بنستقبل هنا فى المحطة الميه العكر اللى جايه القنطرة غرب محطة العكره من ترعة اسماعيليه بورسعيد بنستقبل هنا بامر الله 110 الف متر مكعب ميه عكرة بنستقبلها للتوزيع بنعالجها بالكلور بنخش بعد كده على مرحلة الترويق فى المروقات احنا عندنا عدد 6 مروقات بعد كده بنخش على مرحلة الترسيب عندنا 14 مرشح طاقة المرشح100 مترميه بتخش الميه بعد كده بتكون ميه نقية صالحة للشرب على خزانات ارضية سعة الخزان 4000 متر مكعب, ولامداد التجمعات السكانية والسياحيه فى مدن خليج العقبة بمياه الشرب والتى يصعب لمياه النيل الوصول اليها تم تحلية مياه البحر كمصدر للمياه لادخال احدث تكنولوجيا التحليه العالميه لتوفير المياه للاستخدمات اليوميه
مسئول فى جهاز التعميربسيناء:علشان نوفر مياه صالحة للشرب نفذنا محطات تحلية فى العريش وفى وسط سينا حتى شرق سينا كان عندى فى العريش حتى سنة 85 محطات تحليه بتوزع المياه الصالحة للشرب على مواطنى مدينة العريش بالاضافة اننا بدانا داخل وسط سيناء نعمل محطات تحليه فى كل مركز من مراكز المدينة نفذنا 5 محطات فى كلا من النخيلة والحسنة اوبو عجيله والكنتله وللحفاظ على بيئة سيناء نظيفة وخاليه من التلوث كان لابد من تغطية المحافظات بمشروعات الصرف الصحى حيث يتم انشاء مشروعات فى جميع المدن ومن مشروع الصرف الصحى المتكامل فى مدينة العريش وضواحيها بطاقة 54 الاف متر مكعب بتكلفة بلغت 188 مليون جنيه وكذلك مشروعات الصرف الصحى لمدن جنوب سيناء باجمالى طاقة 28 الف متر مكعب وتكلفة بلغت 225 مليون جنيه
رشا مجدى:سياد اللوا يعنى اللى احنا شوفناه ده مع دخولنا عالم السلام و الاستقرار فيه كتير عايزين يعرفوا كيف كان الحال قبل ما ندخل عالم السلام والاستقرار ؟
اللواء/ محمد ناصر:حضرتك فى الحقيقه انا كان ليا شرف الخدمة العسكريه فى منطقة سينا منذ لحظة استلامها كان طبعا كل الحياه بعض المدن الصغيره فى الشمال والجنوب وبعض القرى عايشه عيشه بدائية جدا طبعا كان كل اللى موجد كان مية ابار الناس بتشرب منها
رشا مجدى:مية ابار يبقى ما كنش فيه صرف صحى كمان
اللواء/ محمد ناصر:اه طبعا ماكنش فيه صرف صحى ابتدى طبعا الصرف الصحى مع بداية التعمير فى اوائل التمانينات طبعا مهما اوصف لحضرتك كان الموضوع بدائى جدا يعنى الحياه بدائية بالنسبه فيما يتعلق بموضوع الصرف الصحى كان الموضوع بدائى جدا
محمد المغربى :طب ادينا مثال يا سياد اللوا الموضوع ازاى كان بدائى ؟ انت قلت مثلا ابار يعنى ادينا فكرة عامة
اللواء/ محمد ناصر:يعنى حضرتك لو فيه قريه مثلا الناس بيفحروا فيها بير بيبقى بير سطحى مش بير عميق يعنى بير يعنى السطح ده يعنى بيجمع الميه بتاعته من ميه المطر ومن خلال طبقات التربه ومن خلال هذا البير بوسائل يدويه بيتم رفع هذه المياه بيوزعوها على العائلات يعنى
رشا مجدى:الكلام دا لغاية سنة كام ؟
اللواء/ محمد ناصر:لغاية بداية التمانينات من ساعة ما بدانا تعمير سيناء اللى هى المدن الرئيسيه فى سينا اللى هى فى الشمال اللى طبعا زى ما حضرتك عارفة بعد حرب 73 حصل اتفاقيات فصل القوات على مراحل بدا التعمير الفعلى من بداية التمانينات
رشا مجدى:يعنى حتى فكرة الحنفيات والشراكن ماكنش موجوده ده ؟
اللواء/ محمد ناصر:لا ما كنتش موجوده
محمد المغربى :او حتى عربيات الميه اللى بنشوفها فى قرى معينة اليوم ؟
اللواء/ محمد ناصر:لا حضرتك ما كنش فيه كمية الميه من البير السطحى متقدرش انها تملى عربية والعربية توزع
محمد المغربى :كان عدد السكان كان كام ساعتها ؟
اللواء/ محمد ناصر:حضرتك فى بداية التمانينات كالن عدد السكان فى الشمال والجنوب لا يتخطى ال 150 الف نسمة
رشا مجدى:طب الحمد الله ابتدينا فترة التعمير ابتدينا نعمل ايه ؟
اللواء/ محمد ناصر:حضرتك بصراحة الدولة من خلال خططها الخمسيه بدات تحط فى الاعتبار موضوع المشروع القومى لتنمية سينا هذا الشروع ترجم من خلال الخطط الخمسيه طبعا انا عايز اقول لحضرتك انوا اتصرف من اوائل التمانينات لغاية النهاردة على سيناء البنية التحتية بس حوالى 6 ونص مليار جنيه فى نهاية الخطة الخمسيه 2011 هنكون صرفنا حوالى 7 مليار جنيه موزعة على بنود البنية الاساسيه الرئيسيه اللى هى مياه شرب صرف صحى
رشا مجدى:الميه خدت قد ايه تقريبا ؟
اللواء/ محمد ناصر:الميه خدت مياه الشرب خدت نص هذا المبلغ 3,5 مليار لغاية 2012 ان شاء الله هنكون صرفنا
رشا مجدى:احنا بنتكلم على شمال وجنوب سينا ؟
اللواء/ محمد ناصر:تقريبا مناصفة بينهم ال 3,5 مليار
محمد المغربى :كنت بتكلم سياد اللوا عن دور السلام فى تنمية سينا هناك ايضا فى دور استقرار معروف ان السلام والاستقرار هما حناحان لاى عملية تنمويه الى اى مدى اسهم الاستقرار الذى تعيشه مصر فى تنمية سينا
اللواء/ محمد ناصر:حضرتك يمكن موضوع البنية الاساسيه لو جينا نتكلم حضرتك اتكلم كمواطن عادى عاش فى حكم عمله يعنى طبعا فيه مشروعات تنمويه كبيرة جدا فى مجالات كتيرة جدا يعنى فى مجالات الزراعة فى مجال الصناعة فى مجال السياحة ودا مجال فى سينا بصراحة واخد طفرة كبيرة جدا
رشا مجدى:فى جنوب سينا
اللواء/ محمد ناصر:فى الجنوب بالذات وفى الشمال الى حد ما برده اخدت الوضع وفى جنوب سينا فى جنوب سينا اكتر بكتير طبعا فى جميع المجالات الدولة ما بخلش فى استثماراتها اعتقد انها وصلت دلوقتى من 25 لى 30 مليار جنيه على مستوى جميع القطاعات المختلفه
رشا مجدى:خلينا نتكلم على مشروعات الميه يعنى احنا دلوقتى فى حالة تنميه فى شمال سينا نتكلم على مشوعات المياه ايه المشوعات اللى بتهم الناس ؟
اللواء/ محمد ناصر:علشان حضرتك بره يعنى اوضح لحضرتك والساده المشاهدين الموضوع بالظبط هو حضرتك احنا بنهدف فى الاساس مشروع الميه انى انا اوصل بالفرد لمعدل الاستهلاك العالمى اللى هو بيقترب من حوالى 200 لتر للفرد عن اليوم احنا حضرتك النهاردة وصلنا وعدينا فى سينا
رشا مجدى:يعنى الفرد حصته قد ايه فى اليوم ؟
اللواء/ محمد ناصر:حضرتك الفرد فى شمال سينا حصته حوالى 230 لتر فى اليوم مياه نقية عذبة
رشا مجدى:مياه شرب
اللواء/ محمد ناصر:مياه شرب فيه حوالى 50 الف مياه ابار لما نحاول نوزعها تعملى حوالى 50 لكل فرد تانى بتستخدم استخدام منزلى مش منياه شرب
رشا مجدى:خلينا اتكلم عن المصادر اللى هى مش مياه ابار مصادر الميه ايه
اللواء/ محمد ناصر:حضرتك لو جينا مسكنا الشمال الشمال اجمالى الطاقة الانتاجيه للمياه 124 الف متر مكعب فى اليوم ال 124 الفمتر مكعب فى اليوم من المياه حضرتك بيجوا من محطة تنقية من مياه النيل موجوده فى القنطرة شرق يعنى حضرتك احنا بنضخ ميه فيه واصله من ترعة اسماعيليه اتجاه بورسعيد بناخد ميه الميه دى بنقيةا فى قنطرة شرق وبندفعها فى اتجاه الشمال دى طاقتها 104 الف مكعب
رشا مجدى:دى شمال سينا
اللواء/ محمد ناصر:شمال سينا الحمد الله لغاية رفح على حدودنا فيه حضرتك تانى 20 الف متر مكعب تنقية مياه ابار يعنى تنقية مش تحليه يعنى مياه ابار صالحة للشرب دى فى الشيخ ذويل بتطلع تتنقى وبتضاف كده للطاقة الانتاجيه يبقى انا كده عندى 124 الف متر مكعب فى شمال سينا
محمد المغربى :طب هل افهم من كرمك يا سياد اللوا ان الميه وصلت الى كل ارجاء سينا شمالا وجنوبا ؟
اللواء/ محمد ناصر:حضرتك هنا مفهوم الميه الحلوه الى هى مياه النيل الى بتنقى او مياه الابار اللى بتنقى او بتحلى برده لو هى فيها نسبة ملوحة واخد بال حضرتك مياه البحر اللى بتحلى
رشا مجدى:ما انا لسه كنت هقول لحضرتك ان فيه مياه بحر فى جنوب سيناء
اللواء/ محمد ناصر:فى جنوب سيناء اه
رشا مجدى:وفيه محطات تحلية مياه
اللواء/ محمد ناصر:فيه محطات حضرتك لتحلية المياه لو جينا نمسك الطاقة الانتاجيه فى الجنوب علشان نبقى خلصنا موضوع الطاقة الانتاجيه هو الطاقة الانتاجيه فى الجنوب فى دائرة ال100 الف متر 85 الف متر مكعب مياه نقية تضخ من محطة غرب النخله وفيه جزء منها هيدفع الى اعلى نقطة فى مصر اللى هى سانت كاترين عن طريق منحه من الاتحاد الاوروبى بيعمل خط هيخلص ان شاء العالم فى نهاية العالم الحالى وهتنقل المياه الى اعلى نقطة فى مصر فى سانت كاترين نيجى بعد كده حضرتك
رشا مجدى:على شرم ودهب ونيوبع
اللواء/ محمد ناصر:هو حضرتك الطور فيه مياه ابار تنقى فى الطور طاقتها حوالى 20 الف متر الطور بتاخد حوالى 5000 متر وبتضخ 15 الف متر باتجاه شرم الشيخ محطات تحليه بقى حضرتك فى شرم الشيخ تحليه مياه البحر فى شرم الشيخ فى دهب فى نيوبع فيه طابا دى بتغطى بمياه الشرب النقية
محمد المغربى :مشروعات يا سياد اللوا اكيد احتاجت تمويل ضخم جدا عدد المشروعات اللى سيادك ذكرتها دلوقتى تعدى حوالى 6 او 7 مشروعات يعنى كلمنى عن التمويل
اللواء/ محمد ناصر:هو حضرتك تمويل الخطة الخمسيه للدوله بالنسبه لمياه الشرب حسب نهايه الخطة الخمسيه الحاليه 2012 هتكون وصلت 3ونص مليار جنيه على مياه الشرب فقط وحوالى مليار وربع على الصرف الصحى
رشا مجدى:طب مشروعات الصرف الصحى تقريبا وصلت الى كل قرى شمال وجنوب سيناء؟
اللواء/ محمد ناصر:بالنسبه لجنوب سيناء غطينا حوالى 80 % من المدن الرئيسيه بالنسبه لشمال سيناء غطينا حوالى 70 % من المدن والقرى الرئيسيه فى نهاية الخطة الخمسيه 2012 هنكون خلصنا بنسبة 100% شمال وجنوب سيناء تغطية مدن وقرى رئيسيه طب هنرجع نقول طب ليه مش القرى الصغيرة ؟ القرى الصغيرة ليها نظام تانى خالص فى الصرف الصحى غير القرى الكبيرة
رشا مجدى:ايه هو؟
اللواء/ محمد ناصر:الصرف الصحى حضرتك اللى انا بتكلم فيه ده دا مشروع متكامل يعنى النهردة مياه الصرف اللى بتنتج عن المنازل والمصانع وجميع الاراضى الاخرى دى حضرتك بيحصلها معالجة وبعدين نضخ وبروى بيها هذا هو المشروع المتكامل بالنسبه للقرى الصغيرة مقدرش اعمل فيها جاجة زى كده فى حاجة اسمها خزانات تحليل وعربيات الصرف بتروح لمحطات الكبيرة الى اقرب قريه رئيسيه او اقرب مدينه
رشا مجدى:سياد اللوا احنا سمعنا عن المشاريع بالنسبه لمياه الصرف الصحى فى شمال وجنوب سيناء ممكن نسمع تقرير نسمع فيه اراء الناس عن المشروعات بس نشوف فاصل الاول وبعدين نرجع نتكلم
فاصل
محمد المغربى :سيادة اللواء يعنى بنرحب بيك مرة تانيه فى يحدث فى مصر حجم المشروعات اللى انت ذكرتها اكيد قابلكم فى جهاز تعمير سينا بعض المعوقات لتنفيذ هذه الخطط الطموحة كلمنا عن هذه المعوقات وقلنا ازاى استطعوا تتغلبوا على هذه المعوقات فى مجال مشروعات مياه الشرب والصرف الصحى
اللواء/ محمد ناصر:حضرتك يعنى الحمد الله وبفضل الاستثمارات الكبيرة اللى بتحطها الدولة لمشروعات الصرف الصحى هو حضرتك فى الاساس اى معوق لاى مشروع هو التمويل فحضرتك مثلا لو كان مخطط للمشروع مبلغ معين واتقابلنا اثناء مثلا تنفيذ المشروع وفيه معقوبات التربة مثلا مخالفه لى الطبيع اللى كانت اصلا متاخده عليها احسابات او متاخد عليها التصميمات الدولة ما كنتش بتتاخر طبعا خالص فى تدعيم اى مشروع باى تمويل زائد علشان يخلص فى موعده المحدد يمكن حضرتك برده احنا موقفناش عند الموضوع فى شمال وجنوب سينا موقفناش عند مشاريع احنا بنمشى بتوسعات لزيادة عدد السكان الموجوده حاليا يعنى حاليا دلوقتى فيه محطة جنوب سينا ومحطة غرب النفق بتضاعف فيها اطاقة الانتاجيه من 35 الف لى 70 الف
محمد المغربى :عايزين فى الاول نوضح كم عدد السكان دلوقتى حضرت قلت ان فيه عدد يعنى فى ازدياد
اللواء/ محمد ناصر:حضرتك الارقام اللى زادت نص مليون فى الشمال والجنوب دى كان اصليين السكان الاصليين فى الشمال حوالى 350 الف نسمة وفى الجنوب بحوالى 200 الف نسمة بقيت حضرتك الل بيكمل نص مليون دا وافدين سواء السائحين سواء الموظفين
رشا مجدى:بس موجودين احنا بنحسب ان فيه موجود 500 الف نسمة فى الشمال وفى الجنوب بيستهلكوا مياه
اللواء/ محمد ناصر:انا هقول لحضرتك اللى موجودين فى المحافظتين حوالى مليون فرد حاليا هيوصلوا مع نهاية الخطة الخمسيه لحوالى مليون واتنين من عشرة الطاقة الانتاجيه للميه اللى احنا بنزودها دلوقتى هنوصل معدل مياه الشرب للفرد 600 لتر يعنى ضعف المعدل العالمى مرة ونص يعنى بنواكب الزيادة بتاعة السكان واكتر كمان
رشا مجدى:من اللى حضرتك بتقوله مفيش مشكلة مياه شرب فى شمال وجنوب سيناء ؟
اللواء/ محمد ناصر:يعنى حضرتك برده علشان نكون صرحاء بنسبة 100% هو حضرتك فيه مشكلة فى منطقة الوسط منطقة الوسط سيناء المناطق دى عدد السكان فيها قليل فى نفس الوقن فيه منطقة صناعيه بتنشا فيه وسط سيناء حاليا وكل مثلا سنة بتزيد فيها عدد المشروعات اللى موجوده بالنسبه لوصول الميه لهذه المنطقة فى وسط سينا حاليا الشركة القابضه لمياه الشرب والصرف الصحى بتعمل مشروعات بتعمل خطوط عرضية لتغذية هذه المصانع وتغذية الاماكن اللى موجود فيها المواطنين اللى هما البدو الموجودين فى وسط سينا لمياه الشرب احنا مش سايبهم من غير ميه دلوقتى لا احنا عمللهم محطات صغيرة فى اماكنهم
رشا مجدى:دا فى اللحطة الحاليه ؟
اللواء/ محمد ناصر:الحاليه وان شاء الله بعد كده هندلهم مياه الشرب بتاعة النيل اللى هى من الخطوط العرضيه
محمد المغربى :عدد السكان فى المنطقة دى تحديدا ؟
اللواء/ محمد ناصر:حضرتك بتتكلم عن 30 ، 40 الف
رشا مجدى:احنا معانا تقرير نسمع فى التقرير ده هناك بعض الملاحظات عن مشاريع المياه والصرف الصحى فى شمال وجنوب سيناء ايه رايك نسمعه وبعدين ترد على هيقوله
تقرير
المياه حق وليس سلعه شانها شان الصحة والتعليم وبنظرة حقيقية الى المواطن السيناوى نجده مازال يعانى من ازمة وصول المياه رغم جهود الدولة المتواصلة وقد تصاعدت مشكلة المياه بشكل غير مسبوق فى سيناء تزامنا مع استلام الشركة القابضه لتوزيع المياه والصرف الصحى عملها فى المحافظة و وتتجه ازمة المياه فى سيناء لضخ اكبر كميه من المياه الى منطقة الشاليهات والقرى السياحيه فى العريش على حساب الحصص المستحقة للاحياء وانتعاش مهنة السقا فى مدينة الشيخ زويل ورفح وتدافع الاهالى بشراكن وراء جرارات بيع المياه الاهليه ووصول سعر الصهاريج فى وسط سيناء الى الى 300 جنيه وهى صهاريج يمتلكها الاهالى ويتم نقل المياه فيها بطريقة غير امنه وصحيه واستاثار المصانع الاستثماريه بحصص شمال سيناء بصورة دائمة والتى لا تتاثر فى ايا من اوقات السنه بازمة الحصول على المياه
مواطن: هذا المجتمع البدوى الموجود فى وداى زغرب فيه بعض الخدمات اللى احنا متحاجينها زى مثلا حفر بير ارتواء مثلا عميق بحيث المنطقة يوجد بيها ميه على اعماق
مواطنه:مثلا واحد يجى يسكن فى حته بعيده عايز يشرب دا حياة الانسان الميه
لذا يظل تدفق المياه لسيناء ولاهلها هو الامل فى التنمية البشريه والزراعية والصناعيه فيما بنتهى عندها مقومات يبدا وينتهى عندها حل مشاكلنا الاقتصاديه والاجتماعيه
محمد المغربى :يعنى يا سياد اللوا زى ما شفنا فيه جهد حقيقى فيه طفرة حقيقيه حصلت فى سيناء فيما يتعلق بى مياه الشرب والصرف الصحى ولكن ايضا فيه ناس لها مطالب كلمنا الاول عن كلمنا الاول عن وادى الب ايه مشاكله محتاجين ايه ؟
اللواء/ محمد ناصر:هو حضرتك برده هو ملخص المشكلة كمية الميه اللى بتتضخ زى ما قلت لحضرتك بتغطى يعنى المفروض ان هى تغطى سينا هى المشكلة فيه التوزيع فى بعض المناطق حكاية توزيع الميه فدى اصلا هى فى الاساس مشكلة محافظات احنا علشان المشكلة دى تم انشاء شركة مياه والصرف الصحى هذه الشركة كم الانتاج اللى بينتج ده لو اتوزع توزيع صح على جميع فئات الشعب هو دا فعلا اللى بيتم دلوقتى حاليا بواسطة الشركة القابضه
محمد المغربى :تقصد ايه يا سياد اللوا بالتوزيع ؟
اللواء/ محمد ناصر:يعنى حضرتك انا النهاردة كجهاز تعمير انا مهمتى اوصل الميه الى المحافظات وعمل المشاريع اللى تمكنها من توصيل الميه بنخش بعد كده للمجالس المحليه فى توزيع المياه لغاية ما يوصل للمواطن دى حضرتك كانت بتم بطريقة يعنى مش علميه شويه
محمد المغربى :زى ايه ؟
اللواء/ محمد ناصر:زى الحاجات اللى اتعرضت فى التقرير جراكن عربيات ميه مش على المستو حضرتك الشكرة القابضه بقى تتولى توزيع المياه
رشا مجدى: تولت الشركة القابضة من امتى ؟
اللواء/ محمد ناصر:تولت من حوالى عام وبدات فعلا عملها بس حضرتك يعنى علشان مساحة سينا كبيرة يمكن حجم العمل او حجم الجهد مش باين دلوقتى ان شاء الله فى القريب العاجل ستنتهى هذه المشاكل لانى انا اصلا مشكلتى فى الكميه الانتاجية اللى بتنتج الكم اللى بينتج مفيش مشكلة
رشا مجدى:الشركة هتوصل هذه المياه النقية الى اصحابها او الى قاطنى هذه الاماكن بطريقة صحية ازاى ؟
اللواء/ محمد ناصر:يعنى انا هدى حضرتك مثلا مثال احنا دلوقتى بنتكلم فى وسط سينا عبارة عن ابار محليه فى القرى الصغيرة بتنتج الميه وبتنقى فى محطات صغيرة وبتوصل للاهالى ممكن توصل للاهالى عن طريق عربيات عربيات فناطيس بتوصل لغاية كل عائلة فى مكانها احنا حضرتك انهاردة الشركة القابضه هتعمل خطوط مياه رئيسيه اللى بيها توصل زى ما احنا فى المدن حضرتك موجودين بتمعل مثلا خزان عالى بتوصله اميه الخزان بتوصل منه الشبكات
رشا مجدى:بدا انشاء الخزانات ؟
اللواء/ محمد ناصر:بدا حضرتك الشركة القابضة تتولى هذا الموضوع وان شاء الله فى القريب العاجل جميع المشاكل اللى بنشوفها
رشا مجدى:دا المفروض فى الخطة الخمسيه اللى هتخلص فى 2011 ؟ ولا دا مشروع هياخد امتداد اكبر ؟
اللواء/ محمد ناصر: لا حضرتك دا هيفضل على طول لغاية ما يخلص بس ان شاء الله هينتهى انا متوقع فى انتهاء 2012 هتكون جميع المشاكل دى احلت ان شاء الله
محمد المغربى :سياد اللوا كان فيه ملحوظة انيه فى التقرير شوفناها تتعلق بى اعطاء الميزة للقرى السياحيه العريش مثلا على حساب مناطق اخرى
اللواء/ محمد ناصر: حضرتك النهاردة بالنسبه للقرى السياحية اللى موجوده فى العريش دى حضرتك كل قريه النهاردة الشركة القابضة بتعمل هذا الكلام لكن بتركب عداد للقريه وبسعر وبسعر ايه اللى قاعد فى المدينه خلاص بسعر المواطن العادى كان الموضوع ده مش متنظم قوى بدون الشركة القابضة لكن النهاردة علشان نفصل بين موضوع السياحة ومياه الشرب المدعمه للمواطن العادى بدات فعلا الشركة القابضة تاخد اجراءاتها فى ان المعاملة السياحية هى معاملة المواطن العادى وتقنين بقى موضوع الميه تخش القريه نفسها ما وصلش لسه التعامل المادى مقابل الميه انا بقصد توصيل الميه هو طبعا حضرتك ايه ما هو النهاردة موضوع الحساب بتاع الميه بنقننها يعنى النهاردة لما القريه السياحيه بتدفع مبلغ ان هما بياخد متر الميه بالسعر الفلانى مش هخدمه هيتحاسب عليه لا النهاردة مش هياخد اللى على قده بس فالبتالى هتفيض الميه وتوصل للمواطن العادى فى المدينة او القرية
رشا مجدى:سياد اللوا انا عايزه اعرف متى نستطيع ان نقول ان محافظة شمال جنوب سيناء كاملة المرافق سواء المياه سواء صرف صحى نقول خلاص كامل من كله امتى نقول ده
اللواء/ محمد ناصر: حضرتك ان شاء الله بنهاية الخطة الخمسية بنهاية 2012 اقدر اقول لحضرتك بنسبة 95% هتكون هذه المشاكل اتحلت
رشا مجدى:2012 ؟
اللواء/ محمد ناصر:2012 ان شاء الله
رشا مجدى:ماذا بعد 2012 ؟ ايه المخطط عندكم يعنى فى 2012 خلصنا كل حاجة ؟ يعنى مؤكد
اللواء/ محمد ناصر:مؤكد طبعا بس عايز اقول لحضرتك فيه توسعات بتم جميع المشروعات لتواكب الزيادة السكانية وتواكب رفع مستوى المعيشة للفرد الاتنين مع بعض يعنى مثلا لو انا النهاردة بغطى بنسبة 95% لا انا عايزة اوصل 100% وازيد علشان لو حصل زياده فى عدد السكان ابقى متغطى وهكذا
محمد المغربى :طب لو قلنا فى نقاط يا ساد اللوا ايه هى النقاط اللى ادت الى ما رايناه من انجاز اليوم فى سينا فى مجال مياه الشرب ومياه الصرف الصحى ايه العوامل الى ادت لهذا الانجاز ؟
اللواء/ محمد ناصر:حضرتك بصفة رئيسيه التوفر الامنى يعنى المشروعات حضرتك اللى خططناه علشان نوصل للمعدل العالمى بالنسبه للفرد من مياه الشرب
محمد المغربى :يعنى 1: التخطيط 2: ؟
اللواء/ محمد ناصر:2: التمويل
محمد المغربى :كويس 3:
اللواء/ محمد ناصر:3: حضرتك برده الكوادر التنفيذيه الحمد الله عندنا كوادر تنفيذ خصوصا فى البنية الاساسيه تعتبر على مستوى عالمى
رشا مجدى:ايدى مصريه 100% ؟
اللواء/ محمد ناصر:100%
محمد المغربى :طب هل تطالب بعوامل جديدة لكى يكتمل هذا الانجاز ويتحقق المزيد فى الخطط القادمة ؟
اللواء/ محمد ناصر:هو حضرتك يعنى مقدر اتكلم فى الموضوع ده يعنى احنا بنشدد النهاردة بسبب جميع قطاعات الدولة مش فى سينا بس محتاجة التمويل لان حضرتك النهاردة بنعمل قرى فى الطريق الصحراوى بنعمل قرى الاكثر فقرا تطوير الطرق الاكثر فقرا وهكذا انا شايف حضرتك معدل المشى فى سينا الحمد الله كافى جدا
رشا مجدى:طب ايه المشروع اللى خلاص هتبتدوا فيه فى القريب العاجل ؟ مشروع جديد ممكن نقوله للساده المشاهدين فى القريب العاجل
اللواء/ محمد ناصر:ان شاء الله هيتم مشروع شمال سينا لو اتكلمنا فى مواضيع الصرف الصحى فيه مشروع اللى باقى عندنا رفح رفح بناكد انوا فى نهاية 2012 هيكون خلص هنبدا مشروع فى فى دير العبد للصرف الصحى علشان تبقى شمال سينا كلها فيها صرف صحى هنبدا مشروع التطوير فى منطقة الطور فى سينا وان شاء الله هيكون فى نهاية الخطة الخمسيه هيكون خلص
رشا مجدى:قبل ما ننهى حلقتنا لا يسعنا الا ان نشكر ضيفنا اللوا محمد ناصر رئيس جهاز تعمير سينا اهلا بيك يا فندم وربنا يقويك
اللواء/ محمد ناصر: اشكركم يافندم على هذه الاستضافة الجميله
محمد المغربى :احنا المتشكرين ليك يا سياد اللوا وشكرا جزيلا لمشاهدينا الكرام والى حلقة قادمة يحدث فى مصر والى اللقاء